Wp/dtp/mel

From Wikimedia Incubator
< Wp‎ | dtpWp > dtp > mel
Jump to navigation Jump to search
Malanau
Ginumu tongoulun 500,000
Watas di poinggumu mogigiyon Mukah, Sarawak
Woyoboros Malanau
Agama Silam & Koristian

Miagal do tinaru Iban, tulun Malanau nga poingiyon nogi id walai tanaru it akawas torigi.Nga baino, mamasok Malanau nga nokosimban nogi kopoposion diolo miagal do tulun Dusun it momuwalai om poingiyon id kokompungan. Otumbayaan nogi yolo do rogon toi pambaya-baya pungaranan do Ipok.

Tianru do Malanau poingiyon id pintingisan do rahat miagal id kinoyonon karanaan koibutan Bawang Rajang, Igan, Mukah, Oya, om Bintulu. Tinimpuunon do niyonon do mamasok id Sarawak nopo nga Mukah.

Konu-onuan[edit]

Konu-onuan do toguangon diolo monikid tadau nopo nga monginsada mantad rahat om mororobuat do ranahon montok di poingiyon id pisuk. Haro nogi diolo it monoguang do sagu. Puun sagu nopo nga sumuni id paya. Puun sagu milo do tagadon kalapas do hopod toun. Tapung sagu toi lomantak aanu mantad do guas sagu pungaranan do ripo. Posidangan it ripo gisom do otuuh pogulu do owonsoi do lomantak. Sarawak nopo nga momomonsoi do sagu di poingga-gayo no id Malaysia.


Koubasanan[edit]

Karamaian Kaul ramayon do tulun Malanau ontok tulan kotolu toi kaapat monikid toun tumanud do tulan id kalindo Malanau. Karamaian diti ramayon do monsubak di katambaig rahat toi ipok. Kinoponsubakan diti nopo nga mooi do kaanu do ninsadaan di togumu om otingoligan no daa yolo maso id rahat om kopoinsodu nogi mantad do tongoruol. Karamaian diti popoilo do nopupusan nodi mogompus om tumimpuun nodi timpu mongisada. Ontok tadau diti, posubakon ot sorahang montok do ipok. Sorahang winonsoi mantad roun do poring om roun do nipah miampai do sinuangan do bertih, tontolu do manuk, pulut tosilou, kirai om daing. Karamaian diti opupusan miampai do koimayaan.

Minsingilo boros Malanau[edit]

  • kosuabon = Song, Badik ,su
  • Makan = Keman
  • Minum = Tuteng
  • Waig = Nya'am, Anum
  • Isai = Sai, Yai
  • Ikoyu = Mo,Ka'au, Nou, Kan
  • Ngaran = Ngadan,Radan
  • Lamin = Lebok, Kubou,Lebuk
  • Nunuh = Inou, Nau
  • Kabar = Dengah
  • Osonong = Da'au,Dao
  • Soira = Pidan ,Paya
  • Nokuro = Inauhal,Wakno
  • odop = tudui,Tudoy,Tudoi
  • mamanau = sibal,Makau

Noputan poinlabus[edit]