Wp/hrx/Fereenichde Staate fun Amerika
| United States of America | |||||
| Fereenichde Staate fun Amerika | |||||
| |||||
| Waalspruch: In God We Trust "Uff Gott fertraue meer"[1] | |||||
| Hauptstatt | Washington, D.C. | ||||
| Staatsforrem | Bunnesrëpublik | ||||
| Rëghierungssistem | Prësidenziaal Demokratie | ||||
| Staatsowerhaupt, zugleich Rëghierungsscheff | Prësident Donald Trump | ||||
| Flech | 9.525.067 km² | ||||
| Populazion | 340.110.998 (2024) | ||||
| Populazionsdicht | 34 Inwohner pro km² | ||||
| Wärung | US-Dollar (USD) | ||||
| Unabhengichkeed | 4. Juli 1776 (fum Keenichreich Grosbritannje) | ||||
| Nazionaalhimm | The Star-Spangled Banner | ||||
| Zeidzone | UTC−5 bis UTC−10 | ||||
| Kennzeiche | USA | ||||
| ISO 3166 | US, USA, 840 | ||||
| Internet-TLD | .us | ||||
| Tëlefonforwaal | +1 | ||||
.svg) Laagh fun de Fereenichde Staate | |||||
.svg)
Die 
Fereenichde Staate fun Amerika (FSA odder USA), aach eenfach als die Fereenichde Staate (FS odder US) bekannt, sin en Land im amerikaanische Kontinent. Sie sin en Bunnesrëpublik mit 50 Bunnestaate un en Bunneshauptstattdistrikt, Washington, D.C. Die 48 Staate, wo beisammer leie, grenze im Norde aan Kanadaa un im Siede aan Mexiko, mit de Hallebëxklaav Alaska im Nordweste un dem Hawaii-Arkipel im Pazifische Ozëaan. Die Fereenichde Staate domineere aach finnef grose Inselgebiede un etliche unbewohnde Insle in Ozëaanje un de Karibik. Es is en mëgadivers Land mit de drittgreste Landflech un de drittgreeste Populazion (fun iwer 340 Millione Mensche) uff de Welt.
Die FSA sin en prësidenziaal, konstituzionaal Bunnesrëpublik un rëprësentativ Dëmokratie mit drei Gewalte: Lëgislativ, Ëxëkutiv un Judikativ. Die Lëgislativ bestehd aus zwaai Kammre: dem Rëprësentantehaus (en Unnerhaus, wo sich uff de Populazionszaal basieerd) un dem Sënaat (en Owerhaus, wo drin alle Staate igaal rëprësenteerd werre). De Fëdëralismus garantierd de 50 Bunnestaate gros Autonomie. Nevebei, 574 native amerikaanische Kommuniteete hon Soveraaniteetsrechte, un es gebbd 326 native amerikaanische Rëserrve. Seid de 1850er domineere die Dëmokratisch un Rëpublikaanisch Partei die Politik. Die fereenichde-staatische Weerte basieere sich uff ener dëmokratische Tradizion, wo fun de Uffkleerung inspireerd is.[2]
Rëferenze
- ↑ State Symbols USA: National Motto of the USA | In God We Trust. In: statesymbolsusa.org. 6. Maai 2014 (englisch).
- ↑ Onuf, Peter S. (2010). The Origins of the Federal Republic: Jurisdictional Controversies in the United States, 1775–1787. University of Pennsylvania Press. ISBN 978-0-8122-0038-6.