Wp/frs/Blinniğkaid
Unner blinniğkaid ferstaajt man däi uutprent't föörm fan 'n säibehinnern mit häilundal feelend of man läip min f'rhannend wisuäel worneemensfermöögen fan 'n ôoğ of unner rechtelk aspekten fan bâajd oogen. Säi kan anbooren (boortsblinniğkaid) of lóóter ferkreegen weesen. Däi uutsichten up 'n ferbeetern of sülst häilen bünt, ofhangelk fan krankhaidsbegün, oorsóóken un – besünners in lâan fan d' "Dâard Weerld" – generel däi taugaang tau undspreekend behannelnsanbooden, min. Buutendeem gift dat 'n rîiğ fan krankhaiden, föör däi 't kiin wirksóóem terópeutsk ansats gift un däi düs as unhäilbor tellent. Blinniğkaid is 'n swoer behinnern, wor nóó dat düütsk wetgeeven grundsettelk 'n anspróóek up biihüelp in föörm fan blinnengeld bestaajt. Häi word't in 't bedräepend landsblinnengeldwet of as blinnenhüelp in 't sosjóólwetbauk (SGB XII) reegelt.[1]
Bii 't gehäil feelen fan lüchtworneemen, alsoo dat ferläisen fan lecht-/dunkerworneemen, proot't man fan amaaurôos (fulblind). Däi amaaurôos fan bâajd oogen brengt föör bedruepen lüü biitau probleemen, as t.b. slóópstöörens mit sük (kiik amaaurôos).
Amaaurôos
[edit | edit source]Teegen däi begrip "blinniğkaid" betäikent däi medsiinsk fakuutdrük amaaurôos bloot däi häilundal feelend lüchtskiinworneemen fan äien of bâajd oogen bii ferlüüs fan elker optisk raitsferaarbaiden (fuel blindhaid).[2]
Wellen
[edit | edit source]
- ↑ Bayerisches Blindengeldgesetz. Was ist Blindheit nach dem BayBlindG
- ↑ Pschyrembel klinisches Wörterbuch. Mit klinischen Syndromen und Nomina Anatomica. = Klinisches Wörterbuch. Bearbeitet von der Wörterbuchredaktion des Verlages unter der Leitung von Christoph Zink. 256., neu bearbeitete Auflage. de Gruyter, Berlin u. a. 1990, ISBN 3-11-010881-X.