Wp/hil/Tapaz, Capiz
Tapaz ang una nga klase sang municipalidad nga makita sa probinsya sang Capiz, Pilipinas. 517.18 kilometro kuadrado ang kalaparon sang iya duta kag makita sya sa ika-duha nga distrito. Base sa 2024 census, ini may populasyon nga 57,684. Ang zip code sini amo ang 5814.
Kamaragtas
[edit | edit source]Ang una nga tawo nga nag abot kag nag istar diri sa banwa sang Tapaz amo ang isa ka Panay-bukidnin nga naga hambal sang tumandok nga linggwahi nga ligbok.
Sang nag-abot ang mga Espanyol sa Panay, gintukod nila ang banwa sang Dumalag. Sang ulihi, gintukod ang Tapaz sang tuig 1835 apang padayon ini nga nangin kabahin sang banwa sang Dumalag sa madamo nga mga tinuig. Sang tuig 1862 kag 1863 duha ka sulat ang ginhimo sa pagdeklarar sang parokya sa idalum sang patronage ni San Jeronimo. Ginpirmahan ni Gobernador Heneral Lemery ang duha sang sulat, apang wala gid sila na ubra. Sang tuig 1874, gindeklarar ang Tapaz nga isa ka independiente nga parokya ni Jaro Obispo Mariano Cuartero.
Sang tuig 2016,kumpirma nga nagakadula na ang ligbok nga linggwahe sang Panay-Bukidnon sang Tapaz. Nagtuga ini sang isa ka daku nga programa sa pagtipig sang linggwahe kag sa epiko nga pag-amba nga ginahambal sang mga Panay-Bukidnon.
Heograpiya
[edit | edit source]Ang banwa sang Tapaz yara sa latitudo nga 11° 09’ hasta 11° 09’ 42" kag sa longitudo nga 121° 11’ hasta 122° 34’ 45". Ini 55 kilometro (34 mi) halin sa banwa sang Roxas.