Wp/hrx/Creative Commons Lizenze

Creative Commons sein Logo

Die Creative Commons (CC) Lizenze sin manniche effentliche Autoerrechtslizenze, wo die kostelos Ferbreidung fun sunst autoerrechtlich geschitzde Werrke meeghlich mache. En CC-Lizenz werd benutzd, wenn en Autoer annre Persone das Recht gewe will, en fun ihm krieerd Werrik se deele, se benutze un druff se baue. CC gebbd dem Autoer Flëxibiliteet (där kann zum Beispiel nore die netkomersiaal Nutzung fun enem bestimmde Werrik erlaave) un schitzd die Person, wo das Werrik fun enem Autoer benutzd odder weidergebbd, for Bedenke iwer Autoerrechtsiwertredunge, solang dass-se die Bedingunge inhalld, wo in de Lizenz spëzifikeerd sin, wo de Autoer drunner das Werrik ferbreid hod.

Es gebbd ferschiedne Sorte Creative-Commons-Lizenze. Jede Lizenz unnerscheed sich dorrich ferschiedne Kombinazione, wo die Bedingunge fun Ferbreidung spëzifikeere. Die sin zum eerste Mol am 16. Dezember 2002 fun Creative Commons publikeerd, ener 2021 gegrind fereenichde-staatisch Gesellchaft ohne profittliche Zweck. Es hod aach finnef Vërsione fun de Lizenzgruppe gebb, numereerd fun 1.0 bis 4.0. Die im November 2012 pubilikeerd 4.0-Lizenzgrupp is die aktuaalst. Wärend die Creative-Commons-Lizenz uerspringlich im fereenichde-staatische Rechtssistem ferankerd waar, gebbd-s heitsedaagh ferschiedne Creative-Commons-Rechtsprechungsgebied, wo internazionaale Gesetze akkommodeere.