Wp/gcr/Roura

From Wikimedia Incubator
< Wp‎ | gcrWp > gcr > Roura
Jump to navigation Jump to search

Roura

Roura.jpg Blason ville fr Roura (Guyanne).svg
Administrasyon
Péyi Lagwiyann (Lafrans)
Mèr David Riché
Démografi
Jantilé
Popilasyon 3 537 zab. (2014)
Dansité 0,91 zab./km²
Jéyografi
Altitid Min. O m – Max. 462 m m.
Siperfisi 3 902,5 km²

Roura sa roun koumin fransé, ki sitchwé annan départman-an di Lagwiyann.

Jéyografi

Sitchwasyon

Lokalizasyon

An rouj téritwè kouminal-a di Roura.

Koumin-an, di roun sipèrfisi di 9 602,5 km², ka sitchwé so kò atè Lagwiyann asou kontinan sid-anmériken-an. Nò-a di so téritwè sa konstitchwé di roun zonn kotché ki bòdé pa loséyan Atlantik-a. So laltitid magsimal-a sa di 462 mèt o montangn Toti.

Koumin limitròf-ya ké Roura sa Régina di lès o sid, épi à lès, ki sigsésivman Sentéli, Kourou, Mousinéri-Tonnégrann, Matouri é anfen Rémir-Monjoli.

Klima

Klima laba sa di tip tropikal.

Vwè di kouminikasyon ké transpò

  • Larout nasyonnal 2 ;
  • Départmantal 6.

Lirbannism

Koumin-an sa fòrmen di 2 bour prensipal, bour kriyòl-a di Roura ké vilaj monng di Kakao. Bour di Roura sa sitchwé à 27 km di Kayenn asou lariv drèt-a di Loyak, à prògsimité di flòv Mayouri. I ka osi ègzisté patché zonn di labita ki dispèrsé lonng-an di Lakonté ké Lorapou, ké larout nasyonnal 2 : vilaj Palikou di Favard, ké kouminoté laosyen-an di Daka.

Listwè

A an 1675, ki Roura ka wè jou-a gras à roun ventenn di lipè jézwit. Enstalé asou flan-an di montangn-an di Roura, yé ka édifyé laba roun chapèl ké lèd-a dé katib nwè ké endjen. I posib ki lapélasyon-an di sa kartché ka provni di défòrmasyon-an di non di lorijin di roun péplad endjen, « Aroua-ya » ki té ka viv lanmenm. Lokalité-a sa érijé an parwas an 1725.

An 1793 vilaj-a ka divini lasenn-an di roun révòlt di ansyen katib, ki difisilman réprimen pa larmé anba lòrd-ya di kapitenn Freytag, é ki ka achvé so kò pa trant lègzékisyon.

Bour di Roura sa dézanklavlé dipi 1991 ké konstrigsyon-an di pon asou flòv Mayouri-a. An tan lontan, i té nésésèr di anprenté bak bac La Gabrielle pour alé asou Roura.

Apré dé tantativ pénitansyèr di Saint-Augustin, Sainte-Marie ké Saint-Philipe, sit-a di Kakao sa kaziman abandonnen. An 1977, koumin-an ka akéyi 500 Monng ki ka fwi Laòs-a ké anmòrfrézé an vilaj agrikòl pròspèr ki ka alimanté maché-a di Kayenn an frwi, légim ké flèr tropikal.

Kiltir ké patrimwenn

Patrimwenn anvironnmantal

  • Rézèrv natirèl nasyonnal dé marè di Ko-Roura
  • Rézèrv natirèl nasyonnal dé Nourag
  • Rézèrv natirèl réjyonnal Trézò

Lyé ké monnouman

Légliz Saint-Dominique.
  • Légliz Saint-Dominique.
  • Dépo di minisyon di Montangn dé Srépan di sèrvis entèrarmé dé minisyon.

Nòt ké référans

Wè osi