Wp/isv/Žan-Polj Sartr
| Žan-Polj Sartr
(fr. Jean-Paul Sartre) | |
|---|---|
| Portret |  |
| Rodil se | 21 junija 1905 Pariž, Francija |
| Umrl | 15 aprilja 1980 (74 lět) Pariž, Francija |
| Partnerka | Simon de Bovuar (1929–1980) |
| Nagrady | Nobeleva nagrada po literaturě |
| Obrazovanje | École normale supérieure |
| Doba | Filozofija 20-go stolětja |
| Region | Zapadna filozofija |
| Škola | Kontenetalna filozofija, egzistencializm, fenomenologija, existencialna fenomenologija, hermeneutika, zapadny marksizm, anarhizm |
| Glavne interesy | Metafizika, epistemologija, etika, svědomost, literatura, politična filozofija, ontologija |
| Podpis |  |
Žan-Polj Čarlz Aimar Sartr (fr.: Jean-Paul Charles Aymard Sartre; 21 junija 1905 – 15 aprilja 1980 goda) – byl francuzskym filozofom, dramaturgom, romanistom, scenaristom, političnym aktivistom, biografom i literaturnym kritikom. Jego mněvajut glavnoju figuroju v francuzskoj filozofiji i marksizmu 20-go stolětja. Sartr byl jednoju iz ključnyh figur v filozofiji egzistencializma i fenomenologije. Jego tvorby okazali vliv na sociologiju, kritičnu teoriju, post-kolonialnu teoriju i literaturno izučenje. On byl nagradžen Nobelovoju premijeju po literaturě v 1964 lětu, bez obzira na jego probovanje od njej odkazati se, argumentujuči to slovami, že on vsegda odkazyval se od oficialnyh nagrad i že "pisatelj jest povinen ne dozvaljati prěobračati sebe v institut".
Sartr imal odkryte odnošenja s dostojnoju feministkoju i kolegoju-filozofom-egzistencialistom Simonoju de Bovuar. Vměstu Sartr i de Bovuar kydnuli izzov kulturnym i socialnym prědpokladam i očekyvanjam jih vozpitanja, ktoro oni mněli buržuazijnym, to projavjalo se kako v jih obrazu žitja, tako i v mysljenju. Konflikt medžu gnetučim, duhovno niščiteljnym konformizmom i "avtentičnym" obrazom "bytja" stali dominantnoju temoju rannyh tvorb Sartra, uosobjenoju v jego glavnom filozofskom trudu «Bytje i ničto» (L'Être et le Néant, 1943). Vvedenjem Sartra v jego filozofiju stala rabota «Egzistencializm jest Humanizm» (fr.: L'existentialisme est un humanisme, 1946), prvopočetkovo prědstavjenoju kako lekcija.
Iztočniky
[edit | edit source]Tutoj članok imaje prěvod iz članka «Jean-Paul Sartre» na anglijskom (spis avtorov; dozvoljeńje CC BY-SA 4.0).