Wp/dtp/Putera William

From Wikimedia Incubator
< Wp‎ | dtp(Redirected from Wp/dtp/Putera William, Duke do Cambridge)
Wp > dtp > Putera William
Jump to navigation Jump to search
Putera William, Duke do Cambridge

I Putera William, Duke do Cambridge nopo nga tanak totuo' di Putera Charles, Putera do Wales om di mendiang Diana, Puteri do Wales. I Putera William nogi nga manangaki di Ratu Elizabeth II om Putera Phillip, Duke do Edinburgh. Isio nogi nga id tukad koduo, id tolikud tapa isio, milo sumiliu Raja do United Kingdom om 16 pogun suai di komoyon do pomogunan Commonwealth. Om nung jumadi i Putera William oh Raja, raitan isio i William V toiko William Kolimo. Kuminawin isio di Catherine, Duchess do Cambridge tontok 29 April 2011 di nakatalib hilo id longkod panambayangan Westminster .

Kinosusuwon[edit]

Nosusu i Putera William hilo id Hospital St. Mary ontok di 21 Jun toun 1982. Binatisan isio di Uskup Agung do Canterbury maso diri, i Robert Runcie id Bilik Muzik dot Istana Buckingham tontok 4 Ogos 1982. Sabaagi do manangaki kusai do Ratu om tanak kusai totuo' do Putera do Wales, raitan i Putera William "His Royal Highness Prince William of Wales" nga pomungaranan tomod di molohing kumaa isio nga i "Wombat" kaa.

Sinikulan[edit]

Nokosikul isio id Jane Mynors' nursery school om the pre-preparatory Wetherby School, koduo-duo nopo nga tadika swasta hilo id London. Kalapas diri, minongoi nogi isio sikul hilo id Ludgrove School om nakapa'as nodi poporiksaan, ongoi diri isio hilo Eton College gisom toun 2000. Suang isio hilo id Longkod Pinsingilaan Tasawat do St. Andrews om nakaanu nogi isio ijazah id boogian Geografi ontok toun 2004.

Karaja diraja[edit]

Ontok tulan Koturu 2005, pinapapanau do karaja kumoiso i William sobaagi do wakil Elizabeth II toi Ratu Niu Jilon, id Kapanansarahan Pisangadan Pogun Ko-2 id Niu Jilon.