Jump to content

Wp/fit/Sokrates

From Wikimedia Incubator
< Wp‎ | fit
Wp > fit > Sokrates

Sokrates (vanhaakreikaksi Σωκράτης, 470/469 eaa.–399 eaa.) [1][2] oli antiikin Kreikassa Ateenassa asunu filosoofi. Hän on yks kaikitten aijoitten merkittävimpiä filosooffia,[3] ja hänheen viitathaan useasti koko länsimaisen filosofian isänä.[4]

Sokrates hylkäsi eeltäjitten luononfilosooffiset mietheet ja suuntasi hänen tutkimuksen ihmisittten elämäntaphoin. Hän kysheenalaisti ihmisitten tottunheitten käsitykshiin ja pyrki kyselemällä löytämhään määritelmiä erilaisile käsitheile, kuten hyvvyys ja oikeuenmukaisuus.[5][6] Sokratheele tieto ja hyvvyys liityit läheisesti yhtheen; hän esimerkiks kattoi, ette jos ihminen tunsi hyvvyyen käsitheen, hän teki auttomaattisesti sitä, mikä on hyvvää.[7][8]

Sokrates ei perustanu mithään ommaa koulukuntaa, mutta houkutteli ympärilheen joukon oppilhaita ja ihailijoita, joista tunnetuin on Platon. Hänen opetuksia Sokrates ei kirjottanu muisthiin, eikä hän jättäny perhään muitakhaan kirjotuksia;[9] sen sihaan hän opetti dialektiikan avula käyttämällä niin sanottua sokraattista menetelmää. Hänen oppilhaat kuitekki kirjotit useita sokraattisia dialookia, joitten keskushahmona Sokrates essiintyy. Tunnetuimpia näistä on Platonin dialookit.[10][11]

Sokrates vaikuttaa väittänheen, ettei hän tiä ittekhään mithään, mutta ainaki hän tietää sen, ettei tiä mithään (mistä on peräisin sanonta ”tiän, etten tiä mithään”). Koska Sokratheen tyylinä oli haastaa tinkimättömästi ihmiset perustelemhaan tietoväitheen ja myöntämhään tietämättömyytensä, hän sai sekä viholisia ette ystäviä. Lopulta hänen tuomithiin kuolemhaan.[12]

Lähtheet

[edit | edit source]
  1. Thesleff & Sihvola 1994, s. 99–102
  2. Nails, Debra: Socrates The Stanford Encyclopedia of Philosophy. The Metaphysics Research Lab. Stanford University. Viitattu 10.8.2010. (englanniksi)
  3. Rowe, Christopher: The Uses and Disadvantages of Socrates (Virkaanastujaisluento, Durhamin yliopisto) 3.2.1999. Viitattu 16.8.2010. (englanniksi)
  4. Esim. Kreeft, Peter: Socrates Meets... The Father of Philosophy Cross-Examines... -sarja, Ignatius Press; Turlington, Bayly: Socrates, the Father of Western Philosophy. New York: Franklin Watts Inc., 1969. (englanniksi)
  5. Fieser, James & Dowden, Bradley (toim.): Ancient Greek Philosophy The Internet Encyclopedia of Philosophy. Viitattu 13.8.2010. (englanniksi)
  6. Saïd & Trédé 1999, s. 71–72.
  7. Turner, William: Socrates Catholic Encyclopedia. 1911. New York: Robert Appleton Company. Viitattu 16.8.2010. (englanniksi)
  8. Esim. Platon: Menon 77a-e; Protagoras 358d.
  9. Popp, Georg (toim.): Hengen jättiläiset: Taiteilijoita, löytöretkeilijöitä, keksijöitä, tiedemiehiä. Kolumbus-kirjasto 2. WSOY, 1960.
  10. Thesleff & Sihvola 1994, s. 99–102.
  11. Nails, Debra: Socrates The Stanford Encyclopedia of Philosophy. The Metaphysics Research Lab. Stanford University. Viitattu 10.8.2010. (englanniksi)
  12. Curnow, Trevor: The Philosophers of the Ancient World: an A-Z guide, s. 249–250. London: Duckworth, 2006. ISBN 0715634976. (englanniksi)