Wp/fon/Galí
Galí ɔ nyi nuɖuɖu ɖé bɔ é nɔ ɖu ɖo Benɛɛto mɛ b'ɛ nyi fɛnnyɛ linfin.
Ayihɔngbè ayihɔngbè nuɖuɖu wɛ é nyi ɖo to gégé mɛ ɖo gbadahwejí Aflika tɔn. Togoto, Ganato, Nijeryato nyi to é mɛ é 'nɔ ɖu ɖé tawun tɔn ɖé é.
Ɖiɖa tɔn
Bo na do blo Galí ɔ, é nɔ kùn fɛnnyɛ bo nɔ ɖé flo sin i wu lobo nɔ li i ɖò mɔ mɛ. É nɛ gudo ɔ, é nɔ do é ava nú azan atɔn mɔ b'ɛ na do vɛsin. E lɛ jlo mɛ ɔ́, e nɔ sɔ ɛ ɖò gbe ɖokpo ɔ.
Ɖò azan atɔn lɛ gudo ɔ, é nɔ jan ɛ bo nɔ sɔ ɛ ɖò kozɛ́n alǒ ganzɛ́n mɛ̀. Myɔ e nɔ nɔ glɔ tɔn e ɔ́ nɔ zɔ̀n dɛdɛ b'ɛ nɔ bí lobo nɔ huzu galí.
.jpg)
Galí tɛnmɛ tɛnmɛ é tǐn lɛ é
Ɖo Benɛɛto mɛ ɔ, e nɔ mɔ̀ gali fifa alǒ gali sɔxwí ee e nɔ lɛ́ ylɔ ɖɔ̀ galí axayoe' é. Galí hɛn ɔ e na vɛsìn, enɛ wɛ nɔ nyɔ́ sinmɛ dó. Ee ma vɛsìn a e nɔ ɖù abɔbɔ alŏ nɔ t'ɛbà. Galí nɔ mɛsin alŏ nɔ lɛ hannyá.
Ɖuɖu tɔn
Alɔkpa tɛnmɛtɛnmɛ wɛ é nɔ ɖu gali na. Ɖo Benɛɛto mɛ ɔ, é nɔ nylɔ dó sinmɛ bo nɔ nu kpodo aziin, kwlikwli alǒ kpo suklé kpó. É lɛ nɔ ɖà ɛba na bo nɔ ɖu kpo nusunnu kpó. Mɔ̌ ɖokpo ɔ, E nɔ lɛ ɖu kpodo abɔbɔ kpo. É hɛn ɔ, é nɔ flu kpodo ami, timati, takin kpodo azìn kpó: enɛ ɔ wɛ e nɔ ylɔ ɖɔ̀ galinyinya.
Agbahwlɛnhwlɛn
Xwewuxwewu ɔ, ɖo kplɔnyiji alavɔtɛn Agbomɛ kanɖofi tɔn ɖo Benɛɛto mɛ ɔ, é nɔ hwlɛ́n agbà galinunu tɔn. E nɔ do ajɔ mɛ é na ya wu ɖu gali towunglo wé jɛnukɔn nu mɛɖélɛ bi é.