Benjamin Yeboah Sekyere be Ghanaian politician den member for de Seventh Parliament den de 8th Parliament for de Fourth Republic of Ghana, wey dey represent Tano South Constituency for de Ahafo region for de New Patriotic Party dema ticket top. He be de deputy Minister give de Ahafo region for Ghana.
Ein early life den education
Dem born Sekyere for Friday, 4 March 1977 for Derma wey dey de Ahafo Region inside. He obtain hin bachelor's degree for Business Administration inside from de University of Ghana, before dat, he get HND Accounting wey comot from de Sunyani Polytechnic. He sanso dey zuk MBA for Accounting/Finance wey comot from the University of Professional Studies.
Ein professional den political career
Na he be Accountant for de Ghana Education Service inside. Before he join active politics, na he be de principal Accountant for de Berekum Municipal Officer inside for de Ghana Education Service. Dem san re-elect am for de 2020 General election inside so say he go represent for de 8th Parliament of de Fourth Republic of Ghana inside. He chop de parliamentary seat plus 22,034 votes whiles Hanna Bissiw get 19,731 votes. For 2020 inside na he be de Deputy Minister give de Ahafo region.
Ein life matter
He marry wey he get three kiddies. He be Seventh-Day Adventist.
He be part of de Works den Housing Committee wey he sanso dey de Poverty Reduction Strategy Committee inside. Currently nu he be de ranking member give de Poverty Reduction Strategy Committee, sanso be member of Lands den Forestry Committee wey he sanso dey Local Government den Rural Development Committee inside.
For 2018 inside, he donate school bus go de Samuel Otu Senior High School. He sanso give 20 laptops go sum SHS den about 871 uniforms go sum schools for Tano South inside.