Wp/dtp/drg

From Wikimedia Incubator
< Wp‎ | dtpWp > dtp > drg
Jump to navigation Jump to search
250px.

Tulun Rungus poingiyon id Kudat, Sabah. Nointutunan nogi sobaagi do Dayak Dusun, Dayak Laut toi Momogun. Pongundodoitan do "Rungus" naanu mantad Rungsud iri po nogi komolohingan Rungus it minundalih mantad Ragang kuminaa hilo id tisan do laut ponong Kudat, Toluk Marudu, Pitas, Boluran om Tolupid.

Aki Rungsud nopo nga luguan Momogun Laut it minongukab do Kudat-Bandau ontok di pogulu poh. Pomogunaan ngaran [Momogun] nopo nga kokomoi do tulun Rungus. Tumanud do susuyan kodori Momogun Rungus, Aki Rungsud nopo nga minongukab do Bandau-Kudat om papanau do badi mogiolon-olon poinggayo no id Samananjung Borungus om Toluk Bandau Bornio di pogulu poh.

Toluk Bandau nopo nga kakadaian kodori doung Momogun Rungus. Kakamot di pogialan-alanan id Bandau nopo nga mundok, punti, luong, tawadak, suang do talun, kain sinulapid doun Rungus om ogumu poh suai.

Mamasok Momogun Rungus miolon badi do tulun Sulu om Brunei do maganu do kakamot logam, kakamot luyang cina, kakanan cina, kain cina om susuai poh. Momogun Rungus minomonsoi do adat dumagang do mogoduh di dudumagang labus do mongukad katalib "Duvo Lzangod" toi duo langod (rinalom duo gakod). Tombului do labus awu pasagaon do managad kayu toi momonsoi do pomiaraan toi morobuat. Kapamansaian miagal dilo kosunsung do kooturan agama [Labus] tinaru Momogun Rungus.

Pongundodoitan do ngaran id ponongtisan Samananjung Borungus kaanu do popointalang do susuyan sondiri tumanud do pongundodoitan doun Rungus. Tanga-ngaran miagal do Andarason, Vingolzon (Bingolon) , Torongkungan, Bvadarag (Badarag) , Andab, Sampang Mangazou (Simpang Mangayau) , Golzom (Golom), Milzobong (Molobong), Pantai om susuai poh nopungaranan ontok di maso do misangod id nonggo mamasok do Momogun Rungus moningolig do kokompungan diolo.


Haro pipiro kawo do Momogun Rungus it poingiyon id Kudat, Kota Marudu om Pitas:

  • Rungus Kirangavan (Kirangawan)
  • Rungus Pilzapazan (Pilapayan)
  • Rungus Gandahon
  • Rungus Gonsomon
  • Rungus Nulzuw (Nuluh)
  • Rungus Tupak toi Rungus Molobong


Momogun Rungus id labus do kudat nopungaranan do:

  • Rungus Piromitan
  • Rungus Tindal-Sondot

Noputan Labus[edit]