Wp/gpe/Ahafo Region

From Wikimedia Incubator
< Wp‎ | gpe
Wp > gpe > Ahafo Region
Ahafo Region
region of Ghana
ContinentAfrica Edit
CountryGhana Edit
CapitalGoaso Edit
Located in the administrative territorial entityGhana Edit
Coordinate location7°0′0″N 2°27′0″W Edit
Shares border withBono Region, Ashanti Region, Western North Region Edit
Ahafo region wey dey Ghana map inside
District map wey dey de Ahafo region inside

De Ahafo Region be fresh region wey dem create insyd Ghana plus Goaso as ein capital. De region get administrative den governmental legislature lyk all de ten wey dey Ghana already. Dem carve de region out of de south-eastern part of de Brong Ahafo Region wey ebi in fulfillment of New Patriotic Party ein campaign promise. As we dey go de 2016 Ghanaian general election, de den candidate Nana Akufo-Addo talk say if dem vote give am, he go see say he go create 6 new regions out of de already regions wey dey exist for Ghana insyd as dis be way he carry govament closer to citizens.[1][2][3]

De execution of plans for de creation, dem carry de plans give de newly created Ministry for Regional Reorganization den Development wey dey under de leadership of Hon. Dan Botwe.[4] Govament of Ghana ministry charged wid de responsibility for supervising de creation of de new regions for Ghana. Inside March 2017, de ministry carry de blue print for de creation of de region plus others to de Council of State. De Council met over 36 times from de time of submission to August 2017. De final stage for de creation of de region dem decide am through referendum by de people wey dey de new region inside on 27 December 2018.[5][6][7][8][9][10][11]

Major Towns

Major Towns wey dey de Ahafo Region.
No. Settlement Population Population year
1 Mim, Ahafo 30,753 2017
2 Goaso 24,846 2017
3 Bechem 17,677 2013
4 Duayaw Nkwanta 16,541 2013
5 Techimantia
6 Kenyasi

Administrative divisions

De political administration for de region inside bi through de local government system. As edey dis administration system under, dem divide de region into six MMDA's (made up of 0 Metropolitan, 3 Municipal den 3 Ordinary Assemblies). Every District den Municipal Assembly, bi administered by a Chief Executive, wey dey rep de central government buh dem dey collect demma authority from Assembly wey ebi headed by a presiding member elected from among de members demselves. De current list bi as follows:[12][13][14]

Districts wey dey de Ahafo Region
# MMDA Name Capital MMDA Type Chief Executive Member of Parliament Party
1 Asunafo North Goaso Municipal Osei Yaw Boahen Evans Bobie Opoku NPP
2 Asunafo South Kukuom Ordinary Frank Aduse Poku Eric Opoku NDC
3 Asutifi North Kenyasi Ordinary Anthony Mensah Patrick Banor NPP
4 Asutifi South Hwidiem Ordinary Robert Mensah Dwomoh Collins Dauda NDC
5 Tano North Duayaw Nkwanta Municipal Ernest Kwarteng Freda Prempeh NPP
6 Tano South Bechem Municipal Collins Takyi Offinam Benjamin Yeboah Sekyere NPP


Dem do referendum for 27 December 2018 wey dem approved de creation of Ahafo Region. Out of de total of 307,108 registered votes, 277.663 took part for de referendum indie wid 276,763 (99.68 per cent) voting give de creation of de new region. 675 (0.24 per cent) rejected de motion den 225 rejected ballots representing 0.08% of total votes cast . Dem created de new region on 13th of February 2019 by Constitutional Instrument 114 . Dem announce Goaso say dat go bi demma capital for de new region.[15][16][17]


Ahafo gey plenty rich natural resources such as Gold, Diamonds, Timber etc. Gold deposit dey in large quantities for areas lyk Mim, Ahafo Kenyasi den Yamfo Areas. Newmont Gold Ghana Limited bi one of de biggest mining companies for de world inside, rydee dem gey demma mining operations for Kenyasi den Yamfo Areas.[18][19][20]

Ahafo bi one of de forest belts for Ghana inside, gey plenty forest reserves. Timber industry bi de second highest employer for de Region inside. Dem gey large den medium timber companies scattered across de Region inside. Notable among dem bi timber companies lyk Ayum Forest Products Co. Ltd[21], Mim Exbo wood Co. Ltd, Ocean-wood Co. Ltd[22], Supremo-wood processing Co LTD,[23] all dey Mim, Ahafo.

Ahafo Region dem known am to be bread basket for Ghana. Demma soil type for de region supports de production of both food den cash crops. De region bi known for ein large cocoa den cashew productions. De major agro-processing company for region inside bi Mim Cashew & Agric Products company LTD wey dey Mim, Ahafo.[24][25][26]

The Region dey hia more of agro-processing companies to leverage on for agricultural outputs produce by de Region.


Tourist Attractions wey dey Ahafo Region bi:[27][28]

  • Mim Bour wey dey Mim, Ahafo[29][30]
  • Mim Lake also dey Mim, Ahafo[31]
  • De White-necked Rockfowl conservation wey dey Asumura
  • Okomfo Anokye tree wey dey Sankore

Geography den climate

Location den size

De Ahafo Region bi bordered on de north by de Bono region, de east by Ashanti Region, de west by de Bono region, de south by de Western North Region den egey up to 6 districts.

Climate den vegetation

De Ahafo Region bi part of de forest belt for Ghana den egey vegetation wey consists predominantly of fertile soil, grassland, especially savanna wid clusters of drought-resistant trees such as baobabs or acacias. Between December den April bi de dry season for de area. De wet season bi between about July den November wid ein average annual rainfall bi 750 to 1050 mm (30 to 40 inches). De highest temperatures dey reached at de end of de dry season, demma lowest bi December den January. However, demma hot Harmattan wind from de Sahara blows frequently between December den de beginning of February. De temperatures dey vary between 14 °C (59 °F) for night den 40 °C (104 °F) during de day.[32]


  1. https://presidency.gov.gh/index.php/briefing-room/news-style-2/1794-akufo-addo-has-fulfilled-his-promises-to-oti-region-we-will-do-same-on-dec-7-sall-chiefs
  2. https://www.presidency.gov.gh/index.php/briefing-room/news-style-2/1507-development-being-spread-equitably-in-new-regions-president-akufo-addo
  3. https://www.ghanaweb.com/GhanaHomePage/NewsArchive/We-ve-written-history-in-creating-6-new-regions-Akufo-Addo-touts-722805
  4. https://ndpc.gov.gh/about/profile/1/commisioner/
  5. https://citinewsroom.com/2019/02/goaso-named-capital-for-newly-created-ahafo-region/
  6. https://lgs.gov.gh/ahafo/
  7. https://www.mondaq.com/constitutional-administrative-law/561490/akufo-addo-announces-plans-to-create-four-new-regions-from-2018
  8. https://gna.org.gh/2022/10/when-i-promise-i-deliver-president-nana-akufo-addo/
  9. https://web.archive.org/web/20230210172656/https://ghanaembassyharare.org/president-akufo-addo-swears-in-ministers-of-bono-oti-regions/
  10. https://citinewsroom.com/2018/12/referendum-update-ahafo-residents-vote-massively-for-new-region/
  11. https://www.ghanaweb.com/GhanaHomePage/NewsArchive/Overwhelming-Yes-vote-delivers-Ahafo-and-Bono-East-regions-711668
  12. https://www.ghanadistricts.com/Home/Region/12#:~:text=The%20MDAs%20in%20the%20region,and%20Asutifi%20North%20District%20Assemblies.
  13. https://yen.com.gh/183258-ahafo-region-districts-capitals-tribes-cultural-activities.html
  14. https://www.ghanaiantimes.com.gh/6-districts-municipalities-in-ahafo-region-benefit-from-1d1f/
  15. https://www.africanews.com/2018/12/29/landslide-approvals-in-ghana-referendum-for-new-regions//
  16. https://www.graphic.com.gh/news/politics/ghana-news-referendum-about-833-000-to-vote-in-bono-east-and-ahafo.html
  17. https://dailyguidenetwork.com/referendum-on-new-regions-has-nothing-to-do-with-parties-minister/
  18. https://www.newmont.com/operations-and-projects/global-presence/africa/ahafo-mill-expansion-ghana/default.aspx
  19. https://www.newmont.com/investors/news-release/news-details/2021/Newmont-Enhances-Portfolio-With-Approval-of-Ahafo-North-Project/default.aspx
  20. https://allafrica.com/stories/200905290820.html
  21. https://www.myjoyonline.com/trade-minister-inaugurates-5-member-board-of-revitalised-ayum-forest-product-ltd/
  22. https://www.exportgenius.in/ocean-wood-ghana-company-limited-exporter-in-ghana
  23. https://3news.com/rising-youth-population-means-more-job-opportunities-should-be-created-bawumia/
  24. https://thebftonline.com/2021/08/02/gcx-targets-20000mt-raw-cashew-for-auction-next-season/
  25. https://www.ghanadistricts.com/Home/ReaderDistrict/043bece-0f1a-4682-9d
  26. https://www.businessghana.com/site/news/Business/242086/Mim-Cashew-implementing-new-strategies-to-revamp-operations
  27. https://visitandtourghana.com/top-10-tourist-attractions-in-ghanas-brong-ahafo-region-you-should-visit/
  28. https://myshsrank.com/post/tourtist-attractions-in-ghana-by-region
  29. http://ghanadistricts.gov.gh/Home/Reader/6a37eec-f291-4a56-be
  30. https://www.ghanaiantimes.com.gh/chiefs-people-of-mim-appeal-for-varsity/
  31. https://allafrica.com/stories/202209200129.html
  32. https://www.meteo.gov.gh/gmet/regional-weather-ahafo-region/