Wp/frs/Friiso-Saksk

Unner däi begrip Friiso-Saksk (Fräisk-Leeğdüütsk) wordent leeğdüütsk tóólen tausóómenfóóten, däi fräisk inflauden of tóólelementen, tau 'n biispil substróótwoorden, bewort hebbent. Däi begrip wur fan däi westfräisk föörsker Johan Winkler in siin aarbaid oover hollandsk, leeğdüütsk un fräisk dióólekten prent't^[1]. In däi folgend jortainten wur däi begrip fan wat upfolgers fan Winkler oovernoomen^[2].

Tóólen mit fräisk adstróót

Tóólgebiiten däi histoorisk näit tau 't fräisk tóólgebiit höördent, man wor däi tóólen beinflaud't worden fan dat fräisk bünt, bünt adstróóttóólen. Dat Stellingwaarfsk het tau 'n biispil 'n düüdelk westfräisk adstróót.

Tóólen mit fräisk substróót

Disser tóólen undstunnent histoorsk döör däi tóólwessel fan oorsprungelk fräisktóóliğ befolkens nóó dat Leeğdüütsk (Saksk) up dat gebiit fan d' fräisk noordseiküest. Dit tóólgebiit ferstrekt oover dat küstengebiit fan däi düütsk-neerlandsk grensregjoon:

Oostfräisk: Up dat gebiit fan 't Oostfräisk Halfailand.
Gröyngersk: In d' neerlandsk Prowins Gröyngen.

Wellen

↑ Winkler, Johan (1874): Algemeen Nederduitsch en Friesch Dialecticon. 2 bâan. Martinus Nĳhoff, 's Gravenhage (cp. dbnl.org); e.g. in band 1 up s. 5: "de zoogenoemde friso-saksische tongvallen"
↑ Hoppenbrouwers, Cornelis Antonius Johannes / Hoppenbrouwers, Geer A. J. (2001): De indeling van de Nederlandse streektalen: Dialecten van 156 steden en dorpen geklasseerd volgens de FFM. Assen, s. 50ff.

[1] Winkler, Johan (1874): Algemeen Nederduitsch en Friesch Dialecticon. 2 bâan. Martinus Nĳhoff, 's Gravenhage (cp. dbnl.org); e.g. in band 1 up s. 5: "de zoogenoemde friso-saksische tongvallen"

[2] Hoppenbrouwers, Cornelis Antonius Johannes / Hoppenbrouwers, Geer A. J. (2001): De indeling van de Nederlandse streektalen: Dialecten van 156 steden en dorpen geklasseerd volgens de FFM. Assen, s. 50ff.

[1]

[2]