Wp/grc/Ὕμνος εἰς τὴν Ἐλευθερίαν
Τοῦτο τὸ λῆμμα ἀνατεθεώρηται.
Τοῦτο τὸ λῆμμα γέγραπται τῇ Ἀττικῇ καὶ τῇ Ἀττικιζούσῃ διαλέκτῳ.Ὁ Ὕμνος εἰς τὴν Ἐλευθερίαν, ποίημα Ἑλληνικόν, ὑπὸ Διονυσίου Σολωμοῦ τῷ 1823 ἔτει γραφέν, ὕστερον δὲ ὑπὸ Νικολάου Μαντζάρου μελοποιηθέν, ἐγένετο μέγα μνημεῖον ἐλευθερίας καὶ πατρίδος. Ἔχων ἑκατὸν πεντήκοντα ὀκτὼ στροφὰς τετραστίχους, ἐγράφη κατὰ τὰς ἀρχὰς τοῦ Ἑλληνικοῦ Ἀγῶνος ὑπὲρ ἀνεξαρτησίας. Τῷ 1865 ἔτει αἱ δύο πρῶται στροφαὶ ἐκυρώθησαν ὡς ὁ ἐθνικὸς ὕμνος τῆς Ἑλλάδος, ὕστερον δὲ καὶ τῆς Κύπρου.
Σύνθεσις καὶ ποιητικὴ τέχνη
[edit | edit source]Ὁ Διονύσιος Σολωμὸς ἔγραψε τὸ ποίημα ἐν Ζακύνθῳ μετὰ τὴν ἔναρξιν τοῦ Ἀγῶνος. Ἔχει δὲ μέτρον στίχων ὀκτοσυλλάβων καὶ ἑπτασυλλάβων ἐναλλάξ, Ῥομαντικὰς ἰδέας ταῖς ἀρχαίαις ποιητικαῖς παραδόσεσι συγκεραννῦν. Καίπερ ἐν τῷ πλαισίῳ τῆς Ἑλληνικῆς ἀντιστάσεως πρὸς τοὺς Ὀθωμανοὺς ῥιζούμενος, ὁ ὕμνος ὑπερβαίνει τὸν ἐνεστῶτα χρόνον, τὰ καθόλου περὶ ἐλευθερίας καὶ θυσίας κηρύττων.
Μελοποίησις
[edit | edit source]Ὁ Νικόλαος Μαντζάρος πρῶτος ἐμελοποίησε τὸ ποίημα τῷ 1828 ἔτει, χρησάμενος μέλεσι δημοτικοῖς καὶ ἁρμόσας αὐτὸ εἰς χορὸν τετράφωνον. Δι᾽ ἐτῶν δὲ πολλῶν τὴν σύνθεσιν ἐπανώρθωνεν, ἐπὶ τεχνικώτερον καὶ σεμνότερον εἶδος ἄγων. Περὶ τὸ 1860 ἔτος μέλος στρατιωτικώτερον κατεσκευάσθη, ἵνα ἐν ταῖς δημοσίαις τελεταῖς καὶ τῇ ἐθνικῇ ἀναγνωρίσει εὔχρηστον γένηται.
Κύρωσις ὡς ἐθνικοῦ ὕμνου
[edit | edit source]Καίπερ τοῦ ὕμνου καὶ τῶν δημιουργῶν αὐτοῦ (τοῦ τε ποιητοῦ καὶ τοῦ συνθέτου) ἤδη ἐπὶ τῆς βασιλείας τοῦ Ὄθωνος τιμωμένων, μόνον μετὰ τὴν ἐκείνου καθαίρεσιν ἐκυρώθη τὸ ᾆσμα ὡς ἐθνικὸς ὕμνος. Βασιλικῷ διατάγματι τῷ 1865 ἔτει αἱ δύο πρῶται στροφαὶ ἐτέθησαν ὁ ὕμνος τῆς Ἑλλάδος· ἡ δὲ Κύπρος τῷ 1966 ἔτει τὸν αὐτὸν ὕμνον εἵλετο, τὴν πρὸς Ἑλλάδα κοινωνίαν τὴν πολιτισμικὴν καὶ ἐθνικὴν δηλοῦσα.
Χρῆσις
[edit | edit source]Μακροῦ γὰρ ὄντος τοῦ ποιήματος, μόναι αἱ δύο πρῶται στροφαὶ ἐπ᾽ ἐθνικαῖς τελεταῖς ᾄδονται, οἷον ἐν τῇ ὑψώσει τῆς σημαίας καὶ ἐν στρατιωτικαῖς ἑορταῖς. Ἀρχικῶς μὲν χορικῶς μελοποιηθέν, ὕστερον δὲ πρὸς πληρεστάτην ὀρχήστραν καὶ στρατιωτικοὺς αὐλοὺς ἠρμόσθη.
Σημασία
[edit | edit source]Ὁ «Ὕμνος εἰς τὴν Ἐλευθερίαν» διακεκριμένην θέσιν ἐν τῇ ἐθνικῇ συμβολικῇ κατέχει· κοινὸς γάρ ἐστιν ὕμνος Ἑλλάδος τε καὶ Κύπρου, ποίημα καὶ μέλος τὴν Ἑλληνικὴν ταυτότητα ἐκφράζον. Πολλάκις ἐν διεθνέσι πανηγύρεσιν ᾀδόμενον, τὸν λόγον τῆς ἐλευθερίας, τῆς καρτερίας καὶ τῆς ἐθνικῆς ἀξιοπρεπείας ἀσφαλῶς διαφυλάττει.
| Τὸ Πρωτότυπον Κείμενον | Εἰς τὴν Ἀτθίδα μετάφρασις |
|---|---|
Σὲ γνωρίζω ἀπὸ τὴν κόψι |
Σὲ γιγνώσκω ἀπὸ τὴν κόψιν |