Wp/cop/Ⲛⲉⲕⲟϯ
| ϯⲙⲉⲧⲁ̀ⲣⲁⲃⲟⲥ: نقادة | |
 | |
| Ϯⲇⲓⲟⲓⲕⲏⲥⲓⲥ | |
|---|---|
| Ϯⲭⲱⲣⲁ | Ⲭⲏⲙⲓ |
| Ⲡⲓⲑⲱϣ | Ⲕⲱⲛⲏ |
| Ⲡⲓⲇⲉⲙⲟⲥ | |
| Ϯⲏⲡⲓ ⲛ̀ⲇⲉⲙⲟⲥ | 188,984 |
| Ϯⲅⲉⱀⲅⲣⲁⲫⲓⲁ̀ | |
| Ⲡⲓϣⲁⲩ | 93.08 |
| Ϯⲍⲱⲛⲏ ⲛ̀ⲥⲏⲟⲩ | UTC+2 |
Ⲛⲉⲕⲟϯ (ϯⲙⲉⲧⲁ̀ⲣⲁⲃⲟⲥ: نقادة) ⲟⲩϯⲙⲓ-ⲧⲉ ϧⲉⲛⲡⲓⲑⲱϣ Ⲕⲱⲛⲏ ⲉⲩⲭⲏ ϧⲉⲛⲡⲓⲥⲫⲓⲣ ⲙ̀ⲡⲉⲙⲉⲛⲧ ⲛ̀ⲧⲉⲪⲓⲁ̀ⲣⲟ. Ϧⲉⲛⲡⲓⲕⲉⲥⲫⲓⲣ ⲥⲁⲡⲉⲙϩⲓⲧ ⲛ̀ⲉⲓⲉⲃⲧ ⲥ̀ⲭⲏ ⲛ̀ϫⲉϯⲃⲁⲕⲓ Ⲕⲱⲥ Ⲃⲉⲣⲃⲓⲣ.
Ⲛⲉⲕⲟϯ ⲥⲉⲥⲱⲟⲩⲛ ⲙ̀ⲙⲟⲥ ⲉⲑⲃⲉϯⲧⲉⲭⲛⲏ ⲛ̀ⲁⲣⲭⲉⲟⲥ ⲛ̀ⲧⲉⲡⲓϣⲱⲛⲧ ⲙ̀ⲫⲟⲩⲣⲕⲁ ⲟⲩϩⲱⲃ ⲛ̀ϫⲓϫ ⲛ̀ϣⲱⲛⲧ ⲉⲛⲁⲩⲟⲩⲟⲣⲡϥ ⲛ̀ⲟⲩⲥⲏⲟⲩ ⲉ̀ⲡⲓ-Ⲥⲟⲩⲇⲁⲛ ⲟⲩⲟϩ ⲉ̀ⲛⲁⲩⲉⲣⲭⲣⲁⲥⲑⲉ ⲙ̀ⲙⲟϥ ϧⲉⲛⲛⲓⲥⲩⲛⲏⲑⲓⲁ̀ ⲛ̀ⲧⲉⲡⲓϫⲓⲛⲙⲓⲥⲓ ⲛⲉⲙⲡⲓϩⲟⲡ ⲛ̀ⲧⲉⲛⲓⲛϩⲱⲥⲓ. Ⲟⲩⲛⲓϣϯ ⲙ̀ⲙⲉⲣⲟⲥ ⲛ̀ⲧⲉⲛⲓⲁⲓⲅⲩⲡⲧⲓⲟⲥ ϧⲉⲛⲠⲁⲛϩⲱⲥⲓ ⲥⲉϫⲓⲙⲓ ⲛ̀ⲛⲟⲩⲛⲟⲩⲛⲓ ϧⲉⲛⲚⲉⲕⲟϯ.
Ⲡⲓⲙⲁ ⲛⲁϥⲟⲓ ⲟⲛ ⲛ̀ⲏⲓ ⲛ̀ϯⲙⲉⲧⲉⲕⲟⲩⲙⲉⲛⲏ ⲛ̀ⲧⲉⲚⲉⲕⲟϯ ⲉ̀ⲧⲉⲟⲩϫⲓⲛⲱⲛϧ ⲛ̀ⲣⲉⲙⲛ̀ⲭⲏⲙⲓ ⲛ̀ⲁⲣⲭⲉⲟⲥ ⲉⲛⲁϥϣⲟⲡ ⲓⲥϫⲉⲛ 4000 ϣⲁ3000 ϧϫ̅ⲛ̅ⲭ̅ⲥ̅. Ⲛⲓⲥⲕⲟⲗⲁⲥⲧⲓⲕⲟⲥ ⲥⲉⲫⲱϣ ⲙ̀ⲙⲟϥ ⲉ̀ϣⲟⲙⲧ ⲙ̀ⲙⲉⲣⲟⲥ ⲛ̀ϫⲉⲚⲉⲕⲟϭ Ⲁ̅, Ⲃ̅, ⲛⲉⲙⲄ̅, ⲉⲩⲉⲣⲭⲱⲣⲓⲛ ⲛ̀ⲟⲩ 1,400 ⲛ̀ⲣⲟⲙⲡⲓ. Ⲛⲁⲓⲥⲏⲟⲩ ⲁⲩⲁⲓⲁⲓ ⲛ̀ⲭⲱⲗⲉⲙ ϧⲉⲛϯⲟⲓⲕⲟⲛⲟⲙⲓⲁ̀, ϯⲙⲉⲧⲉⲣϩⲱⲃ, ϯⲙⲉⲧϫⲓⲛⲉⲣⲃⲁⲕⲓ, ⲛⲉⲙⲛⲓⲥⲉⲛϯ ⲙ̀ⲡⲟⲗⲏⲧⲓⲁ̀ ⲟⲩⲟϩ ⲁⲩⲓ̀ⲛⲓ ⲙ̀ⲡⲓϫⲓⲛⲑⲁⲙⲓⲟ̀ ⲛ̀ϩⲁⲛⲛⲓϣϯ ⲙ̀ⲃⲁⲕⲓ ⲛⲉⲙⲡⲓϩⲱⲧⲡ ⲛ̀ⲧⲉⲪⲙⲁⲣⲏⲥ ⲛⲉⲙⲮⲁϧⲏⲧ ϧⲁⲡⲓϩⲟⲩⲓⲧ ⲛ̀ⲏⲓ.
Ⲡⲓⲣⲁⲛ
[edit | edit source]Ⲡⲓⲣⲁⲛ ⲛ̀ⲧⲉⲡⲓϯⲙⲓ ⲥⲉϫⲉⲙϥ ⲁⲛ ϧⲉⲛϩⲗⲓ ⲛ̀ϫⲱⲙ ⲛ̀ⲣⲉⲙⲛ̀ⲭⲏⲙⲓ ⲛ̀ⲁⲣⲭⲉⲟⲥ. Ⲉⲙⲏⲗ Ⲙⲁϩⲉⲣ ϥ̀ϫⲱ ⲙ̀ⲙⲟⲥ ϫⲉⲡⲉⲥⲣⲁⲛ ⲛ̀ⲣⲉⲙⲛ̀ⲭⲏⲙⲓ ⲛⲉⲚⲉⲕⲁⲧⲏⲣⲓⲟⲛ[1] ⲁⲗⲗⲁ ⲁϭⲛⲉ ϩⲗⲓ ⲙ̀ⲙⲉⲧⲙⲉⲑⲣⲉ. Ⲡⲓⲣⲁⲛ ϥ̀ⲟⲛⲓ ⲉ̀Ⲣⲁⲕⲟϯ ⲟⲩⲟϩ ⲟⲩⲟⲛϣ̀ϫⲟⲙ ⲛ̀ⲧⲉⲧⲟⲩϫⲓⲛⲓ̀ ϣⲱⲡⲓ ⲛ̀ⲟⲩⲁⲓ. Ϧⲉⲛⲟⲩⲉⲣⲃⲓⲛ ⲉ̀ⲃⲟⲗ ϧⲉⲛⲪⲁⲑⲱⲣ ⲥⲉⲉⲣⲙⲉⲑⲣⲉ ⲛ̀ⲟⲩⲣⲁⲛ ⲙ̀ⲙⲁ ϫⲉ t3-m3j-(n)inj-qdj ⲉ̀ⲧⲉ ⲟⲩⲟⲛϣ̀ϫⲟⲙ ⲛ̀ⲧⲉϥϫⲱ ⲙ̀ⲙⲟⲥ ⲉ̀Ⲛⲉⲕⲟϯ.
Ⲛⲓⲁⲣⲭⲏ
[edit | edit source]- ↑ Ⲓⲥⲁⲁⲕ, Ⲉⲙⲏⲗ Ⲙⲁϩⲉⲣ (1975). The Phonetics and Phonology of the Boḥairic Dialect of Coptic and the Survival of Coptic Words in the Colloquial and Classical Arabic of Egypt and of Coptic Grammatical Constructions in Colloquial Egyptian Arabic. ⲕ̅.1. ⲡⲓⲙⲁ ⲛ̀ⲑⲱⲟⲩⲧⲥ ⲛ̀ⲧⲉⲰⲝϥⲟⲣⲇ. ϩ̅.164.