Wp/isv/Ќ

Ќ, ќ (Kje, Će, K s akutom) jest bukva kiriličnoj azbuky, ktora jestvuje samo v makedonskom pravopisu, kde ona označaje bezzvučny palatalny eksplosiv [c], v někojih narěčjah bezzvučnu alveolo-palatalnu afrikatu [t͡ɕ]. V romanizacijah ona najčestěje zaměnjaje se na ḱ, kj ili ķ. Ačekoli jejna forma jest osnovana na bukvě к, v makedonskom alfabetičnom redu nahodi se na dvadeset četvrtom městu, poslě bukvy т.

Etimologično ona najčestěje proizhodi od protoslovjanskogo jotovanogo t (tj), v svezi s tym odpovědaje srbsko ћ (ć), bulgarsko щ (št) i medžuslovjansko č, napr.: ноќ «noč», веќе «veče», i t.d.

Kodovanje

Kodovanje		Ќ	ќ
Nazva v Unikodu		CYRILLIC CAPITAL LETTER KJE	CYRILLIC SMALL LETTER KJE
Unikod	šestnadseterična sistema	U+040C	U+045C
	deseterična sistema	1036	1116
HTML	šestnadseterična sistema	Ќ	ќ
	deseterična sistema	Ќ	ќ
	alfabetična sistema	&#KJcy;	&#kjcy;