Wp/dar/Австрия
| Австрияла Республика
Republik Österreich / Österreich | |
|---|---|
 
| |
 | |
| Австрия Европала картализиб | |
|
Тахшагьар - Вена Хала шагьурти - Зальцбург, Инсбрук, Грац ХIукуматла мез - Немец Миллатунала цалабяхъ - Австрияланти Пачалихъла Канцлер - Александр Шалленберг Пачалихъла Президент - Александр Ван дер Беллен Миллатла мажилисла бекI - Вальтер Розенкранц ХIукуматла мажилисла бекI - Андреа Эдер-Гитшталер ЧIябар - 83 872 кр² Мер - 113 ХIербирути халкь - 8 979 894 адам (2022) Мер - 97 Этнохроним - австриялант, Лебилра бухIнабси продукт (ЛБП) - $667,153 млрд[1] Арц - Евроарц ISO - AUT | |
А́встрия Österreich, цехIнабси официальный у — Австри́яла Респу́блика[2] Republik Österreich — ХIукумат Цугдайла Европала шайчиб мерлабиубли саби . ХIербирути халкь 8,858 млн адам (2019), Илини 83 879 квадратла километрла чIябар буцили саби.[3]. Бурцули саби 98- мер халкь хIясабли ва 113-л чIябар хIясабли.
Шамалла шайчибад Чехиялизила (362 км), шамалла-берхIи булхъунси шайчибад — Словакиялизила (91 км), берхIи булхъунси шайчибад — Венгриялизила (366 км), кьиблала шали шайчибад — Словениялизила (330 км) ва Италиялизила (430 км), магърибла шайчибад — Лихтенштейнлизила (35 км) ва Швейцариеялизила (164 км), шамма-магърибла шайчибад — Германиялизила (784 км) дазуличиб мерлабиубли саби.
Тахшагьар — Вена. ХIукуматла мез — немец.
Пачалихъла ванзурби
[edit | edit source]Пачалихъ буртIли саби 9 хIукуматла ванзали: Бургенланд, Вена, ЧебяхIси Австрия, Каринтия, Зальцбург, УбяхIси Австрия, Тироль, Штирия, Форарльберг.
Пачалихъ белшнила кьяйда
[edit | edit source]Австрия федеративный пачалихъ саби, бухIнабурцуси 9 хъархIерагарсни ванза. 1920 дуслизиб хIебузан конституция хьурабариб. Пачалихъла биркIан - федеральный хIукумат саби
Улкала бекI ХIукуматла Президент сай.
ХIербирути халкь
[edit | edit source]ХIербирути халкь 8 894 380 адам (2019). The World Factbook валикни хIясабли Австрияла миллатунала цалабяхъ дура улкализиб акIубснала : Австрия — 80,8 %, Германия — 2,6 %, Босния ва Герцеговина — 1,9 %, Турция — 1,8 %, Сербия — 1,6 %, Румыния — 1,3 %, цархIилти улкни 10 %[4]. The World Factbook хIясабли 2001 дуслизиб Австриялизиб нешла мез хIясабли адамти: немец (пачалихъла мез) — 88,6 %, турклан — 2,3 %, сербияла — 2,2 %, хорватияла (пачалихъла Бургенландлизиб) — 1,6 %, цархIилти (илдазибад словенияла, пачалихъла мез Каринтиялизибкьиблала шалилизиб , ва венгрияла, пачалихъла Бургенландлизиб) — 5,3 %[4]. 2006 дусла хIисаб касни хIясабли, цаибил миллат немец мезли гъай бикIусни австриялант саби, 88,6 % улкала хIербирути халкь. БекI мез пачалихъла мез — немеццунала. Австриялизиб декIарси немецла мезла лугъат саби. ИмцIа-имцIали мешуси Баварияла ва Швейцарияла лугъатуная.
ГIура лера 6 пачалихъла камси миллатла адамти: хорватуни, словенияланти, чехани, словакуни, венгерти, цыганти (чIянкIли 300 азир адам). Словениялант, хорватуни ва венгруби хIербирути саби Штириялизиб, Каринтиялизиб ва Бургенландлизиб, Венализиб венгруни ва жугьутIни-ашкенази.
2015 дуслизиб 1 813 000 адам дураулкаланти гьаббиубли 1 ва 2 наслу хIясабли. Бахъалти Югославиялизила — 0,5 млн адам (1/2 — сербуни), 300 тыс. — туркланти ва курдани. ЦархIилти: румынти — 80 тыс., полякуни — 70 тыс., итальянти, урусла халкь, албанияланти, болгарти ва цархIилти. 2019 дус хIясабли Австриялизиб 1,8 миллиона дураулканти, 19,9 % хIербирутала халкь[5]. 2020 дус хIясабли, 6 628 600 адам 75,6 % Австрияла хIербирутала халкь мерла адамти, 2 137 800 адам имцIали 24,4 % Австрияла халкь, дураулканти гьаббиубли 1 ва 2 наслу хIясабли[6].
Австрияла халкь дин хIясабли 2021 дуслизиб: католикуни — 55,2 %, динагарти — 22,4 %, бусурманти — 8,3 %, православиела динла халкь — 4,9 %, цархIилти инжилла агьлу — 4,2 %, протестантуни — 3,8 %, цархIилти — 0,7 %, буддистуни — 0,3 %, жяв заманала католикуни — 0,1 %, индуистуни — 0,1 жугьутI динна халкь — 0,1 %.
Лишанти
[edit | edit source]