Wp/gcr/Lanmérik di Nò

From Wikimedia Incubator
< Wp‎ | gcrWp > gcr > Lanmérik di Nò
Jump to navigation Jump to search
Kart di lokalizasyon di Lanmérik di Nò.

Lanmérik di Nò sa roun sibkontinan di Lanmérik. Li sa antouré pa loséyan Pasifik à lwès, loséyan Argtik o nò ké loséyan Atlantik à lès. Lism di Lanmérik santral ka rélyé li à Lanmérik di Sid. Karayb-ya, réjyon tchèkfwè enkli andan Lanmérik di Nò, ka fronmen Gòlf-a di Mègsik.

Divizyon jéyopolitik[edit]

Prézidan meksiken Enrique Peña Nieto é amériken Barack Obama ké Pronmyé minis di Kanada Justin Trudeau, an 2016.

Limit ya di sa ki sa nomé Amérik di Nò ka diféré soulon pwen di wè. Pou Organizasyon di sé Nasyonzini, Amérik di Nò ka konprann inikman Kannanda, Létazini, Bèrmoud ensi ki Sen Pierre ké Miquelon. Soupannan, Mègsik sa manm di Akòr di lib-échanj nò-anmériken é kouminéman admèt annan sib-kontinan.

Popilasyon[edit]

Léritaj di diféran vag di limigrasyon ki té marké so listwè, Lamérik di Nò ki ka prézanté dé group étno-kiltirèl ki byen diféransyé :

  • Pronmyé o nò, sa ansanm anglo-sagson, konpozé di Kannanda é dé Létazini. Anmérendjen-yan toujou prézan, mé annan roun toupiti propòrsyon. Majorité-a di popilasyon-an sa di lorijin éropéyen (san néglijé apòr-ya di limigrasyon résan, Afro-anmériken). Lanng-an ki pi itilizé ka rété anglè, byen ki ka sibzisté roun fòrt minorité frankofonn atè Kannanda, don provens di Kébèk konstitchwé à 80 % di frankofonn.
  • Ségon o sid, koté majorité-a di popilasyon-an sa métis, ki ka rézilté dé maryaj ant kolon èspangnòl é Anmérendjen. Pa dé Anmérendjen sa bokou pli grann atè Mègsik, ké 6,7 % di popilasyon. Nou pouvé, malgré tou, soulignen prédominans-a dé lanng éropéyen (soutou èspangnòl-a), di krétchenté (protèstan ké katolik), ki an menm tan métisé ké kiltir anmérendjen é afriken, annan roun sèrten mizour.

Lanng[edit]

Asou kontinan-an lanng prensipal-a sa annglé (atè Létazini é atè Kannanda), swivi di èspangnòl (atè Létazini é atè Mègsik) ké Fransé (atè Kannanda é minoritèrman atè Létazini). Ròt lanng lokal, isou dé sivilizasyon anmérendjen, ka sibzisté fèbman.

Lékonnonmi[edit]

Pannoranma di Chicago (Létazini)

Lanmérik di Nò sa dézyenm kontinan pli rich di monn apré Léròp an tèrm di richès pa zabitan. An tèrm di richès total, Lanmérik di Nò ka klasé so kò trwézyenm apré Lazi ké Léròp-a.

Létazini ké Kanada ka fè parti dé péy ki pli dévlopé o monn.

Jéyografi[edit]

Rélyèf[edit]

Imaj satélit di Amérik di Nò.

Dispozisyon di rélyèf nòramériken sa lonjitidinal : réjyon an ka dékonpozé so kò an ansanm diféransyé ki ka siksédé yé kò di lès an lwès.

Not ké référans[edit]

Lannègs[edit]