Wp/isv/Ѓ

Ѓ, ѓ (gje, dže, G s akutom) jest bukva kiriličnoj azbuky, ktora jestvuje samo v makedonskom pravopisu, kde ona prědstavjaje zvučny palatalny eksplosiv [ɟ]. V romanizacijah ona najčestěje zaměnjaje se na ǵ, gj, đ ili dj. Ačekoli jejna forma jest osnovana na bukvě г, v makedonskom alfabetičnom redu nahodi se poslě bukvy д. Jejin bezzvučny ekvivalent v makedonskom jest ќ.

Etimologično ona najčestěje proizhodi od protoslovjanskogo jotovanogo d (dj), v svezi s tym odpovědaje ђ (đ) v srbskom, жд (žd) v bulgarskom i dž v medžuslovjanskom, napr.: меѓу «medžu», луѓе «ljudi», i t.d.

Bukva ѓ takože koristaje se v někojih drugyh jezykah:

• v jazgulamskom jezyku za zvuk [gʲ],
• v ubyhskom jezyku za prodolženje prědhodečej samoglasky,
• v slovniku vepsskogo jezyka Pavla Uspenskogo iz 1913 g. za označenje zvuka medžu г i х.

Kodovanje

Kodovanje		Ѓ	ѓ
Nazva v Unikodu		CYRILLIC CAPITAL LETTER GJE	CYRILLIC SMALL LETTER GJE
Unikod	šestnadseterična sistema	U+0403	U+0453
	deseterična sistema	1027	1107
HTML	šestnadseterična sistema	Ѓ	ѓ
	deseterična sistema	Ѓ	ѓ
	alfabetična sistema	&#GJcy;	&#gjcy;