Wp/isv/Časova zona
Možete pomogti Vikipediji uveličenjem članka. (dekembr 2025)
Časova zona jest uslovnoju oblastju na Zemji, vo ktoroj čas dnja jest ranši ili pozdnějši, než v susědnoj časovoj zoně. Tak jest sdělano zato, že kogda na jednoj straně Zemje jest denj, na drugoj jest noč, i čas dnja by musěl plavno prěhoditi od dnja ko noči, čto ne jest praktično. Vměsto togo Zemja jest razděljena na 24 časove zony, každa odličaje se od drugoj na ustaljeny časovy interval, i imaje vlastno ime, kako napriklad Srědnjeevropejsky čas ili Central European Time (CET), Sěveroamerikanska iztočna časova zona i tako dalje. CET vključaje věčšinu zapadnoevropejskyh i mnoge Iztočnoevropejske krajiny, a Sěveroamerikanska iztočna časova zona vključaje velike grady v Sěvernoj Amerikě kako Nju Jork i Majami.
Grinvičsko vrěme ili Greenwich Mean Time (GMT) načelo se v lětu 1675, kogda v Grinviču v Angliji byla izbudovana Kraljevska observatorija za pomaganje korabam nahoditi jejnu dolgotu v morju. Vrěme GMT jest stalo standardnoju referencijeju za registraciju časa, ako medžutym každy grad iměl razno městno vrěme. Kogda želěznice načeli prěvoziti mnogo ljudij medžu gradami, ktore sut držali razny čas, za upraščanje raboty byli sut vvedene časove zony. Priblizno k lětu 1900 bez malogo ves čas na Zemji uže byl v formě zon standardnogo vrěmene.
Grinvičsko vrěme tutčas nazyvaje se Universalno vrěme UTC (Coordinated Universal Time). UTC jest časovym standardom světa. Vse ostale česti světa imajut odstup od njego (plus ili minus), zavisno na jih dolgotě. Věčšinstvo zon imajut odstup na jednu časinu, ale sut i zony s odstupom v polovinu časiny ili 45 minut.
V něktoryh čestah světa takože slědujut Lětnjemu vrěmeni Daylight Saving Time (DST), podčas tutogo perioda lětom oni pridavajut jedin čas k standardnomu vrěmeni jihnoj časovoj zony.
Na geografičnyh polusah vrěme jest UTC na Sěvernom polusu i UTC+12 na Južnom.
Časove zony sčitajut se odnosno UTC, tak v Los Andželesu časova zona bude UTC−8, v Londonu UTC+0, v Rimu UTC+1, a v Nju Deli UTC+5:30.
Vněšnje linky
[edit | edit source]- Tutoj članok imaje prěvod iz članka «Time zone» v Vikipediji na prostom anglijskom (spis avtorov; dozvoljenje CC BY-SA 4.0).
