Wp/isv/Џ

Џ, џ (dže) jest kirilična bukva, upotrěbjajema v srbskoj, črnogorskoj i makedonskoj azbukah, kde označaje soglasku [d͡ʒ], a takože v abhazskoj azbukě, kde označaje soglasku [ɖ͡ʐ]. Jejin ekvivalent v medžuslovjanskom jest dvuznak dž.

Tuta bukva pojavila se prvy raz v 15. stolětju v rumunskoj kirilici kako izměnjeny variant bukvy Ч, a v 17. stolětju jejna upotrěba razprostranila se v Srbiju. Vuk Stefanović Karadžić vvedl ju v srbsku azbuku, ačekoli v prvoj versiji ješče koristal dvuznak чж. V 1944 g. ona takože byla vvedena v makedonsku azbuku. Ona upotrěbjaje se glavno v slovah turečskogo proizhodžen‍ja.

Proba vveden‍ja bukvy џ v ukrajinsku azbuku, v almanaku Русалка Днѣстровая 1837 g., okazala se kratkotrvala.

Někoje druge kirilične azbuky koristajut ine bukvy za označen‍je togože samogo zvuka [d͡ʒ], napriklad: Ҷ (tadžiksky), Ҹ (azerbajdžansky i altajsky), Ӌ (hakassky), Ӂ (moldavsky, do 1993 gagauzsky), Ӝ (udmurtsky), Җ (kalmyksky, turkmensky, ujgursky).

Kodovan‍je

Kodovan‍je		Џ	џ
Nazva v Unikodu		CYRILLIC CAPITAL LETTER DZHE	CYRILLIC SMALL LETTER DZHE
Unikod	šestnadseterična sistema	U+040F	U+045F
	deseterična sistema	1039	1119
HTML	šestnadseterična sistema	Џ	џ
	deseterična sistema	Џ	џ
	alfabetična sistema	Џ	џ

Vněšnje linky

• "U+040F Cyrillic Capital Letter Dzhe". codepoints.net (na anglijskom).
• "U+045F Cyrillic Small Letter Dzhe". codepoints.net (na anglijskom).

Ч ←	Varianty kiriličnoj bukvy Џ	→ Ш
Џ џ · Џ̆ џ̆ · Џ̇ џ̇