Wp/cop/Ⲡⲁⲙⲃⲱ

Ⲫⲏ ⲉ̀ⲑⲟⲩⲁⲃ Ⲡⲁⲙⲃⲱ.

Ⲫⲏ ⲉ̀ⲑⲟⲩⲁⲃ Ⲡⲁⲙⲃⲱ (303 - 373) ⲉⲧⲟⲩⲙⲟⲩϯ ⲉ̀ⲣⲟϥ ⲟⲛ ϫⲉⲠⲁⲙⲱ ⲛⲉⲟⲩⲁⲛⲁⲭⲱⲣⲓⲧⲏⲥ ⲡⲉ ⲛ̀ⲧⲉⲆ̅ ⲛ̀ⲉ̀ⲱⲛ ⲟⲩⲟϩ ⲟⲩⲁⲓ ⲡⲉ ⲛ̀ⲛⲓϣⲟⲣⲡ ⲛ̀ⲣⲉϥϣⲱⲡⲓ ϧⲉⲛⲪⲁ ⲛⲓϩⲟⲥⲉⲙ. Ⲥⲉⲉⲣϣⲁⲓ ⲙ̀ⲡⲉϥⲉⲣⲫⲙⲉⲩⲓ ϧⲉⲛⲡⲓⲥⲟⲩ1 ⲙ̀ⲡⲓⲁ̀ⲃⲟⲧ Ⲓⲟⲩⲗⲓⲟⲥ ϧⲉⲛϯⲉⲕⲕⲗⲏⲥⲓⲁ̀ ⲛ̀ⲧⲉⲡⲉⲙⲉⲛⲧ ⲟⲩⲟϩ ϧⲉⲛⲡⲓⲥⲟⲩ18 ⲙ̀ⲡⲓⲁ̀ⲃⲟⲧ Ⲓⲟⲩⲗⲓⲟⲥ ϧⲉⲛϯⲉⲕⲕⲗⲏⲥⲓⲁ̀ ⲛ̀ⲧⲉⲡⲉⲓⲉⲃⲧ.

Ⲛⲉⲟⲩϣⲫⲏⲣ ⲡⲉ ⲛ̀ⲧⲉⲫⲏ ⲉ̀ⲑⲟⲩⲁⲃ Ⲁ̀ⲙⲟⲩⲛ ⲟⲩⲟϩ ⲁⲩⲑⲁϩⲥϥ ⲛ̀ⲟⲩⲡⲣⲉⲥⲃⲩⲧⲉⲣⲟⲥ ⲟⲩⲟϩ ⲁⲫⲏ ⲉ̀ⲑⲟⲩⲁⲃ Ⲙⲁⲕⲁⲣⲓⲟⲥ ⲭⲏ ϧⲉⲛⲧⲉϥⲉⲩⲭⲁⲣⲓⲥⲧⲓⲁ̀. Ⲫⲏ ⲉ̀ⲑⲟⲩⲁⲃ Ⲁ̀ⲑⲁⲛⲁⲥⲓⲟⲥ ⲛⲁϥⲧⲁⲓⲟ̀ ⲙ̀ⲙⲟϥ ⲟⲩⲟϩ ⲫⲏ ⲉ̀ⲑⲟⲩⲁⲃ Ⲁⲛⲧⲱⲛⲓⲟⲥ ⲛⲁϥⲥⲙⲟⲩ ⲉ̀ⲣⲟϥ. Ⲕⲉⲡⲉⲣ ⲛⲉⲟⲩⲁⲧⲥ̀ϧⲁⲓ ⲡⲉ Ⲡⲁⲙⲃⲱ ⲛⲉⲟⲩⲣⲉϥϭⲓⲙⲱⲓⲧ ⲙ̀ⲡⲛⲉⲩⲙⲁⲧⲓⲕⲟⲛ ⲡⲉ ⲛ̀ⲧⲉⲛⲓⲥⲛⲏⲟⲩ ⲉⲧϭⲟⲥⲓ (ϯⲙⲉⲧⲗⲁϯⲛⲟⲥ: fratres longi) ⲟⲩⲁⲟⲩⲏⲧ ⲙ̀ⲙⲟⲛⲁⲭⲟⲥ ⲛ̀Ⲱ̀ⲣⲓⲅⲉⲛⲏⲥ ⲉ̀ⲧⲁⲩϭⲓⲇⲓⲱⲅⲙⲟⲥ ⲙⲉⲛⲉⲛⲥⲱⲥ ϩⲓⲧⲉⲛⲫⲏ ⲉ̀ⲑⲟⲩⲁⲃ Ⲑⲉⲟ̀ⲫⲓⲗⲟⲥ.

Ⲉⲩⲥⲱⲟⲩⲛ ⲙ̀ⲙⲟϥ ⲉⲑⲃⲉⲡⲉϥⲭⲁⲣⲱϥ ⲛⲉⲙⲧⲉϥⲁⲥⲕⲏⲥⲓⲥ ⲛⲉⲙⲡⲓϩⲱⲃ ⲛ̀ϫⲓϫ Ⲡⲁⲙⲃⲱ ⲛⲁϥϭⲓ ⲛ̀ϩⲁⲛⲉ̀ϩⲟⲟⲩ ⲉ̀ⲣⲟⲩⲱ̀ ⲉ̀ϩⲁⲛϭⲛⲟⲩ ⲟⲩⲟϩ ⲛⲁϥϫⲱ ⲙ̀ⲙⲟⲥ ϫⲉ ⲙ̀ⲡⲉϥⲉⲣⲙⲉⲧⲁⲛⲟⲓⲛ ⲉ̀ⲛⲉϩ ⲉⲑⲃⲉⲟⲩⲥⲁϫⲓ ⲉ̀ⲧⲁϥϫⲟϥ. Ⲁϥⲙⲟⲩ ⲉϥⲑⲱⲧ ⲛ̀ⲟⲩⲃⲓⲣ ⲑⲏ ⲉ̀ⲧⲁϥⲭⲁⲥ ⲛ̀ⲕⲗⲏⲣⲟⲛⲟⲙⲓⲁ̀ ⲙ̀Ⲙⲉⲗⲁⲛⲓⲁ̀. Ⲕⲁⲧⲁϯϩⲓⲥⲧⲟⲣⲓⲁ̀ ⲛ̀Ⲗⲁⲩⲥⲟⲥ ⲛ̀ⲧⲉⲠⲁⲗⲗⲁⲇⲓⲟⲥ ⲁϥⲙⲧⲟⲛ ⲙ̀ⲙⲟϥ ϧⲉⲛ373 ⲉϥϧⲉⲛ70 ⲛ̀ⲣⲟⲙⲡⲓ.