Wp/gcr/Annglé

From Wikimedia Incubator
< Wp‎ | gcr(Redirected from Wp/gcr/Anglè)
Wp > gcr > Annglé
Jump to navigation Jump to search
Annglé
Péyi Rwéyonm-Ini, Létazini, Kannanda, Lostrali, Janmayk
Réjyon
Nonm di lokitò lanng matèrnèl : 360–400 milyon an 2006[1]
lanng étranjé : 199 milyon–1,4 bilyon[2]
Klasifikasyon di fanmi
Fanmi ▪ lanng endo-éropéyen
  • lanng jèrmannik
  • lanng jèrmannik ògsidantal
  • lanng anglo-frison
  • annglé
Kod di lanng
ISO 639-1 en
ISO 639-2 eng
ISO 639-3 eng
Kart
Kart English-as-Official-Language.png
Léjann kart Kart dé nasyon ki ka itilizé anglé kou lanng ofisyèl.


Annglé-a (English an anglé ; prounonsé : /ˈɪŋ.ɡlɪʃ/) sa roun lanng endo-éropéyen jèrmannik orijinèr di Langlétè ki ka tiré so rakaba-ya di lanng di nò di Léròp (latè di lorijin dé Ang, dé Sagson é dé Frison) don vokabilèr-a té anrichi é sentags-a ké granmèr ki modifyé pa fransé anglo-nòrman, ki té mennen pa Nòrman-yan, épi pa fransé-a ké Plantajénèt-ya. Lanng anglé-a sa ensi konpozé di anviron 60 à 70 % di mo di lorijin nòrman ké fransé. Anglé-a sa égalman tré enfliyansé pa lanng ronman-yan, an partikilyé pa litilizasyon-an di lalfabé laten ensi ki chif arab-ya.

Lanng ofisyèl de facto di Rwéyonm-Ini, di Lirlann é di ròt zilé di larchipèl britannik (Zilé di Man, zilé anglo-nòrman), anglé-a sa lanng matèrnèl-a di tout oben roun parti di popilasyon-an, é itou lanng-an oben roun dé lanng ofisyèl di plizyò péy, totalman oben parsyèlman isou dé ansyen kolonni britannik di pèpman, don Létazini, Kannanda, Lostrali-a ké Nouvèl-Zélann, ki nou ka réyni anba lapélasyon-an di monn anglo-sagson, menm i pa ka ègzisté di définisyon inivèrsèl di sa lèsprésyon.

Li sa égalman lanng ofisyèl oben lanng di léchanj annan rounlo péy ki isou di ansyen Lanpir britannik, menm an absans di popilasyon di lorijin anglo-sagson signifikativ (Kénya, Nijérta, Hong-Kong, Lenn, Pakistan, etc.).

Patché péy don anglé-a sa lanng ofisyèl-a sa réyni osen di Commonwealth (byen ki pou sèrten, li pa sa sèl lanng ofisyèl).

Li sa égalman roun dé vennkat lanng ofisyèl di Linyon éropéyen-an.

Anglé-a sa lanng-an ki pli palé o monn ; antan ki lanng matèrnèl, li ka klasé trwézyenm, apré chinwè-a (mandaren) ké èspangnòl-a.

Listwè[edit]

Origins of English PieChart.svg

Anglé-a sa roun lanng jèrmannik ògsidantal don lorijin-an ka trouvé so kò annan djalèk anglo-frison ki té mennen asou zilé di Brétagn pa tribi jèrmannik-ya ki vini enstalé yé kò, é fòrtman enfliyansé answit, sirtou o plan lègsikal, pa lanng-yan dé kolon orijinèr di Èskandinavi, di Nòrmandi (fransé anglo-nòrman) é di nò di Lafrans, an jénéral o Mwéyen Laj, épi pa fransé modèrn-an. Kou pou ròt lanng, dé lanpren o grèk ansyen é o laten anrichi di mannyè konstant lègsik-a jouk jòdla. Ròt idjonm ronman, ensi ki palé-ya dé ansyen kolonni enfliyansé anglé britannik-a di mannyè bokou mwen signifikativ, mé ka kontinwé di fika itilizé annan yé téritwè di lorijin, anglo-anmériken sa roun bon lègzanp.

Klasifikasyon ké présizyon[edit]

Anglé-a sa o dépa roun lanng jèrmannik, fanmi osen di lakèl lanng vivan-yan ki pli pròch-ya sa lanng frison-yan ké èskots-a, mé ki néyanmwen sibi plizyò fwè lenfliyans-a di ròt lanng jèrmannik kou vyé norwè-a, di divèrs lanng ronman, kou laten-an ké sirtou fransé-a, lenfliyans latino-ronman ki nou ka roumarké annan mo-ya ki sa apriyori dé lanpren lègsikal (déjà vu oben rendez-vous, lèsprésyon fransé ki itilizé an anglé ; embargo di èspangnòl-a ; cupola, folio oben stiletto di italyen-an), mé òkò annan rounlo mo ké étimon laten (kou expect ← exspectare, school ← schola, oben scuttle ← scutela).

Répartisyon jéyografik[edit]

Anglé annan monn-an. An blé fonsé, péy-ya koté anglé-a sa ofisyèl oben de facto ofisyèl. An blé klèr, péy-ya koté li sa lanng ofisyèl (sof pou Kébèk, roun dé provens kannandjen) mé pa pronmyé lanng-an ki palé.
Djagranm sirkilèr ki ka bay propòrsyon rélativ dé lokitò don anglé-a sa lanng matèrnèl-a annan gran péy anglofonn-yan di monn.

Èstati ofisyèl[edit]

Péy-ya koté anglé-a sa pronmyé lanng-an (mé pa fòrséman ofisyèl)

  • Lostrali(anglé ostralyen)
  • Bahamas
  • Canada(anglé kannandjen), an èstati di égalité ké fransé-a.
  • Barbad(anglé karibéyen)
  • Bèrmoud
  • Béliz (anglé bélizyen)
  • Ladonminik
  • Létazini(anglé anmériken), san roukonnésans ofisyèl.
  • Grénad
  • Gwiyannan
  • Irlande
  • Jamayk(anglé jamayken)
  • Malt
  • Nouvèl-Zélann(anglé néo-zélandé)
  • Antigwa-ké-Barbouda
  • Sen-Christophe-ké-Niévès
  • Saint-Vincent-et-les-Grenadines
  • Sengapou
  • Trinité-ké-Tobago
  • Rwéyonm-Ini (anglé britannik)

Varyété ké sibvaryété[edit]

I ka ègzisté patché varyété ké sibvaryété di annglé-a, pa lègzanp :

  • cockney, scouse ké geordie ofon di anglé britannik-a ;
  • annglé-a di Latè-Nòv ofon di anglé kannandjen ;
  • annglé vèrnakilèr afro-anmériken-an (oben ebonniks) ké anglé anmériken méridjonnal-a ofon di annglé anmériken-an.

Annglé-a sa roun lanng plirisantrik (oben polisantrik), ki réji pa pyès lotorité lengwistik santral (kou Lakadémi fransé-a atè Lafrans), é di sa fè pyès varyété sa konsidéré kou « korèk » oben « enkorèk ».

Lékritir ké lòrtograf[edit]

Anglé-a ka itilizé lalfabé laten-an (ké, ansyennman, dé lèt kou ð oben þ). I ka itilizé dé sign djakritik ki pou ékri mo-ya di lorijin étranjé ; toutfwè tréma sa itilizé annan sèrten tègs pou endiké ki roun dézyenm vwéyèl pa ka fè parti di roun diftong. Pa lègzanp, nou ka trouvé pafwè coöperate, byen ki grafi-ya cooperate oben co-operate fika pli frékan.

So lòrtograf ka dékoulé di roun lonng processus istorik é i gen souvan pli di korèspondans ègzak ant sala-a ké prounonsyasyon atchwèl-a. À partir di xvie syèk plizyò moun propozé di senplifyé lòrtograf anglé-a ; kou Benjamin Franklin ké George Bernard Shaw, té menm propozé oun lékritir fonnétik, mé san sigsé. Mo figtif-a ghoti ki ka prounonsé so kò kou fransé-a « fich » té itilizé kou lègzanp di linadékwasyon-an di lòrtograf atchwèl-a.

Prounonsyasyon[edit]

Vwéyèl[edit]

Senbòl-ya ki annan lis-a ki anba sa sa-ya di lalfabé fonnétik entèrnasyonnal-a tèl ki yé sa itilizé pou transkripsyon-an di anglé-a (sof o Létazini) pa laplipa dé digsyonnèr, èspésyalizé oben pa, dipi finisman-an dé lannen 1970.

Vwéyèl brèv[edit]

  • /ɪ/ : fifteen (kenz), fish (poson), chips (kopo)
  • /ɛ/ : men (wonm), to let (lésé)
  • /æ/ : man (wonm), cat (chat)
  • /ɒ/ : hot (cho)
  • /ʊ/ : goods (marchandiz), to put (mété)
  • /ʌ/ : sun (solé), drunk (sou)
  • /ə/ : sister (sò), the dog (chyen-an)

Vwéyèl lonng[edit]

  • /iː/ : sea (lanmè), to read (li)
  • /ɑː/ : car (loto), dark (soukou)
  • /ɔː/ : wall (lémi), law (lalwa)
  • /uː/ : moon (lalin)
  • /ɜː/ : first (pronmyé), bird (zozo)

Diftong[edit]

  • /aɪ/ : five (senk), high (rot)
  • /eɪ/ : snake (bèt lonng), name (non), Shakespeare
  • /ɔɪ/ : oil (lwil), boy (tiboug)
  • /aʊ/ : cow (vach), to count (konté)
  • /əʊ/ oben /oʊ/ : road (larout), old (vyé)
  • /ɛə/ : hair (chivé), bear (lours)
  • /ɪə/ : beer (labyè)
  • /ʊə/ : poor (pov)

Triftong[edit]

  • /aɪə/ : fire (difé), liar (mantò)
  • /aʊə/ : flour (farin), flower (flèr)
  • /eɪə/ : layer (kouch), player (jouwò)

Sékans-ya ki aplé triftong sa anfèt tchèkfwè konstitchwé di Dé silab : ki sa roun diftong ki swivi di /ə/.

Konsonn[edit]

Tablo-a ki anba ka prézanté sistenm-an dé konsonn di anglé-a ké senbòl-ya di lalfabé fonnétik entèrnasyonnal-a (LFE).

Lòské roun kaz ka kontni Dé son, sa-a di rot sa « sour » oben « non-vwézé », sa-a di ba sa « sonnò » oben « vwézé ».

Granmèr[edit]

Sengilarité granmantikal[edit]

Soulon Jean-Pierre Cléro ké Sandra Laugier, sèrten karagtéristik di granmèr anglé-a, ki ka korèsponn à roun roufi dé konstrigsyon lengwistik isou di èspékilasyon filozofik-a é à préférabs-a pou lanng òrdinèr-a, ka randé sa lanng souvan difisil pou anmòrfwézé. Sa inanmòrfwézabilité (an partikilyé bò'd fransé-a), ki ka jwé roun ròl krisyal annan processus-a di linivèrsalizasyon di roun lanng aparanman senp ké inivèrsèl, pitèt strigtiré otour di tchèk pwen majò.

Nòt ké référans[edit]

  1. David Crystal, chap. 9 « English worldwide », in David Denison, Richard M. A Hogg (dir.), History of the English language, Cambridge University Press, 2006, pp. 420–439.
  2. Languages of the World (Charts), Comrie (1998), Weber (1997), and the SIL International|Summer Institute of Linguistics (SIL) 1999 Ethnologue Survey. Available at The World's Most Widely Spoken Languages.

Wè osi[edit]