Wp/crs/Stray Kids
Stray Kids (Korean: 스트레이 키즈; souvan abreze SKZ) i en group garson Sid Koreen formen par JYP Entertainment atraver en progranm realite 2017 avek menm non. sa group i konpoze de wit manm: Bang Chan, Lee Know, Changbin, Hyunjin, Han, Felix, Seungmin, e I.N. orizinalman konpoze avek nef manm, manm Woojin in ale pou bann rezon personnel ki pa'n ganny devwale an Oktob 2019.
Stray Kids ti lans zot mini albonm avan zot debi Mixtape an Zanvye 2018 e ti ofisyelman fer zot debi le 25 Mars avek mini albonm I Am Not, ki ti swiv par de lezot mini albonm dan seri I Am, I Am Who ek I Am You. Apre, an 2019, trilozi Clé ti ganny lanse an 2019, ki ti konpoze avek Clé 1: Miroh, Clé 2: Yellow Wood, e Clé: Levanter. Premye albonm sa group, Go Live, ti ganny lanse an 2020, e ti vin zot premye albonm pour ganny sertifye platinum par Korea Music Content Association (KMCA). Sa lannen, Stray Kids ti osi fer son debi an Zapon avek albonm konpilasyon SKZ2020 atraver Epic Records Japan.
an 2021, dezyenm albonm Stray Kids, Noeasy, ti vin premye albonm sa group ki ti vann en milyon. Apre ki in siny avek Republic Records pou promosyon dan Leta Zini an 2022, sa group in lans bann EP Oddinary, Maxident (tou an 2022), e Rock-Star (2023), e zot trwazyenm albonm stidyo 5-Star (2023). tou le kat albonm ti fer zot debi lo nimero enn lo US Billboard 200 e ti antre lo UK Albums Chart. 5-Star in ganny sertifye avek senk milyon lavant par KMCA, ki fer zot selman trwazyenm group Koreen pou akonplir sa feat dan listwar. apartir oktob 2022, stray kids in vann plis ki 10 milyon albonm atraver bann lansman koreen e zaponnen.
bann paz relye
[edit | edit source]group fiy Sid Koreen
santer pop Senegalez
Boygroup Sid Koreen