Wp/gcr/Wannari

From Wikimedia Incubator
< Wp‎ | gcrWp > gcr > Wannari
Jump to navigation Jump to search

Wannari

Ouanary vue haut.jpg
Administrasyon
Péyi Lagwiyann (Lafrans)
Mèr Éric Rozé
Démografi
Jantilé
Popilasyon 147 zab. (2014)
Dansité 0,14 zab./km²
Jéyografi
Altitid Min. 0 m – Max. 341 m m.
Siperfisi 1080 km²

Wannari sa roun koumin fransé di DROM di Lagwiyann.

Jéyografi

Sitchwasyon

An rouj téritwè kouminal-a di Wannari.

Koumin-an sa sitchwé à lès-a di zonn litoral-a, bò'd lèstchwè-a di larivyè Wannari, ki ka jité answit so kò annan lèstchwè-a di Loyapòk, o pyé di mon di Lòbsèrvatwè-a. A roun dé pli piti koumin di Lagwiyann. Ké prézans-a dé montangn dé Trwè Piton, laltitid magsimal-a di koumin-an sa di 341 mèt. O nò di koumin-an ka trouvé so kò roun zonn kotché ki bòdé pa loséyan Atlantik-a. À lès-a di koumin-an ka trouvé so kò frontchè-a ké Brézil-a.

Koumin limitròf-ya, atè Lagwiyann inikman, sa o nonm di 2. A Senjòrj-di-Loyapòk o sid ké Réjina à lwès-a.

Klima

Klima-a sa di tip ékwatoryal.

Vwè di kouminikasyon ké transpò

Lagsé à Wannari ka fè so kò an jénéral pa piròg pa larivyè Wannari-a. Toutfwè, koumin-an ka dispozé di roun piti pis di latérisaj an latè di anviron 700 mèt téyorik, mé ki pa ka akéyi ki dé lélikòptèr akoz di so mové léta.

Listwè

  • 1738 : Lenstalasyon dé jézwit.
  • 1776 : Koumansman di lésò agrikòl té ka anba lenpilsyon-an di Joseph Guisan.
  • 1848 : Finisman di katibaj ké abandon dé plantasyon. Fronmitir di ronmri-a.
  • 1949 : Bour ki érijé an koumin.

Démografi

Lévolisyon-an di nonm di zabitan sa konnèt atravè rousansman-yan di popilasyon-an ki éfègtchwé annan koumin-an dipi 1961, pronmyé rousansman pòstéryò à départmantalizasyon-an di 1946. À pati di 2006, popilasyon légal-ya dé koumin sa pibliyé anniyèlman pa Insee-a. Rousansman-an ka roupozé dézòrmè asou roun kolèk di lenfòrmasyon anniyèl, ki ka konsèrnen sigsésivman tout téritwè kouminal-ya o kour di roun péryòd di senk lannen. Pou koumin-yan di mwen di 10 000 zabitan, roun ankèt di rousansman ki ka poté asou tout popilasyon-an fika réyalizé tout senk lannen-yan, popilasyon légal-ya dé lannen lentèrmédjèr ki fika kant à yé èstimen pa entèrpolasyon oben èstrapolasyon. Pou koumin-an, pronmyé rousansman ègzostif ki ka antré annan kad-a di nouvèl dispozitif té réyalizé an 2007.

Lyé ké monnouman

Bangn di montangn di Lajan an bouchou-a di flòv Loyapòk.

A à prògsimité di Wannari ki té ka trouvé so kò bangn-an di montangn di Lajan (prèski-zilé di lèstchwè-a di Loyapòk).

Nòt ké référans

Wè osi