Jump to content

Wp/dru/Auba Ngudradrekay

From Wikimedia Incubator
< Wp‎ | dru
Wp > dru > Auba Ngudradrekay

Auba(青葉部落)

tangimiyane ki daedae[edit | edit source]

kay cekele Auba yakai ki sadradradhanenga ki swatimutimuru ,si ilelebe kwiny Beleng.kay takaabelengane kaiki cekele ,iday si malrimale ka mituru ka dratatane ku tangimiyane.kay talidradhane ki cekele lakamani kwidra tacegecegane ki swasihu ku takivavavangane kay talimagamaga.kay talilaudrane laka swatuvasavasay.kay talilriwgane cekele, amani ku pagisane ki nguwapapairange nguwapapairange ka swatakaki.ku namarudraudrangenay amiyakay:kay cekeleta ku tangimiyane ,marukinaumasane ki palrata, ka swatalu ilelebe ikay ki mathariri ka lregelrege(Beleng) ,si ikailringata ki taliaulrulruini.

tatwaladhane ki cekele[edit | edit source]

sapathagilane kay cekele Auba,ububulane ka patengatengane.alamailuku ku Dripungu si amanika pangiyaradekane kaikicekele,si acekelenga.saka nitara mapusalane si bangate ka caili ki Lawtiya.kay Dripungu wapakay ku apakadwadhane kadrenge ki lakacalrisiyane.lasarubu ki sakacekele ku taliyalalay ka Lawcu Aruladen(楊永福頭目),si pelaela kwidra lrikaizivane karededele muauba.ay,yakay ku drumane ku sakacekele ku makecenge kaipalraingi .satakelanga kwidra ki vay,ku Lawcu ka taliyalalay. laikaikwidra takirimuaneini kawriva ki mapapangale,ku lrikaamusadhane makanaelre kwini ki aizivane,sakilalranga kwini mapapangale alangivelevele. ku umaumase sa taukela tucekele,taimasupaepatele si vaeva ku dane.ku umaumase kaywalribate ki taiday si malrimale. ay, pakelangakay,kay cekele lapadilinga si kelanga ki drusa ka iday si mangeale ka danane.ku umaumase lalribatenga ki tavalru ka iday .pakelangakay,thadalrane mukalrivily ka taingeanea ka Ngudradrekay ki swatimutimuru.

tamukalrivilane[edit | edit source]

kwidra siyaswalane, kay tatudanane ki sakacekele Auba,arakay ku aubu, alibi,alapelanga si arakay ku dukake,ay,kaiyasasanenga lapadilinga si arakainga ku simingtu kay lalringa si laadreme tudane kay macuculrudu. kay cekele Auba kaikasakathane kwini ku tadilane.lupangukaiyane ki bunganiyane ,yakay ku taikalrane ka abubulru.si arakay ku tinuzegane kiruku, tusapatuthingalane ku takalrigwane, ikay ki sanaka kadalranane ki cekele, si balingibingi ki dadanane.maramaw kay ludreleta kay dane kitaliyalalay, kay swagaku,si kwidra amay ku ikainga ku maadraw ku tapasikaiyane ki cekele kaungu ku takaumaumasane.

tapatwaladhane ki saiyaiya[edit | edit source]

1.* 青葉社區農村再生計畫

2.http://blog.yam.com/alittlemouse/article/171808612

3.青葉部落耆老:盧松吉&曾順佐