Wp/isv/Њ

Њ њ (nje) jest kirilična bukva upotrěbjajema v srbskom, črnogorskom, makedonskom i medžuslovjanskom jezykah za označenje palatalnogo ili palatalizovanogo ekvivalenta suglasky н: poslědovateljno [ɲ] i [nʲ]. Ona jest ligatura bukvy н i mekkogo znaka ь; v večinstvu ostalyh jezykov pisajemyh kiriliceju, taže sama glaska označaje se dvuznakom нь.

Ona byla izmysljena Vukom Karadžićem i vvedena jim v srbsku ortografiju v 1818 g. V 1944–1945 lětah ona takože stala čest oficialnoj makedonskoj azbuky, a v 2009 g. črnogorskoj azbuky. V medžuslovjanskoj kiriličnoj azbukě ona zajmaje osmnadseto město, poslě н i prěd о. Jejin ekvivalent v latinici jest nj.

Kromě povyših jezykov, bukva њ takože upotrěbjaje se v itelmenskom jezyku, govorjenom na poluostrovu Kamčatka, za označenje glasky [ɲ]; v negidalskom jezyku, govorjenom v Habarovskom kraju, za označenje tojže samoj glasky; v udegejskom jezyku, tungusskom jezyku govorjenom v Primorskom kraju, a od 2024 g. takože v kumandinskom.

Kodovanje

Kodovanje		Њ	њ
Nazva v Unikodu		CYRILLIC CAPITAL LETTER NJE	CYRILLIC SMALL LETTER NJE
Unikod	šestnadseterična sistema	U+040A	U+045A
	deseterična sistema	1034	1114
HTML	šestnadseterična sistema	Њ	њ
	deseterična sistema	Њ	њ
	alfabetična sistema	Њ	њ