Wp/dlg/Гарольд Холт һүтүүтэ

Австралия премьер-миниистэрэ, Гарольд Холт, һүтүүтэ, гини Портсигэ, Виктория штаат һөтүөлүүрүгэр, 1967 һылга, караӈа кыһын ыйын 17 күнүгэр буолбута. Гарольд Холт, багар, Чевиот кайа аттыгар уу кытылыгар һөтүөлүүрүгэр һүппүтэ, ол эрээри норуокка эӈин-эӈин конспирологическэй теориялар күүлэйдээбиттэрэ. Муӈ биллэр оннук теория гинини Кытай субмарината уорбут диэн этэр.

Холт үһүс дуоһуонаһы һүгэр кэмигэр өлбүт премьер-миниистэр буолбута, Дьозеф Лайонсон (1939) онуга Дьон Кертин (1945) кэнниттэн.

Предыстория

Wp/dlg/Гарольд Холт — һүрүн һырай.

Гарольд Холт Австралия премьер-миниистэр дуоһунаһын 1966 һылга, күн таксар ыйыгар ылбыта. Холт проффесиональнай бэлиитик этэ, гини парламент чилиэнинэн 27 һааһыгар буолбута, онтон миниистэринэн 30 һааһыгар буолбута^[1].

Һүтүүтэ

Һынньалаӈ күӈӈэ, караӈа кыһын ыйын 17 күнүгэр, Гарольд Холт эрдэ турбута онуга һарсыардааӈӈы аһылык кэннэ дьактарыгар эрийбитэ. Магаһыыӈӈа гини приманканы, арахиһы онуга каһыаты ылбыта. «The Australian» каһыакка биир һалаата «Премьер һөтүөлүүрүн кыччатыактаак» диэн этэр этэ, ол эрээри ким даганы аакыпта ду, һуок ду билбэт. Дьиэтигэр кэлэн баран, Холт барбекюга онуга балыктаныыга комуммута. 11 чаас 15 минутатыгар гини түөрт догордуун (Мардьери Гиллеспины, гини оготун — Вайнеры, Гиллеспи кэргэн икки догорун: Мартин Симпсоны онуга Алан Стюарты) гытта, барбыта. Ол күӈӈэ итии күн турбута, ол иһин токтобуллара кылгас буолбута^[2].

Портсигэ барардарыгар, Гарольд Холт Чевиот кытылыгар токтоппута. Ол кэмӈэ 12 чаас 15 минута буолбута, гини онно күнүскү аһылык иннигэр һөрүүкээри онуга аппетиты күүлэйдэтээри багарбыта. Гини ол кытылга үгүстэ һөтүөлээбитэ онуга дойдуну үчүгэйдик билэр этэ. Бөдөӈ долгуннары онуга көстөр боруоӈкалары эрээри, гини ууга киирбитэ. Гини догоро — Алан Стюарт эмиэ ууга киирбитэ, атыттар ууга киирэри наһаа һэрэбиллэк диэн һанаабыттара. Алан Стюарт кытылтан наһаа ыраак барбатага, онтон Гарольд Холт ыраак киирбитэ. Гиниэкэ үгүстэ чоргуйбуттара, ол эрээри гини көмөнү эӈин ыгырбатага. Онтон долгун гинини уу анныгар киллэрбиттэ онуга гини көстүбэтэгэ^[2].

Һилиэстийэ

Һигэлэр

↑ Harold Edward Holt (1908–1967)
1 2 Frame, T. R. (Thomas R.): The life and death of Harold Holt — 1962

Тас һигэлэр

Report by the Commonwealth and Victoria Police on [the] Disappearance of the Prime Minister, the Rt Hon Harold [Edward] Holt, CH, MP, Cheviot Beach, Portsea, Victoria, Sunday, 17 December 1967. Canberra, January 1968 — бу һүтүү туһунан полиция рапорта

[1] Harold Edward Holt (1908–1967)

[:0-2] 1 2 Frame, T. R. (Thomas R.): The life and death of Harold Holt — 1962

[1]

[2]