Wp/grc/Ἀπόστολοι ἐν τῇ Καινῇ Διαθήκῃ

 Τοῦτο τὸ λῆμμα ἐγράφη ἐν τῇ Κοινῇ διαλέκτῳ.

Τὸ «Μυστικὸν Δεῖπνον», τοιχογραφία Λεονάρδου τοῦ ντα Βίντσι (περὶ τὰ τέλη τοῦ 15ου αἰῶνος), ἀπεικονίζει τὸ τελευταῖον δεῖπνον τοῦ Ἰησοῦ μετὰ τῶν δώδεκα ἀποστόλων πρὸ τῆς σταυρώσεως· κεῖται δὲ ἐν τῇ μονῇ τῆς Ἁγίας Μαρίας τῶν Χαρίτων ἐν Μηδιολάνῳ.

Κατὰ τὴν Χριστιανικὴν πίστιν οἱ ἀπόστολοι—μάλιστα δὲ οἱ δώδεκα, οἵ καὶ μαθηταὶ προσαγορευόμενοι—ἦσαν οἱ ἐγγύτατοι ἀκόλουθοι τοῦ Ἰησοῦ. Ἀναφέρονται δὲ ἐν τῇ Καινῇ Διαθήκῃ ὡς κύριοι διάκονοι τοῦ εὐαγγελίου, ἔν τε τῇ διακονίᾳ τοῦ Ἰησοῦ καὶ μετὰ ταῦτα, ἐν τῷ πρώτῳ αἰῶνι (1ος αἰ.). Κατὰ τὰ εὐαγγέλια ὁ Ἰησοῦς ἐξελέξατο τοὺς δώδεκα τούτους ἄνδρας ἵνα ἀκολουθῶσιν αὐτῷ καὶ μανθάνωσι παρ’ αὐτοῦ. Ἔστιν δὲ καὶ παράδοσις ἐν τῇ Ἀνατολικῇ Ἐκκλησίᾳ καθ’ ἣν ὁ Ἰησοῦς ἀνέδειξεν καὶ ἑτέρους ἑβδομήκοντα ἀποστόλους, οἳ συνηργοῦν αὐτῷ ἐν τῇ διακονίᾳ.

Ἡ διήγησις τῆς ἐκλογῆς τῶν δώδεκα εὑρίσκεται ἐν τοῖς Συνοπτικοῖς Εὐαγγελίοις. Μετὰ δὲ τὴν ἀνάστασιν αὐτοῦ ὁ Ἰησοῦς ἀπέστειλεν τοὺς λοιποὺς ἕνδεκα ἀποστόλους—τοῦ γὰρ Ἰούδα τοῦ Ἰσκαριώτου ἤδη τεθνεῶτος—κηρύσσειν εἰς πάντα τὰ ἔθνη ὅσα ἐνετείλατο· τοῦτο δὲ ἡ Ἐκκλησία καλεῖ τὴν Μεγάλην Παραγγελίαν.

Ὁ Παῦλος, καίπερ οὐκ ὢν εἷς τῶν δώδεκα, ἐκάλεσεν ἑαυτὸν ἀπόστολον, ἐπειδὴ ὁ ἀναστὰς Κύριος ὤφθη αὐτῷ ἐν τῇ εἰς Δαμασκὸν ὁδῷ· ὕστερον δὲ ἑαυτὸν ἐπεκάλει «ἀπόστολον τῶν ἐθνῶν».

Ἡ δὲ περίοδος καθ’ ἣν οἱ ἀπόστολοι ἔζων καὶ τὸ κήρυγμα διεδίδοσαν ὀνομάζεται ἡ Ἀποστολικὴ Ἐποχή.