Wp/gcr/Loséyan Endjen

From Wikimedia Incubator
< Wp‎ | gcrWp > gcr > Loséyan Endjen
Jump to navigation Jump to search
loséyan Endjen-an.

Loséyan Endjen, lontan aplé loséyan Oryantal oben lanmè dé Lenn, sa roun loséyan ki ka étann so kò asou roun sirfas di 75 000 000 km2, swé bò'd 20 % di glòb térès. Li sa limité o nò pa pénensil Arabik-a, Liran, Pakistan ké Lenn ; à lès-a pa Birmanni, Taylann, Malézi, Lendonnézi (zilé di Sumatra, Java, Bali, Sumbawa, Sumba ké Timor), Lostrali-a ké méridjen-an 146° 55' di lonjitid lès, frontalyé di loséyan Pasifik-a ; o sid pa kontinan antargtik-a é à lwès-a pa Lafrik ké méridjen-an 20° di lonjitid lès, ki ka séparé li di loséyan Atlantik-a.

Jéyografi[edit]

Jéyografi fizik[edit]

Lokalizasyon ké limit[edit]

So kod di lanréjisman nimérik di Lòrgannizasyon idrografik entèrnasyonnal sa « B », é so lidantikasyon annan "Limit dé loséyan é dé lanmè" sa « (45) » ; so non fransé annan nonmanklatir-a dé lèspas maritim di Konséy nasyonnal di lenfòrmasyon jéyografik-a sa « Loséyan Endjen ».

Jéyoloji[edit]

À lépòk-a di laparisyon-an dé pronmyé dinozò, i té gen 200 milyon di lannen (Trias), Lafrik, Lenn, Lantargtik ké Lostrali té ka touché yé kò pou fòrmen roun sèl kontinan, Lapanjé. I té gen 170 milyon di lannen, Lafrik ka séparé so kò di li épi, i té gen 70 milyon di lannen, Lenn-an ka démaré so kò à so tour di li pou vini bité asou kontinan azyatik, i té gen 45 milyon di lannen. A sa lèspas vid ki nou ka nonmen loséyan Endjen.

Zilé[edit]

Profil batimétrik di loséyan Endjen-an.
  • Zilé di Madagaskar
  • larchipèl dé Konmò
    • Konmò
    • Mayòt

fransé)

  • zilé Gloryé-ya, oun posésyon fransé ki ka fè parti dé zilé Épars di loséyan Endjen-an parmi Latè ostral-ya ké antargtik fransé
  • zilé fransé-ya di kannal di Mozanbik ki ka fè parti dé Latè ostral é antargtik fransé :
    • trwè dé senk zilé Épars di loséyan Endjen-an ki fika zilé di Bassas da India, zilé Europa ké zilé Juan de Nova.
  • Zilé Tromelin posésyon fransé ki ka fè parti dé zilé Épars di loséyan Endjen-an parmi Latè ostral ké antargtik fransé
  • Zilé Maskarengn :
    • Zilé di Laréynyon (réjyon administrativ é départman fransé)
    • Zilé Moris
  • dépandans lwenten di zilé Moris :
    • Zilé Rodrigues (dépandans di Moris)
    • Zilé Agaléga (dépandans di Moris)
  • Séchèl-ya :
    • zilé Entéryò grannitik ké koralyen
    • zilé Èstéryò koralyen (an kriyòl séchélwè : Zil Elwannyen Sesel)
  • zilé tanzannyen
    • zilé-ya di Zanzibar, Mafia (zilé) ké Pemba (zilé)
  • Zilé yémenit di Socotra
  • zilé onmannen-yan di Kira Mourah
  • zilé Laquedives (téritwè di Linyon endjen-an)
  • zilé Maldiv-ya
  • Zilé di Sri Lannka
  • larchipèl dé Chagos (don Diego Garcia(Téritwè britannik di loséyan Endjen-an)
  • zilé-ya Andaman-ké-Nicobar (téritwè di Linyon endjen-an)
  • Zilé endonnézyen-yan
    • zilé-ya di Soumatra é di Java
    • o larj di Soumatra : zilé Banyak, Simeulue, Nias, zilé Mentawai, Enggano,
    • o larj di Java : zilé di Deli, Tinjil, Nusa Kambangan, Sempules * zilé ostralyen-yan :
    • Tasmanni ké larchipèl Furneaux
    • Zilé Christmas (téritwè di Lostrali-a)
    • zilé Cocos (téritwè di Lostrali-a)
    • zilé Heard-ké-MacDonald
  • ròt zilé ostral-ya dé Latè ostral ké antargtik fransé :
    • zilé Amsterdam ké Saint-Paul ;
    • larchipèl Crozet ;
    • zilé Kerguelen (oben zilé di Dézolasyon-an) ;
  • Lis dé zilé di lanmè Rouj-a
  • Lis dé zilé di gòlf Pèrsik

Jéyopolitik[edit]

Latòl-a di Diego Garcia an plen tchò di loséyan Endjen-an sa roun posésyon britannik ki louwé o Létazini antan ki baz militèr. Di pa so pozisyon èstratéjik, li ka pèrmèt à sa dannyé-ya di ganyen roun sirvéyans agtiv é roun posibilité di lentèrvansyon rapid bò'd zonn-yan à risk an Lafrik (Sonmali), o Mwéyen-Loryan oben an Lazi (Lendonnézi).

Lanvironnman[edit]

Problenm anvironnmantal[edit]

Ounlo débri plastik di provnans mondjal ka poliyé ansanm-an dé loséyan ; an sa ki ka konsèrnen loséyan Endjen-an, yé ka provni notanman di Lazi.

Réchofman klimatik-a, pa lélévasyon progrésiv-a di nivèl dé loséyan ki li ka endjwi, ka ménasé dirèkman piti léta ki ensilèr "o ra dilo" kou Maldiv-ya, manm di Alliance of Small Island States.

Protègsyon di lanvironnman-an[edit]

I ka ègzisté dé larèlmantasyon nasyonnal ké entèrnasyonnal, ensi ki diféran klasman di sèrten zonn tèl ki dé lè maren ki protéjé, dé rézèrv di Byosfè, dé Park natirèl maren.

Nòt ké référans[edit]

Wè osi[edit]