Wp/efi/Nwali Sylvester Ngwuta

Nwali Sylvester Ngwuta, CFR akamana ke March 30, 1951 onyụn̄ akpa ke March 7, 2021. Enye ama enen̄ede ọdiọn̄ọ n̄kpọ aban̄a ikpe, onyụn̄ afiak edi akwa ebeireikpe ke Akwa Esop Ikpe ke Nigeria. Enye akanam utom ke Akwa Esop Ikpe tọn̄ọ 2011 tutu esịm 2021 emi enye akakpade.

Ntọn̄ọ uwem

Justice Sylvester akamana ke 1951 ke Amofia-Ukawu emi odude ke Onicha local government ke Ebonyi State. Ebonyi State odu ke n̄kan̄ edem usụk Nigeria.

Enye ọkọbọ n̄wed itoro ke ufọkn̄wed ntaifiọk ẹkotde, Obafemi Awolowo. Ekem ke enye ama ekekụre ufọkn̄wed ukpep n̄kpọ mban̄a ikpe ke Nigeria, ẹma ẹdikot enye esin ke otu mme ikpọ ekpe ikpe ke Nigeria ke 1978.

Utom ukpeikpe

Justice Sylvester ọkọtọn̄ọ ndinam n̄kpọ mban̄a ikpe ke 1978. Ini oro, enye ekesise n̄kpọ aban̄a ikpe ọnọ esop ikpe Benue State. Kpa isua oro ke enye akasiak esop ikpe esiemmon̄. Ke October 1995, ẹma ẹdimek enye ekpe ikpe ke Akwa Esop Ikpe Abia State. Ekem ke May 22, 2011, ẹma ẹdimek enye etiene esine ke otu mme ekpe-ikpe ke Esop usion̄o ikpe ke Nigeria. Edisịmde May 2013, ẹma ẹmek enye Ebeireikpe ke N̄kponkan Esop Ikpe ke Nigeria.

Enye eketie ibuot ke n̄kpọ aban̄ade ikpe oro ẹkesọn̄ọde ke Olusegun Mimiko akakan ke mbuba udi Adaibuot Ukara ke Ondo State ke May 2013. Enye okon̄yun̄ etie ibuot ke n̄kpọ aban̄ade ikpe oro ẹkesọn̄ọde ke Kayode Fayemi akakan ke mbuba udi Adaibuot Ukara ke Ondo State ke June 2013. Mme akwa Ebiereikpe, utọ nte Ibrahim Tanko Muhammad ye Suleiman Galadima ẹma ẹtiene ẹsọn̄ọ ke edi ntre. Ke October 8 2016, itieutom bodisi oro ẹdiọn̄ọde nte, Department of State Security Services (DSS) ẹma ẹmum enye, ẹdọhọ ke enye ọdiọk ido onyụn̄ ọbọ ubọkedem. Edi ke May 2018, esopikpe oro ẹdiọn̄ọde nte Court of Code Tribunal (CCT) ẹma ẹdibiere ke n̄kukure esop emi ekemede ndibiere mme Ngwuta odot edida ke iso ikpe edi esopikpe oro ẹdiọn̄ọde nte, National Judicial Council. Ntre ke ama ekebet ke isua ita, ke September 2019, Ngwuta ama afiak ọkọtọn̄ọ utom esie ke Akwa Esop Ikpe.