Wp/cop/Ⲥⲉⲥⲱⲥⲧⲣⲓⲥ Ⲓ̀ⲥⲓⲇⲱⲣⲟⲥ
Ⲛⲉⲥⲉⲥⲱⲥⲧⲣⲓⲥ Ⲓ̀ⲥⲓⲇⲱⲣⲟⲥ Ⲡⲁϣⲁ ⲟⲩⲇⲓⲡⲗⲱⲙⲁⲧⲟⲥ ⲛ̀ⲣⲉⲙⲛ̀ⲭⲏⲙⲓ ⲡⲉ. Ϧⲉⲛⲡⲉϥⲱⲛϧ ⲁϥⲉⲣϩⲱⲃ ⲙ̀ⲡⲣⲉⲥⲃⲉⲩⲧⲏⲥ ⲛ̀ⲧⲉϯⲘⲉⲧⲟⲩⲣⲟ ⲛ̀ⲣⲉⲙⲛ̀ⲭⲏⲙⲓ ϧⲉⲛϯⲘⲉⲧⲟⲩⲣⲟ ⲉⲧϩⲱⲧⲡ ⲛⲉⲙⲂⲉⲗϫⲓⲕⲏ ⲛⲉⲙϯⲔⲁⲧⲱ ⲛ̀Ⲭⲱⲣⲁ ϧⲉⲛ1920-1930.
Ⲡⲉϥⲃⲓⲟⲥ
[edit | edit source]Ⲁⲩⲙⲁⲥϥ ϧⲉⲛⲢⲁⲕⲟϯ ϧⲉⲛⲥⲟⲩ8 ⲛ̀ⲓⲁⲛⲟⲩⲁ̀ⲣⲓⲟⲥ 1873. Ⲛⲉⲡⲉϥⲓⲱⲧ Ⲥⲧⲉⲫⲁⲛⲟⲥ Ⲓ̀ⲥⲓⲇⲱⲣⲟⲥ ⲡⲉ ⲉⲛⲁϥⲟⲓ ⲛ̀ⲟⲩⲁⲣⲭⲱⲛ ⲙ̀ⲡⲓⲃⲉⲣⲏⲇⲟⲥ ⲛ̀ⲣⲉⲙⲛ̀ⲭⲏⲙⲓ ⲟⲩⲟϩ ⲛⲉⲧⲉϥⲙⲁⲩ Ⲅⲁⲗⲓⲗⲁ Ⲕⲁⲙⲏⲗ Ⲧⲟⲩⲏϫ ⲧⲉ.
Ⲁϥϭⲓⲥⲃⲱ ⲙ̀ⲫⲛⲟⲙⲟⲥ ϧⲉⲛϯⲔⲉϣⲣⲱⲙⲓ ⲛⲉⲙⲠⲁⲣⲏⲥ ⲟⲩⲟϩ ⲁϥⲉⲣϩⲏⲧⲥ ⲙ̀ⲡⲉϥϩⲱⲃ ϧⲉⲛϯⲙⲉⲧⲣⲉⲙⲛ̀ϫⲟⲙ ⲛ̀ⲧⲉⲑⲙⲏⲓ ⲛ̀ⲣⲉⲙⲛ̀ⲭⲏⲙⲓ ⲙ̀ⲡⲁⲧⲉϥⲉⲣⲥⲁϧ ⲟⲩⲟϩ ⲙⲉⲛⲉⲛⲥⲱⲥ ⲛ̀ⲣⲉϥϯϩⲁⲡ ϧⲉⲛϯⲔⲉϣⲣⲱⲙⲓ.
Ⲁⲩϯ ⲛⲁϥ ⲙ̀ⲡⲓⲧⲁⲓⲟ ⲛ̀ⲧⲉⲠⲁϣⲁ ϧⲉⲛ1930 ⲟⲩⲟϩ ⲁϥϭⲓ ⲛ̀ϩⲁⲛⲙⲏϣ ⲛ̀ⲧⲁⲓⲟ ⲉ̀ⲃⲟⲗ ϧⲉⲛⲬⲏⲙⲓ ⲛⲉⲙϩⲁⲛⲭⲱⲣⲁ ⲛ̀ϣⲉⲙⲙⲟ.
Ⲁϥϭⲓ ⲛ̀ⲧϣⲉⲣⲓ ⲛ̀Ⲃⲟⲅⲟⲥ Ⲅⲁⲗⲓ Ⲡⲁϣⲁ ⲉⲩⲥϩⲓⲙⲓ ⲛⲁϥ, ⲟⲩⲟϩ ⲁⲩϣⲱⲡⲓ ⲛⲁϥ ⲛ̀3 ⲛ̀ϣⲏⲣⲓ, ⲉ̀ⲧⲉ ⲟⲩⲣⲉϥⲥⲉⲙⲓ ⲙ̀ⲡⲓⲙⲁⲛⲛⲟⲙⲟⲥ ⲉⲧϭⲟⲥⲓ ⲛⲉⲙⲟⲩⲃⲁⲗⲁⲕⲧⲓⲛ, ⲛⲉⲙ ⲟⲩϣⲉⲣⲓ ⲉⲧⲁⲥϭⲓ ⲛ̀ⲟⲩⲉⲩⲅⲉⲛⲏⲥ ⲛ̀ⲫⲣⲁⲅⲅⲟⲥ ⲛ̀ϩⲁⲓ.