Jump to content

Wp/dlg/Черногория

Add links
42°59′13″ м. ш. 19°31′05″ а. д.HGЯO
From Wikimedia Incubator
< Wp | dlg
Wp > dlg > Черногория
Государства
Черногория
черног. Црна Гора / Crna Gora
Былааг
Дойду государственнай гиимнэ
Черногория
Киин гуората

Подгорица, Цетине[1][2]

  1. ↑ Черногория конституциятын бэһис ыстатыйата: «Главни град Црне Горе је Подгорица. Пријестоница Црне Горе је Цетиње.»
  2. ↑ Ustav Crne Gore
Муӈ бөдөӈ гуораттар Подгорица, Никшич, Плевля, Биело-Поле, Херцег-Нови, Бар, Цетине, Будва
Президент Яков Милатович
Премьер-министр Милойко Спаич
Скупщина председателя Андрия Мандич
Тиэргээн
13 812 км²
Нэһилиэнньэ
Олоктоокторун аксаана 633 158 киһи (2023 һыл)
Официальнай тыла Черногория тыла

Черногория (черног. Црна Гора / Crna Gora — Кара Кайа) — Европа государствата. Тиэргээнинэн онуга олоктооктор аксааннарынан славян онуга Балкааннар муӈ кыра государствата (Косованы, толору билиммэтэк государстваны, аакпакка)[1].

Черногория аллара диэки өттүнэн Адриатическай байгалынан ууланар. Хорватияны, Босния онуга Герцеговинаны, Сербияны, Албанияны онуга Косоволуун (Черногория правительствота Косово Республикатын тутулугун һуогун билинэр[2]) гытта границалыыр.

Киин гуораттара — Подгорица онуга Цетине (Цетине — историческэй онуга культуурнай киин гуорат көрдүк буолар, ол эрээри Цетине статуһа Черногория конституциятынан туруоруллар)[3]. Государственнай тыл — черногория тыла, өссүө сербия, босния, албания онуга хорватия тыллара официальнай тыллар көрдүк туттуллаллар[4]. Карчылара — Евро.

Географията

[edit | edit source]
Черногория физическай каартата

Черногория аллара диэки онуга муора диэки өттүнэн Сербияны гытта границалыыр, Хорватиялыын, Босния онуга Герцеговиналыын һаапат диэки өттүнэн границалыыр, Косоволуун онуга Албаниялыын аллара диэки өттүнэн границалыыр. Үүһэ-һаапат диэки өттүнэн Адриатическай байгалынан ууланар. Границалар общай устата 625 км буолар, онтон кытылын устата — 293,5 км[5].

Рельефа

[edit | edit source]

Черногория улакан һирин Динар нагорията ылар. Дойду муӈ үрдүк точката — Боботов-Кук, үрдүгэ — 2522 м[1]. Тара эбэ каньона, Европа муӈ дирин каньона буолар (1300 м). Шкодер күөл онуга Адриатическай байгал кытылларын аттыгар дэкси рельеф.

Уулара

[edit | edit source]

Дойду улакан аӈара Дунай эбэ бассейныгар киирэр. Онтон атын чааһа Адриатическэй байгал бассейныгар киирэр. Черногорияга Шкодер күөл 60% киирэр, онтон дойду кайалаак чааһыгар үгүс карстовай онуга горно-ледниковай способынан тэриллибит күөллэр бааллар[1].

Нэһилиэнньэтэ

[edit | edit source]

Кэнники перепиһинэн, Черногорияга 633 158 киһи олорор[6].

Национальнай состава

[edit | edit source]
Черногория этническэй каартата
  • Черногордар — 41,12 %;
  • Сербтар — 32,93 %;
  • Босниялар (Босняктар) — 9,45 %;
  • Албааннар — 4,97 %;
  • Ньууччалар — 2,06 %;
  • Мусульмааннар (черног. Муслимани / Muslimani) — 1,63 %;
  • Цыгааннар — 0,9 %;
  • Хорвааттар — 0,83 %;
  • Украиннар — 0,50 %;
  • Атыттар — 2,73 %;
  • Ыйбатактар — 2,88 %.

Тыллара

[edit | edit source]

Итэгэллэрэ

[edit | edit source]

Ылыллыбыт һирдэрэ

[edit | edit source]
  1. 1 2 3 ЧЕРНОГО́РИЯ — Улакан Россиятаагы энциклопедия
  2. ↑ Черногория признала независимость Косово — lenta.ru
  3. ↑ Ustav Crne Gore: «Glavni grad Crne Gore je Podgorica, Prijestonica Crne Gore je Cetinje» (Glavni grad онуга prijestonice иккиэн «киин гуорат» көрдүк тулмаастаналлар)
  4. ↑ Ustav Crne Gore: «Služebni jezik u Crnoj Gori je crnogorski jezik … U služebnoj upotrebi su i srpski, bosanski, albanski i hrvatski jezik»
  5. ↑ Osnovne informacije
  6. ↑ Stanovništvo Crne Gore prema nacionalnoj odnosno etničkoj pripadnosti, vjeri, maternjem jeziku i jeziku kojim se uobičajeno govori

Retrieved from "https://incubator.wikimedia.org/w/index.php?title=Wp/dlg/Черногория&oldid=6803890"