Wp/hil/Pilipinas

Bandera sang Pilipinas

Ang Pilipinas (Ingles: Philippines), opisyal nga kilala nga Republika sg Pilipinas, isa ka pungsod sa Nabagatnan-Sidlangang Asya kag sa Nakatundang Kadagatang Pasipiko. Yara sa aminhan sini ang Taiwan. Katundan sa Katundang Dagat Pilipinas ang Vietnam. Sa bagatnan-katundan ang Dagat Sulu nga gintunpatung-an sang pungsod kag isla sang Borneo. Ang Dagat Celebes ang gasipak sa pungsod sa mga isla sang Indonesia. Galibutan ini sang Dagat Pilipinas sa sidlangan. May 7,641 ka isla ini nga natunga sa tatlo ka bahin: Luzon, Visayas, kag Mindanao. Ang dakbanwa sang Manila ang kabisera sini.

Maragtas

Dako nga impluwensiya ang pagsakop sa pungsod sang Espanya (halin 1565 tubtub 1898) kag Estados Unidos (halin 1898 hasta 1946). Ang pag-abut ni Ferdinand Magellan sang 1521 ang nag-umpisa sa interes kag kolonisasyon sang Espanya sa Pilipinas. Sang 1543, ginhingalanan ni Ruy Lopez de Villalobos ang kapoloan nga Las Islas Filipinas bilang pagtahod kay Philip II sang Espanya. Nalab-ot ni Miguel Lopez de Legazpi ang Pilipinas sang 1565 kag iya ginpalagnag ang gahum sang Espanya sa kapoloan nga nabilin nga kolonya sang Espanya sa sobra 300 ka tuig.
Tungod sa kolonisasyon sang mga Katsila, ang Katolikong Romano nangin pinakadaku nga relihiyon tubtub karon.

Heyograpiya

Ang Pilipinas may 18 ka mga rehiyon kag 81 ka mga probinsya sang 30 Hunyo 2024. Ang mga rehiyon amo ang National Capital Region, Cordillera Administrative Region, Rehiyon I (Ilocos Region), Rehiyon II (Cagayan Valley), Rehiyon III (Central Luzon), Rehiyon IV-A (CALABARZON), Rehiyon sang MIMAROPA, Rehiyon V (Region sang Bicol), Rehiyon VI (Western Visayas), Negros Island Region (NIR), Rehiyon VII (Central Visayas), Rehiyon VIII (Eastern Visayas), Rehiyon IX (Zamboanga Peninsula), Rehiyon X (Northern Mindanao), Rehiyon XI (Rehiyon sang Davao), Rehiyon XII (SOCCSKSARGEN), Rehiyon XIII (Caraga), kag Bangsamoro Autonomous Region In Muslim Mindanao (BARMM).

Mga pangguwa nga kawad

• Official website of the National Government of the Republic of the Philippines
• Official Gazette of the Republic of the Philippines
• Pilipinas sa Encyclopædia Britannica
• Sumaryo para sa estadistika sang negosyo sa World Bank: Pilipinas
• Pilipinas halin sa BBC News