Wp/cop/Ⲥⲃⲱⲛ
Ⲥⲃⲱⲛ (ϯⲙⲉⲧⲁ̀ⲣⲁⲃⲟⲥ: أصفوان المطاعنة) ⲟⲩϯⲙⲓ ⲡⲉ ϧⲉⲛⲡⲓⲑⲱϣ Ⲕⲱⲛⲏ ⲛ̀ⲧⲉⲬⲏⲙⲓ. Ⲡⲓⲇⲉⲙⲟⲥ ϥⲟⲓ 29300 ⲛ̀ⲣⲱⲙⲓ.
Ⲡⲓⲣⲁⲛ
[edit | edit source]Ⲡⲓⲣⲁⲛ ϥⲓ ⲉ̀ⲃⲟⲗ ϩⲓϯⲙⲉⲧⲣⲉⲙⲛⲭⲏⲙⲓ ⲛ̀ⲁ̀ⲡⲁⲥ Ḥw.t-Snfrw (ⲡⲓⲏⲓ ⲛ̀ⲧⲉϢⲉⲛⲛⲟⲩϥⲓ). Ⲥϩⲃⲱⲛ ⲡⲉ ⲡⲓⲥⲙⲟⲧ ⲙ̀ⲙⲉⲧⲣⲉⲙⲫⲙⲁⲣⲏⲥ. Ⲡⲓⲕⲉⲣⲁⲛ ⲡⲉ Ⲡⲟⲗⲓⲥ Ⲡⲟⲩⲣⲟ.
Ϯϩⲓⲥⲧⲟⲣⲓⲁ̀
[edit | edit source]Ⲥⲃⲱⲛ ⲛⲉⲟⲩⲟⲛⲧⲁϥ ⲟⲩⲙⲁ ⲉ̀ⲑⲟⲩⲁⲃ ⲛ̀ⲧⲉⲛⲓϣⲉⲡⲧⲟⲗⲉⲙⲉⲟⲥ ⲛⲉⲙⲛⲓⲣⲱⲙⲉⲟⲥ ⲟⲩⲟϩ ⲙⲉⲛⲉⲛⲥⲱⲥ ⲁⲥϣⲱⲡⲓ ⲛ̀ⲟⲩⲙⲁ ⲛ̀ⲧⲉⲟⲩⲙⲟⲛⲁⲥⲧⲏⲣⲓⲟⲛ ⲉ̀ⲧⲁϥϩⲓⲥⲉⲛϯ ⲙ̀ⲙⲟϥ ⲛ̀ϫⲉⲡⲓⲁ̀ⲅⲓⲟⲥ Ⲙⲁⲧⲑⲉⲟⲥ ⲡⲓϨⲏⲕⲓ. Ⲁϥϩⲓⲥⲉⲛϯ ⲙ̀ⲙⲟϥ ϧⲉⲛϯⲙⲁ ⲛ̀ⲧⲱⲟⲩ ϧⲁⲧⲉⲛⲤⲛⲏ ⲡⲓⲙⲁ ⲉ̀ⲧⲁϥⲕⲱⲧ ⲙ̀ⲡⲉϥⲣⲓ ⲉⲧⲟⲩⲙⲟⲩϯ ⲉ̀ⲣⲟϥ ϫⲉ"ⲡⲓⲧⲱⲟⲩ ⲉⲧϩⲓϧⲟⲩⲛ". Ⲙⲉⲛⲉⲛⲥⲱⲥ ⲁⲩϣⲱⲡⲓ ϧⲉⲛⲡⲓⲙⲟⲛⲁⲥⲧⲏⲣⲓⲟⲛ ⲛ̀ϫⲉϩⲁⲛⲣⲱⲙⲓ ⲙ̀ⲫⲣⲏϯ ⲙ̀ⲡⲓⲇⲓⲁ̀ⲕⲱⲛ Ⲡⲁϣⲁⲉⲓⲣ, ⲡⲓⲍⲱⲅⲣⲁⲫⲟⲥ Ⲙⲉⲣⲕⲟⲩⲣⲓⲟⲥ ⲛⲉⲙⲡⲓⲡⲣⲉⲥⲃⲩⲧⲉⲣⲟⲥ Ⲡⲁⲕⲓⲣⲉ ⲛⲏⲉⲧⲉ ⲛⲟⲩⲣⲁⲛ ⲥⲉⲟⲩⲟⲛϩ ϧⲉⲛⲛⲓⲥϧⲁⲓ ⲉ̀ⲧⲁⲩⲥϧⲏⲧⲟⲩ ⲓⲥϫⲉⲛ1148 ϣⲁ1369 . ϦⲉⲛⲒ̅Ⲅ̅ ⲛ̀ⲉ̀ⲱⲛ ⲛⲁⲩⲱⲡ ⲙ̀ⲙⲟϥ ϫⲉⲟⲩⲁⲓ ⲡⲉ ⲛ̀ⲧⲉⲛⲓⲙⲟⲛⲁⲥⲧⲏⲣⲓⲟⲛ ⲉⲩⲟⲩⲟⲛϩ ⲛ̀ⲧⲉⲪⲙⲁⲣⲏⲥ. Ⲛⲓⲗⲓⲙⲏⲛ ⲛ̀ⲅⲩⲯⲟⲥ ⲉⲧϭⲓϩⲣⲁϥ ⲛ̀ⲧⲉⲡⲓⲙⲟⲛⲁⲥⲧⲏⲣⲓⲟⲛ ⲁⲩϭⲓϧⲟⲧϧⲉⲧ ⲙ̀ⲙⲱⲟⲩ ϧⲉⲛⲒ̅Ⲑ̅ ⲛⲉⲙⲔ̅ ⲛ̀ⲉ̀ⲱⲛ.