Wp/gpe/Bob Pixel

Bob Pixel

human

Sex or gender	male
Country of citizenship	Ghana
Given name	Emmanuel
Family name	Bobbie
Date of birth	1 August 1976
Date of death	25 February 2021
Manner of death	natural causes
Cause of death	COVID-19
Languages spoken, written or signed	English
Occupation	photographer, graphic designer
Educated at	Kwame Nkrumah University of Science and Technology, Abuakwa State College, Odorgonno Senior High School
Copyright status as a creator	works protected by copyrights

Emmanuel Yeboah Bobbie (1 August 1976 – 25 February 2021), dem know am as Bob Pixel, na he be professional Ghanaian photographer den graphic designer. He create ein own brand in de form of documenting events like funerals den festivals. He sa work plus celebrities like M.anifest, John Dumelo, Yvonne Nelson, Menaye Donkor, Jackie Appiah den odas. Like he go participate for de 2021 International Fashion Week insyd for Amsterdam. Dem nominate am for de 2021 Photographer of de Year for de Entertainment Achievement Awards insyd.

Ein personal life den education

Emmanuel Yeboah Bobbie get ein early education for Foster International School wey dey Kokomlemle, Accra, wer ein passion for art was born. He pass ein Common Entrance examinations for 1989 insyd, den continue go Odorgonno Senior Secondary School (OSSA) for Accra insyd, wer he study Art for ein “O-level” certificate for 1994 insyd. He continue go Abuakwa State College (ABUSCO) for Kyebi, wer he obtain "A-level" certificate, also for Art insyd, for 1996. Bob attend Kwame Nkrumah University of Science and Technology (KNUST), wer he graduate plus bachelor of science degree for Communication Design insyd, 2001. He left behind three kiddies.

Ein career

Na he be photographer; memba giv de Association of Professional Photographers of Ghana, dem know am for possessing a keen eye for capturin phenomenal images of tourist sites for Ghana insyd den oda social gatherings. He job plus international agencies lyk UNICEF (Living with Refugees), Ecobank, Woodin Fashion, Vodafone, GH Fan Milk, Emirates, Samsung, Coca-Cola, den odas.

Ein award

For March 2021 insyd, dem posthumously award am de 'Best Photographer' Award for de Entertainment Achievement Awards.

Ein death den burial

He die for 25 February 2021. Sum reports dey claim say de cause of hin death be unknown. Sum reports also dey claim say he die of COVID-19 complications during de COVID-19 pandemic for Ghana. On 20 March 2021, dem lay am in state for hin residence wey dey Ablekuma for hin final funeral rites. Dem bury am for de Ablekuma cemetery wey dey Accra.