Wp/frs/Móótmóótik

Móómóótik is däi wäitenskup, däi fan 't unnersöyken fan meetkünniğ fiigüren un fan 't reeken mit tóólen undstóón is. Föör d' móótmóótik gift dat kiin äindaund deefiiniisjoon; fandóóeğ is 't bruukelk, dat säi as wäitenskup beskreeven word't, däi döör looğsk deefiiniisjoonen sülstskoopen struktüren mits loogik up höör liiktäikens un müsters unnersöyken daajt.

Struktüren in däi móótmóótik wordent mit sträeng looğsk ferklorens upbaaut. Móótmóótsk beweerens, fan däi beweesen is, dat säi recht sünt, wordent sats of têes nöymt; säi móókent uutsäegen oover deefiinäärt wiskünniğ baudels un föörmeläärent d'r ferbâan tüsken. Dat föörmäel ferkloren, dat wist, dat 'n beweeren woer is, nöymt me ä'n wiskünniğ bewiis. Bii 't upstellen fan 'n bewiis word't fan 'n (lütje) tóól fan uutgaangspünten (aksjoomen) un deefiiniisjoonen uutgóón.