Wp/hoc/𑢹𑢨! 𑢶𑢡𑢳𑢩𑢡

𑢹𑣈! 𑣖𑣁𑣓𑣉𑣁

𑣇𑣛𑣂 𑣆𑣀𑣋𑣃𑣚𑣖 𑣕𑣓

𑣔𑣃𑣖𑣃𑣈𑣕𑣈 𑣁𑣚𑣉𑣖 𑣙𑣜𑣁𑣕𑣂𑣊

𑣉𑣌𑣉𑣈 𑣔𑣃𑣌𑣃𑣈𑣕𑣈 𑣌𑣁𑢨 𑣙𑣜𑣁𑣕𑣂𑣊𑣁

𑢦𑣓𑣂𑣋𑣈 𑣖𑣁𑣓𑣉𑣁 𑣕𑣓𑣁.

𑢶 𑣞𑣈𑣓𑣈 𑣙𑣉𑣜𑣁 𑣜𑣈

𑣎𑣉𑣓𑣉𑣖 𑣏𑣉𑣋𑣁 𑣋𑣈 𑣁𑣒𑣈𑣑𑣁 𑣌𑣓

𑣞𑣓𑣀 𑣎𑣃𑣔𑣂 𑣆𑣛𑣂𑣊 𑣋𑣈𑣅𑣁

𑢮𑣁𑣓𑣁𑣖 𑣏𑣉𑣋𑣁 𑣜𑣈𑣋𑣈 𑣗𑣁 𑣘𑣃𑣒𑣁𑣉 𑣆𑣑𑣈𑣓.

𑢡𑣖𑣄 𑣞𑣓𑣀 𑣔𑣉 𑣁𑣖𑣋𑣈 𑣞𑣚𑣁𑣈𑣖

𑣞𑣈𑣓𑣈 𑣙𑣉𑣜𑣁 𑣎𑣂𑣚𑣂𑣊 𑣜𑣈𑣅𑣉

𑣖𑣃𑣞𑣂𑣊 𑣗𑣓𑣉 𑣖𑣃𑣞𑣂𑣊 𑣔𑣉

𑢡𑣖𑣄 𑣞𑣓𑣀 𑣘𑣃𑣜𑣓 𑣋𑣈𑣅𑣁.

𑢵𑣛𑣅 𑣗𑣁 𑣔𑣉 𑣚𑣉𑣞𑣉𑣑 𑣜𑣈 𑣇𑣘𑣁𑣓𑣉𑣄

𑣋𑣃𑣚𑣗 𑣗𑣁 𑣔𑣉 𑣎𑣓𑣃𑣖 𑣚𑣉𑣄 𑣋𑣈 𑣘𑣃𑣒𑣁𑣉𑣓

𑣇𑣌𑣕𑣁 𑣌𑣎𑣂𑣕𑣈 𑣁𑣚𑣉𑣖 𑣇𑣞𑣃𑣜𑣉𑣄

𑢵𑣛𑣅 𑣋𑣃𑣚𑣗 𑣋𑣈𑣌𑣁 𑣖𑣓𑣖𑣂 𑣎𑣂𑣆 𑣜𑣈 𑣜𑣁𑣀𑣞𑣁 𑣓𑣂𑣕𑣂𑣜𑣈𑣖.