Wp/frs/Glôov

Unner glôov begript man mäisttiids äin fan däi menniğ föörms fan 't singeeven of dat söyken nóó singeevend ferbinnens, wor bii fóóktiids 'n hooger macht, weesen of God in d' middent staajt, bóósäärend up däi glooven in däi leer fan däi teoloogii.

In 'n wiiderder sin mäint dat woord 'glôov' 'n mäien föörm fan gäistelkkaid, föylen un gedanken mit 'n betrekken tau d' sin fan 't leevend. Dit lööven kan trotsdeem näit as 'n betrekken mit 'n macht, mit 'n ofbild d'r fan of mit 'n näit recht deefiinäärt prinsiip of essens bekeeken worden. Dat gaajt düs näit uutdrükkelk um 'n identiitäit, 'n persoon.

In glooven, däi bloot 'n enkeld God hebbent (monoteismus), proot't man fan 'godsdenst'; man löövt näit alleniğ an äin godhaid, man däint hum of höör ook. Bii glooven mit meer as äin god (politeismus) proot't man fan 'n 'goodendaum'. Ook dat word't fóók däint, tau 'n biispil döör 't brengen fan offers.

Dat gift kiin wäitenskupelk ooveräinstemmen oover däi definisjoon fan däi begrip 'glôov'.