Wp/gcr/Mannan

From Wikimedia Incubator
< Wp‎ | gcrWp > gcr > Mannan
Jump to navigation Jump to search

Mana

Mana-1603.JPG
Administrasyon
Péyi Lagwiyann (Lafrans)
Mèr Georges Patient
Démografi
Jantilé Mannannen
Popilasyon 9 916 zab. (2014)
Dansité 1,6 zab./km²
Jéyografi
Altitid Min. 0 m – Max. 636 m m.
Siperfisi 6 332,6 km²

Mannan sa roun koumin fransé ki sitchwé atè Lagwiyann.

Jéyografi

An rouj téritwè kouminal-a di Mannan.

Koumin-an ka trouvé so kò asou kontinan-an di Lanmérik di Sid. Lavil-a sa sitchwé annan Lwès gwiyannen-an òbò di flòv Mannan ki pa lwen di bouchou-a di Maronni. Koumin-an sa travèrsé pa Montangn-yan di Trinité-a ki ka atenn roun laltitid magsimal di 636 mèt. Annan nò-a di koumin-an ka trouvé so kò roun zonn kotché ki bòdé pa Loséyan Atlantik-a.

Di Mannan ki ka dépann égalman vilaj-a di Javouhey ki péplé ésansyèlman pa dé zabitan Monng ki ègzilé di Laos.

Koumin limitròf-ya ké Mannan sa à lès Irakoubo ké Sentéli, o sid Sayil épi à lwès-a Senloran.

Tòponnimi

Koumin-an ka poté non-an di flòv Mannan ki ka pasé asou so téritwè.

Listwè

Manman Javouhey té désidé, an 1826, di enplanté roun kouminoté di katib é di dévlopé sa lyé (sa sit té fika déja tchipé pa dé Anmérendjen) apré ki li tanté di établi so kò pli rot asou Mannan-an annan lyé-nonmen Nouvèl-Angoulenm.

Oun bangn pou fanm té louvri atè Mannan o xixe syèk, ka fronmen an koumansman di xxe.

Annan lannen-yan 1980, oun kouminoté di réfijyé Monng di Laos té enstalé à progsmité atè Javouhey, épi té akéyi annan lannen-yan 1990 dé Moun Provizwè Déplasé di Sirinanm(MPDS) anba patronnaj di HCR.

Démografi

Lévolisyon-an di nonm di zabitan sa konnèt atravè rousansman-yan di popilasyon-an ki éfègtchwé annan koumin-an dipi 1961, pronmyé rousansman pòstéryò à départmantalizasyon-an di 1946. À pati di 2006, popilasyon légal-ya dé koumin sa pibliyé anniyèlman pa Insee-a. Rousansman-an ka roupozé dézòrmè asou roun kolèk di lenfòrmasyon anniyèl, ki ka konsèrnen sigsésivman tout téritwè kouminal-ya o kour di roun péryòd di senk lannen. Pou koumin-yan di mwen di 10 000 zabitan, roun ankèt di rousansman ki ka poté asou tout popilasyon-an fika réyalizé tout senk lannen-yan, popilasyon légal-ya dé lannen lentèrmédjèr ki fika kant à yé èstimen pa entèrpolasyon oben èstrapolasyon. Pou koumin-an, pronmyé rousansman ègzostif ki ka antré annan kad-a di nouvèl dispozitif té réyalizé an 2006.

Kiltir ké patrimwenn

  • Légliz Saint-Joseph sa klasé Monnouman istorik.

Patrimwenn anvironnmantal

  • Rézèrv natirèl nasyonnal di Lanmannan.
  • Rézèrv natirèl nasyonnal di Trinité-a.

Nòt ké référans

Wè osi