Wp/frs/Ōstfräisland
Ōstfräisland (Sóóterfräisk: Aast-Fräislound, Hōğdüütsk: Ostfriesland, Lēğsakersk: Ostfreesland) is 'n gewest in 't bundsland Lēğsaksen in 't būterst nōrdwest fan Düütskland. 'T bīstājt fan d' landkringen Auerk, Læær un Witmund net as fan d' stad Emden. In 't gewest wōnen 467.289 minsken (stand 2019) up 3144,26 kantkilomēter. Ōstfräisland is 'n däil fan dat grōter gewest Ōst-Fräisland.
Gjōgróófī[edit | edit source]
Ōstfräisland liğt an 't hellerkânt fan 't Nōrderhēf un swet't tēgen d' Fastwal ōk däi ōstfräisk ailân Börkem, Jüüst, Nördernäj, Baltrem, Langōğ un Spīkerōğ mit in. Däi grôtst ē fan Ōstfräisland is däi Äiems, 'n anner grōt ē is däi Läidóó.
Däi hôğst stē is 'n düen up Nördernäj, däi 24,4 mēter bōven nermóólnul liğt. Up däi fastwal is däi hôğst stē 'n düen in 't natürbīsğīrmensgewest Holsand in däi mäient Uplengen, däi sō 'n 18,5 mēter bōven nermóólnul liğt. Däi däiepst stē liğt in däi mäient Krumhörn, wor 'n däil fan 't Fräibsemer Mēr 2,5 mēter unner nermóólnul liğt.
Grôtst stēden[edit | edit source]
Däi grôtst ōstfräisk stēden bünt (stóónd 2019):
| Nr. | Nóóm | Landkring |
Inwōner |
|---|---|---|---|
| 1 | Emden | Emden | 49.913 |
| 2 | Auerk | Landkring Auerk | 40.572 |
| 3 | Læær | Landkring Læær | 34.301 |
| 4 | Nörden | Landkring Auerk | 24.873 |
| 5 | Witmund | Landkring Witmund | 20.313 |
| 6 | Wäiner | Landkring Læær | 15.946 |
| 7 | Wīsmaur | Landkring Auerk | 13.236 |
| 8 | Äisens | Landkring Witmund | 7.271 |
Tóól[edit | edit source]
Däi oel ōstlāuwersfräisk tóól is fandóóeğ in 't Ōstfräisland ferdwōnen, man däi ōstfräisk tóól het 'n büelt ōstlāuwersfräisk orten bit fandóóeğ bīhollen.
Bāukünst[edit | edit source]
_Hauptgebaeude.jpg)
In Ōstfräisland bünt fööl oel bāuwarken bīhollen blēven. Däi stēden Nörden, Auerk, Læær un ōk anner stēden hebbent hóóst ğīn sğóó fan däi Twäied Wäerldōrlauğ. 'T Ōstfräisland is recht bīkent föör sīn slotten un börğen. Dät oelst börğ is däi Hārderwīkenbörğ in Læær, däi tēgen 1470 bāut worden is.
D'r bünt 'n büelt oel karken, man fan däi oel klōsters is niks ōwerblēven. Tüsken 2005 un 2009 hār däi mäient Îl dat oel klōster nóó 'n mētstaf fan 1:1 näj upbauen lóóten.
Weflinks[edit | edit source]
- ostfriesland.de Wefstē föör turisten