Wp/gpe/Cape Coast

From Wikimedia Incubator
< Wp‎ | gpe
Wp > gpe > Cape Coast
Cape Coast
big city, metropolitan area
ContinentAfrica Edit
CountryGhana Edit
Capital ofCape Coast Metropolitan District, Central Region Edit
Located in the administrative territorial entityCentral Region Edit
LocationCentral Region Edit
Coordinate location5°6′0″N 1°15′0″W Edit
Located in time zoneCoordinated Universal Time Edit
Twinned administrative bodyBonn, Buffalo Edit
Replaced byAccra Edit
Map

Cape Coast be sam city, fishing port, den capital of Cape Coast Metropolitan District den Central Region of Ghana. Ebe one of de country ein most historic cities, sam World Heritage Site, home give de Cape Coast Castle, plus de Gulf of Guinea wey dey ein south. According to de 2010 census, Cape Coast get settlement population of 169,894 people.[1] De language of de people of Cape Coast be Fante.

De older traditional names of de city be Oguaa den Kotokuraba (wey edey mean "River of Crabs" anaa "Village of Crabs").[2] De Portuguese navigators João de Santarém den Pedro Escobar wey sail past Oguaa for 1471 insyd wey dem designate de place Cabo Corso (wey dey mean "short cape"), ein wey dem get de name Cape Coast from.[2] From de 16th century go de country ein independence for 1957 insyd, de city change hands between de British, de Portuguese, de Swedish, de Danish den de Dutch. Ebe home give 32 festivals den celebrations.[3]

Dema History

Oguaa people be de founders of Cape Coast wey ebe dema paramount chief wey dey rule ova de region, anaa Omanhene, wey be known today as Oguaa Traditional Area.[2] Cape Coast be one of de most historical cities for Ghana insyd.[4] Portuguese colonists build sam trading fort for de area insyd. For 1650 insyd, de Swedes build sam lodge wey go later cam turn de better known Cape Coast Castle, wey now ebe World Heritage Site. Chaw modern town expand around am. De Dutch take am ova for 1650 insyd wey dem expand am for 1652 insyd. De British den capture am for 1664 insyd.

Na Trade be sam important motivator for de creation of fortresses den settlements top for Cape Coast insyd. Traders wey dey comot from various European countries build dese trading lodges, forts den castles along de coast of modern Ghana. Unfortunately, na de acquisition of gold, slaves, honey, den chaw oda goods wey compose de African leg of de Triangular Trade be increasingly detrimental give de inhabitants of Cape Coast.[5] For 1874 insyd, de British dominate all European presence along de coast of modern-day Ghana wey dem use Cape Coast as dema base of operations, Gold Coast. Plus de establishment of formal colonial administration, dem relocate go Accra following opposition plus de "window tax" for 1877 insyd. Accra cam turn dema state. Na Cape Coast Castle san be wer chaw slaves dey before dema journey for de Middle Passage top.

Dema Asafo companies

Main article: Asafo

Oguaa Traditional Area get seven asafo companies – traditional warrior groups, wey dey base for lineal descent top, wey na dema historical role be defence of de state[6] (de word dey cam from sa, wey dey mean "war", den fo, wey dey mean "people") – plus sam complex social den political organization wey dey base for martial principles top,[7] den elaborate traditions of visual art.[8][9] De asafo companies dey feature largely for Cape Coast ein annual Fetu Afahye festival wey dey happen for first Saturday of September,[10] wey each get historical established uniform colours: Esi Sutherland-Addy dey identify dese as: No. 1. Bentsir – red; No. 2. Anafo – blue den white; No. 3. Ntsin – green; No. 4. Nkum – yellow; No. 5. Amanful – wine den black; No. 6. Abrofomba (Brofo Nkoa) – white; No. 7. Ankrampa – white den black.

[11]

Dema 20th century

Dem dedicate de city ein St. Francis Cathedral for 1928 insyd.[12] De building be de first Catholic Cathedral wey dem build for Ghana insyd.[13] Dem establish one of de first Catholic schools wey dey Ghana insyd, St. Augustine College, for Cape Coast for 1936 insyd.[14] De cocoa marketing boom of de 1900s wey Ghana experience, de city experience sam certain period of economic prosperity. Afta de completion of harbours den railways for oda parts of de country insyd such as Sekondi den Kumasi, cocoa cultivation den trade for Ghana cam spoil wey Cape Coast too loss sam importance.[15] However, afta de establishment of de Roman Catholic Archdiocese den de university of de city for 1950 den 1962 insyd respectively, Cape Coast cam turn regional educational hub for dis area of Ghana .[15]

Dema Transportation

Public Transports dey Cape Coast insyd wey dey go major cities such as Accra; Kumasi, Mim, Ahafo; Sunyani; Tamale; Tema; Ho; Wa; Bolgatanga; Elubo; Aflao, Techiman.

Dema Geography

Dema Topography

De area be dominated by batholith rock wey ebe generally undulating plus steep slopes. Valleys of various streams dey between de hills, plus Kakum wey be de largest stream.

De minor streams dey end for wetlands insyd, wey de largest dey drain go de Fosu Lagoon wey dey Bakano. For de northern part of de district insyd, however, de landscape be suitable for de cultivation of various crops.[16]

Dema Climate

Cape Coast get sam tropical savanna climate (Köppen: As) plus two long wet seasons – sam heavier one from March go July den sam lighter one from September go November – alongsyd two short dry seasons for January/February den August insyd.

Cape Coast be humid area plus mean monthly relative humidity wey dey vary between 85% den 99%. De sea breeze get moderating effect for de local climate top.[16]

Climate data for Cape Coast
Month Jan Feb Mar Apr May Jun Jul Aug Sep Oct Nov Dec Year
Average high °C (°F) 32

(89)

31

(87)

31

(87)

31

(87)

30

(86)

29

(84)

27

(80)

27

(80)

26

(79)

28

(83)

31

(87)

30

(86)

32

(89)

Average low °C (°F) 24

(75)

24

(76)

24

(76)

25

(77)

24

(76)

24

(75)

23

(73)

22

(71)

21

(70)

23

(73)

24

(76)

23

(74)

23

(73)

Average rainfall mm (inches) 25

(1.0)

25

(1.0)

76

(3.0)

130

(5.0)

230

(9.0)

230

(9.0)

100

(4.0)

25

(1.0)

76

(3.0)

100

(4.0)

130

(5.0)

150

(6.0)

1,297

(51)

Source: Myweather2.com[17]

Dema Attractions

View of fishing fleet from Cape Coast Castle

[[File:Cape Coast Castle, Ghana.jpg |thumb|right|300px|Centre of Cape Coast Castle ]]

University of Cape Coast dema Main street

De crab be de city ein mascot den sam statue of one stands for de city centre. Na Fort William, wey dem build for 1820 insyd, be sam active lighthouse from 1835 go de 1970s, wey dem build Fort Victoria for 1702 insyd.

De main market of Cape Coast be Kotokuraba Market.[18]

Oda attractions dey include sam series of Asafo shrines, Cape Coast Centre for National Culture, de Oguaa Fetu Afahye festival (wey dem dey hold for de first Saturday of September), wey since 1992 insyd, de biennial Panafest theatre festival.[19] De city dey 30 km south of Kakum National Park, one of de most diverse den best preserved national parks for West Africa insyd.

Dem dey believe say Michelle Obama, US First Lady, dey consider Cape Coast as ein ancestral home,[20] wey for 11 July 2009 insyd, she take de rest of de first family go tour Cape Coast Castle as part of ein husband ein trip for Cape Coast insyd.

Dema Education

University of Cape Coast Library Complex

Cape Coast be de seat of de University of Cape Coast (UCC), Ghana ein leading university for teaching den research insyd. Cape Vars, as dem popularly dey bell am, dey lie for sam hill overlooking de Atlantic Ocean insyd. Esan get one of de best Polytechnics, de Cape Coast Polytechnic (C-POLY). De city san dey boast of some of Ghana ein finest secondary den technical schools:

Dema Notable people

Notable people wey born for anaa associated plus Cape Coast dey include:

  • Prince James Hutton Brew: 1844–1915; solicitor.
  • Kwesi Brew: 1928–2007; poet den diplomat.
  • Joseph Peter Brown: 1843–1932; patriot, statesman.
  • Margaret Busby, OBE, also titled Nana Akua Ackon I: 1944–; publisher, editor, writer den broadcaster. Enstoolment for 1999 insyd.[21]
  • J. E. Casely Hayford: 1866–1930; author, lawyer, politician den educator.
  • James Cheetham: 1834–1902; merchant, member of de Legislative Council of de Gold Coast.
  • Ambrose Thompson Cooke: 1930–; millionaire, industrialist, textiles CEO den entrepreneur. Alumni London School of Economics den St Augustine's College Cape Coast
  • Sir James Henley Coussey, KBE: 1895–1958; High Court judge, chairman of de Coussey Commission, president of de West Africa Court of Appeal.
  • John Coleman de-Graft Johnson: 1884–1956; secretary of Native Affairs, anthropologist.
  • Samuel George Duker: 1905–1994; LRCP Edin, LRCS Edin, LRFPS Glasg; pioneering physician
  • King John Aggery Essien: 1809–1899; King of Cape Coast, pioneer Pan-Africanist.
  • Nana Amba Eyiaba I: 1950–; Queen mother of Effutu 16 of de Effutu Municipal District, educator den advocate for political rights of queen mothers[22]
  • Francis Chapman Grant: 1823–1889; founding member of de Fanti Confederation; cousin of Ulysses Grant.
  • Charles Emmanuel Graves: 1884–1929; musicologist, composer.
  • Mark Christian Hayford: 1863–1935; author, founder of Gold Coast Baptist Church den de Christian Army of de Gold Coast
  • Robert Hutchison: 1828–1863; statesman, soldier, philanthropist.
  • Prophet Jemisimiham Jehu-Appiah: 1892–1948; founder of Musama Disco Christo Church wey dey Africa insyd.
  • Thomas Frederic Edward Jones: 1850–1927; wey he petition Queen Victoria about Lands Bill.
  • John Mensah-Sarbah: 1864–1910; barrister, author, published Fanti Customary Laws.
  • Henry Mercer-Ricketts: 1895–1980; pioneering physician.
  • George Edward Moore: 1879–1950; recipient of de Ashanti Medal, executive member of de Aborigines' Rights Protection Society.
  • Hon. Ebo Barton Odro, First Deputy Speaker of de Sixth Parliament of de Fourth Republic
  • Andrew William Parker: 1840–1912; conscientious nationalist, he fight for de Ashanti expedition insyd.
  • Philip Quaque: 1741–1816; first African clergy of de Church of England wey dem ordain.
  • Peter Turkson: 1948–; Cardinal-Archbishop of Cape Coast.
  • Herbert Taylor Ussher: 1836–1880; early administrator
  • Henry van Hien: 1858–1928; President of de Aboriginal Rights Protection Society.
  • Hon. William Ward-Brew, OBE: 1878–1943; lawyer, VP of Aborigines' Rights Protection Society.
  • Herbert Winful: 1952–; engineering professor.

Dema Media house

  • Kastle FM[23]
  • Asaase Radio
  • Cape FM

Dema Foods

De Fante people of Ghana be notable for dema way of cooking. Dem be known say dem dey chop rich cuisine, mostly plus chaw fish, meat, anaa any form of protein than necessary. People dey believe say ebe secof de number of rivers den lakes dey de town insyd. People know dem say dem be expert for fishing den fish preservation abilities insyd. Sam of de cuisines be fante fante, etew den pepper sauce anaa okro stew, fante kenkey, wey you go fi chop am plus soups, stews anaa shito.

Dema Sister cities

List of sister cities of Cape Coast, wey Sister Cities International designate am:

Country City County / District / Region / State Date
Germany Bonn North Rhine-Westphalia 2012
United States Buffalo New York
United States Hanover Park Illinois

Make you see dis one too

References

  1. "2010 Population and Housing Census" (PDF). https://web.archive.org/web/20130925192147/http://www.statsghana.gov.gh/docfiles/2010phc/Census2010_Summary_report_of_final_results.pdf. Ghana Statistical Service.
  2. 2.0 2.1 2.2 Briggs, Philip (2019). Ghana (8th ed.). https://books.google.com.gh/books?id=1PyhDwAAQBAJ&q=oguaa+&pg=PA203&redir_esc=y#v=snippet&q=oguaa&f=false. Bradt Travel Guides. p. 203. ISBN 9781784776282.
  3. Banda, Rajaa. https://theculturetrip.com/africa/ghana/articles/11-fascinating-things-to-know-about-ghanas-cape-coast/. The Culture Trip. Retrieved 19 April 2018.
  4. https://www.ghanaweb.com/GhanaHomePage/geography/cape-coast.php
  5. Rømer, Ludvig Ferdinand; Winsnes, Selena Axelrod (2000). A Reliable Account of the Coast of Guinea (1760). British Academy. ISBN 978-0-19-726218-4.
  6. DeCorse, Christopher R.; Sam Spiers (2009). "A tale of two polities: socio-political transformation on the Gold Coast in the Atlantic World" (PDF). https://web.archive.org/web/20200215081331/https://pdfs.semanticscholar.org/72fc/667b123a59e90491d9bb2597bdb89ee407f6.pdf. Australasian Historical Archaeology. 27: 36. S2CID 67755840.
  7. Herman du Toit (ed.), Pageants and Processions: Images and Idiom as Spectacle, Cambridge Scholars Publishing, 2009, pp. 117–118.
  8. https://ghostarchive.org/varchive/youtube/20211221/eXZd_oDMkeI
  9. https://www.youtube.com/watch?v=Uh2XaqB_pl0
  10. David Allan Paintsil, "Oguaa to showcase potential of traditional warriors…in 2012 Fetu Afahye", The Chronicle (Ghana), 11 May 2012.
  11. Esi Sutherland-Addy, "Women and Verbal Arts in the Oguaa-Edina Area", Research Review (NS), Vol. 14, No. 2 (1998), p. 7.
  12. Sundkler, Bengt; Steed, Christopher (4 May 2000). A History of the Church in Africa. https://books.google.com/books?id=y1p61xARWY4C&dq=Cape+Coast+Cathedral+1928+First&pg=PA719. Cambridge University Press. p. 719. ISBN 978-0-521-58342-8.
  13. http://www.iubilaeummisericordiae.va/content/gdm/fr/mondo/porte-della-misericordia.html
  14. Amoah, Francis (26 July 2022). https://books.google.com/books?id=m-N9EAAAQBAJ&dq=Catholicism+Cape+Coast+Ghana&pg=PT46. Leadership Styles and Spiritual Traits of Catholic Priests: A Research Exploring the Relationships between Leadership Styles and Spiritual Traits of Catholic Priests. Fulton Books, Inc. p. 46. ISBN 978-1-63985-867-5.
  15. 15.0 15.1 Hyland, A. D. (1995). "The Architectural History of Cape Coast". https://www.jstor.org/stable/41406616. Transactions of the Historical Society of Ghana (1 (Vol. 16, no. 2)): 172. ISSN 0855-3246. JSTOR 41406616.
  16. 16.0 16.1 http://www.centralregion.gov.gh/index.php?option=com_k2&view=item&id=43:capecoast&Itemid=135
  17. http://www.myweather2.com/City-Town/Ghana/Cape-Coast/climate-profile.aspx
  18. https://sites.google.com/site/ghanaplacenames/places-in-perspective/markets#Kotokuraba
  19. https://web.archive.org/web/20220118035305/https://www.panafestghana.org/page/?id=9376
  20. http://www.businesstimesafrica.net/btm/details.cfm?prodcatID=6&tblNewsCatID=4&tblNewsID=167
  21. Discourses of Empire and Commonwealth, p. 230, Koninklijke Brill, NV, Leiden, The Netherlands, 2016, ISBN 978-90-04-32277-6
  22. https://web.archive.org/web/20140908153539/http://cwtlgh.org/nana-amba-eyiaba-I
  23. https://www.ghanaweb.com/GhanaHomePage/entertainment/I-don-t-entertain-men-who-want-to-sleep-with-me-Sefa-boldly-shares-1545860