Wp/dar/ГIярабуни

ГIярабуни (араб. عرب,‎‎‎ урус. Арабы) - Гъам Магърибла ва ГанцIила Африкала ванзалитри улканазиб хIербирути халкьанала кьукья. ГIярабуни гъайбикIар гIяраб мезли, лукIа гIярабла белкIли. ГIярабунала лугIи 350-цад млн. адам. Ислам дин бузахъу 90% адамтани, гIелартани - ХъанчIла дин.

Тарих

ГIярабунала хала бегIти - ГIярабияла байхъуостровла къамани. ГIярабунала тарих кьакьали бархбасунси саби семитламезла халкьаначил. Месопотамияла тарихла бикьридеш хIясибли, гIярабуни цархIил семитла халкьличил декIарбиркес бехIбихьибти саби 1 аз. дус нушала эра сабаайчи. Ит замана кьиблала ГIярабийяла гIярабунали лушулри вавалидирхъути шагьурти ва пачалихъуни (Саба ва цархI.) ГанцIила мер-муса ГIярабила байхъуостравла биалли имцIаливан дуцилри гачбиран-бедуинтали. 1 ибил аз. нушала эра сабаайчирад 1 ибил аз. нушала эра сабаибли гIергъи,ганцIила гIярабуни хIербирути ванзурбачир дири гIергъити улкани - Пальмира (Тадмор), Набатея, Лихьян, Гассан ва Лахм. ГанцIила ва кьиблала гIярабуналара бархбас бетурхулри Магърибла ГIярабиялизирти вачарла гьунбачиб (Хиджаз). Маккала Кааба мижитлизир, бегIлагьар белшунси, шартIли, Ибрагьимли, гIярабуни цIалис булгулри.