Wp/dar/Усиша

Усиша

Улка	Россия
Федерацияла субъект	Дагъистан
Муниципалитетла район	Ахъушала район
Бекӏ	ГIябдуллаев, МяхIммадсягIид ЗубайрухIяжиевич
ЧӀябар
ХӀербирути халкь	3978 (2021)
Миллатунала цалабяхъ	Дарганти
Динна бяхIчибизуни	Бусурбанти
Пуштла индекс	368282
СягӀятла ири	UTC+3

Усиша – Дагъистайзибси Ахъушала районна халаси даргала ши. Сунези махьурби цаладяхъибси Усишала шила совет. Усиша машгьурси саби сунела чIянкIила някьишли.

ТIинтIбиубси мер

Ши мерлабиубли саби, Усишан хIеркIла мякьлаб, районна администрацияла центрли бетаурси, Ахъушала шиличибад 7 километрла гьарахъти мер-мусаличиб. Республикала тахшагьарла центрли бетаурси, МяхIяхкъалала шиличибад 130 километрла гьарахъти мер-мусаличиб. Ши гьар шайчибад варцли саби музурбали.

Ахъушала район

ЖамигIятла гIямрула шуртIри

Шилизир кIел школа, ца лицей, кIел дурхIнала анхъ, фельдшерла акушерла пункт, почтала бархбасла отделение, спортла школа лер. Ва мижитуни. Усишализиб леб БекIгIиниз.

Тарих

Ши бухӀнабуцибли саб 9 къатӀ - ХъаршукӀ, Руткьукья, Бугала Жгул, Аба-Рагул, Кьанди кунт, Къарагул, Шарли кунт, Гъамзакьукья, Кьачул. Дуб-дубли ца ши бетаур.

Цаибил гьанбушни гIялиматала хIерагар хIясабли 1200-1500 дусла сарсар. Ши бехъубси саби Тамерланла гIяскартали 1395-1396 дусмазиб. 1611-1612 дусмазиб урагбиубси саби Ахъуша-Даргола ва Сефевид-хIукуматла дяв, ит замана бебкIили саби 4400 даргала мурул-адам .

1772—1773 дусмазиб Гольштедтли гьанбикахъили саби ши Узиша ван, 1796 дуслизиб Тихоновли Усыча ван.

Шила сурат

ХIербирути халкь

Дус	1888 дус	2010 дус	2021 дус
ЛугIи	3 522	3 180	3 978

Кьакьаби

У

Къалалабяхъ
Каллигула
Къарачул
Убарагул
Тиин
ХъяршукI
ХIерашин	–	ХулахIеркI
Шарликунт
Чаххани

Машгьурти шанти

• Усишан, Дауд-ХӀяжи Эфенди - гIялим.
• Кьазиева, ХIямис ГIябдусаламовна - Социализмла зяхIматчи, социалист бузерила игит.
• Кьурбанов, ХIябиб - даргала журналла редактор.