Wp/dlg/Висенте Косталаго

Висенте Косталаго
Төрөөбүт күнэ	1991, күн түһэр ыйын 8
Өлбүт күнэ
Үлэтэ	Филолог, һуруйааччы, тулмаасчыт уонна учуонай

Висенте Косталаго (исп. Vicente Costalago; 1991, күн түһэр ыйын 8, Испания) — филолог, һуруйааччы, тулмаасчыт, учуонай уонна араас оӈоһуу тыллары кытта үлэлиир ааптар. Гини Испанияга төрөөбүтэ уонна Мадрид Автономнай университетыгар аныгы тыллары үөрэппитэ, өссүө Манчестер университетыгар интерпритацияны уонна тулмааһы үөрэппитэ. Гини тиэкистэри араас оӈоһуу тылларга һуруйбута, үксүн Интерлингве уонна Лингва франка нова тылларыгар һуруйар уонна бигэргэтэр этэ.

Гини маӈнайгы бигэргэтиллибит кинигэтэ — «La xerca per Pahoa», Лингва франка нова тылын һуруллубут. Бу новелла Joan, Pahoa болот булаары, барыытын туһунан кэпсиир. Pahoa — магическэй күүстээк болот, ол болоту дьиӈнээк Линкуо коруоллугун салгааччыта туттуогун һөп. Бу маӈнайгы оригинальнай Лингва франка нова тылынан бигэргиллибит өһө. Атын бу тылынан бигэргэтиллибит кинигэлэр: «Pensas rimada», «Rancur» уонна «La Club de la Marcia» трилогията.

Онтон нөӈүө, гини Оксиденталь тылынан бэчээттии сагалаабыта. Ол кинигэ — эмиэ оригинальнай тиэкис — «Li sercha in li castelle Dewahl e altri racontas». Атын бу тылынан бигэргэтиллибит кинигэлэр, «Li tresor de Fluvglant», «Subuqti», «Li Crímines de Cnocorran» уонна «Reminiscenties» киллэрэллэр.

2025 һылын, таба эмийдиир ыйыгар, гини «Euris estremeñus i sotras poemas» кинигэни бигэргэппитэ, Эстремадура тылынан һуруллубут маӈнайгы үлэтин һуруйбута. Ол кинигэ үс чааска быһыллыбыта, маӈнайгы ис коһоонугар хас даганы, араас Эстремадура дьоруойдарын туһунан, коһооннор; иккис ис коһоонугар эӈин-эӈин итэгэл туһунан коһооннор; онтон үһүс — эӈин-эӈин тиэмэлэрэ һуок коһооннор.