Wp/frs/Comic

'N comic ['kɒmɪk] betäikent dat dorstellen fan 'n föörgaang of 'n fertelsel in 'n foelğ fan biller. In d' reegel bünt däi biller täikent un wordent mit tekst kumbinäärt. Dat meedium comic feräint aspekten fan litteróótüer un bildend künst, wor däi comic 'n äigen künstföörm un 'n undspreekend föörskernsfeld bild't. Mäinsóómkaiden gift dat ook mit däi film. As zjonre-neutróóel, däi häiel künsthistoorje oovergriipend, begrip word't ook "sekwensjäel künst" of in d' düütsktóóliğ ruum "billerfertelsel" bruukt, wiilst regjoonóóel uutprentens fan d' comic däils mit äigen begreepen as manga of manhwa betäikent wordent.

Comic-tüüpsk äigenskuppen un technikken, däi ook näit dwingend bruukt worden mautent, bünt prootblóósen un denkblóósen, panels un onomótopoesiien. Däi finnent ook in anner meedien ferwenden, besünners dan, doo tekst un däi offoelğ fan biller kumbinäärt bünt as in billerbauken un illusträärt fertelsels, in karikóótüren of cartoons. Dat ofgrensen tau disser äeng ferwant künsten is unskaarp.