Wp/cop/Ⲙⲱⲩⲥⲏⲥ ⲡⲓⲉ̀ⲡⲓⲥⲕⲟⲡⲟⲥ ⲛ̀ⲧⲉⲂⲟⲩϣⲏⲙ

Ⲁⲃⲃⲁ Ⲙⲱⲩⲥⲏⲥ ⲛⲁϥⲟⲓ ⲛ̀ⲉ̀ⲡⲓⲥⲕⲟⲡⲟⲥ ⲛ̀ⲣⲉⲙⲛ̀ⲭⲏⲙⲓ ⲛ̀ⲧⲉⲂⲟⲩϣⲏⲙ ϧⲉⲛⲡⲓⲑⲱϣ ϯⲠⲉⲣⲥⲓⲟⲥ ⲓⲥϫⲉⲛⲛ̀ⲁⲩ735 ϣⲁⲙⲉⲛⲉⲛⲥⲁ767. Ϧⲁϫⲱϥ ⲛ̀ⲧⲉϥⲙⲉⲧⲉⲡⲓⲥⲕⲟⲡⲟⲥ ⲛⲁϥⲟⲓ ⲙ̀ⲙⲟⲛⲁⲭⲟⲥ ⲟⲩⲟϩ ⲁϥⲉⲣ ⲫⲙⲁ ⲛ̀ⲧⲉⲡⲓⲉⲡⲓⲥⲕⲟⲡⲟⲥ Ϫⲁⲙⲟⲩⲗ ⲫⲏ ⲉⲧⲁϥϣⲱⲡⲓ ϧⲉⲛⲡⲓⲙⲁ ⲉⲧⲉⲙⲙⲁⲩ ϧⲉⲛ728.

Ⲛⲁϥⲟⲓ ⲛ̀ϣⲫⲏⲣ ⲛ̀ϧⲱⲛⲧ ⲛ̀ⲧⲉⲡⲓⲡⲁⲧⲣⲓⲁⲣⲭⲏⲥ Ⲙⲓⲭⲁⲏⲗ Ⲁ̅ ⲟⲩⲟϩ ⲛⲁϥⲟⲓ ⲛ̀ⲟⲩⲙⲉⲣⲟⲥ ⲉϥϩⲱⲟⲩ ϧⲉⲛⲡⲉϥⲥⲱⲧⲡ ϧⲉⲛ743, ϧⲉⲛ ⲟⲩⲥⲏⲟⲩ ⲛ̀ⲧⲉ ⲟⲩⲫⲱⲣϫ ⲟⲩⲧⲉⲡⲉⲙϩⲓⲧ ⲛⲉⲙⲫⲣⲏⲥ ϧⲉⲛϯⲉⲕⲕⲗⲏⲥⲓⲁ̀ ⲛ̀ⲣⲉⲙⲛ̀ⲭⲏⲙⲓ.

Ⲙⲱⲩⲥⲏⲥ ⲛⲁϥϫⲉⲙϫⲟⲙ ⲉ̀ⲙⲁϣⲱ ⲉⲑⲃⲉⲡⲉϥϧⲱⲛⲧ ⲉ̀ⲡⲓϩⲏⲅⲉⲙⲱⲛ ⲛ̀ⲧⲉⲡⲓⲪⲱⲥⲁⲧⲟⲛ, ⲕⲉⲅⲁⲣ ⲁⲩϩⲓⲧϥ ⲉ̀ⲡⲓϣ̀ⲧⲉⲕⲟ ⲛ̀ⲟⲩⲙⲏϣ ⲛ̀ⲥⲟⲡ ⲉⲑⲃⲉϫⲉⲁϥϫⲱⲗ ⲉ̀ⲃⲟⲗ ⲉ̀ϯ ⲛ̀ⲛⲓϩⲱϯ ⲙ̀ⲃⲉⲣⲓ ⲉ̀ϫⲉⲛⲛⲓⲕⲁϩⲓ ⲛ̀ⲧⲉϯⲉⲕⲕⲗⲏⲥⲓⲁ. Ϧⲉⲛⲡⲓϣⲑⲟⲣⲧⲉⲣ ⲟⲩⲧⲉϯⲙⲉⲧϭⲟⲓⲥ ⲛ̀ⲧⲉⲛⲓϣⲉⲛⲙⲁⲁⲩⲓ̀ⲁ̀ (747-750), ⲁⲩⲙⲟⲩϯ ⲉ̀ⲣⲟϥ ⲉⲩⲥⲟⲡ ⲛⲉⲙⲡⲓⲡⲁⲧⲣⲓⲁⲣⲭⲏⲥ Ⲙⲓⲭⲁⲏⲗ ⲙ̀ⲡⲉⲙⲑⲟ ⲙ̀ⲡⲓⲇⲓⲁ̀ⲇⲟⲭⲟⲥ Ⲙⲁⲣⲟⲩⲁⲛ Ⲃ̅. Ⲕⲁⲧⲁⲓⲱⲁⲛⲛⲏⲥ ⲡⲓⲇⲓⲁⲕⲱⲛ, ⲁⲩϩⲓⲧϥ ⲁⲗⲗⲁ ⲁϥϣⲉⲡϩ̀ⲙⲟⲧ ⲉⲑⲃⲉⲡⲓϧⲓⲥⲓ ⲉ̀ϫⲉⲛϯⲉⲕⲕⲗⲏⲥⲓⲁ̀.

Ϧⲉⲛϯⲙⲉⲧⲟⲩⲣⲟ ⲛ̀ⲧⲉⲛⲓϣⲉⲛⲁⲃⲃⲁⲥ, ⲁϥⲉϫⲓⲛ ⲉⲑⲣⲉϥϭⲓ ⲛ̀ⲟⲩⲙⲉⲧⲣⲉϥⲭⲱ ⲉ̀ⲃⲟⲗ ⲛ̀ⲧⲉⲛⲓϩⲱϯ, ⲁϥⲉⲣϩⲱⲃ ⲉ̀ⲧⲁⲥⲑⲟ ⲛ̀ⲛⲓϣⲁⲙϣⲉⲙⲉⲗⲓⲧⲓⲟⲥ ⲉ̀ϧⲟⲩⲛ ⲉ̀ϯⲉⲕⲕⲗⲏⲥⲓⲁ̀, ⲟⲩⲟϩ ⲁϥⲉⲣⲛⲁϣϯ ⲉ̀ϫⲉⲛⲛⲓⲙⲁ ⲉⲑⲟⲩⲁⲃ ⲛ̀ⲧⲉⲛⲓⲭⲣⲓⲥⲧⲓⲁⲛⲟⲥ, ⲟⲩⲟϩ ⲁⲩⲉⲣⲧⲓⲙⲁⲛ ⲙ̀ⲙⲟϥ ϩⲱⲥ ⲟⲩⲣⲉϥⲧⲁⲗϭⲟ ⲛⲉⲙⲟⲩⲁⲫⲏ ⲙ̀ⲡ̀ⲛⲉⲩⲙⲁⲧⲓⲕⲟⲛ.