Wp/cop/Ⲙⲟⲛⲁⲥⲧⲏⲣⲓⲟⲛ ⲛ̀ⲧⲉⲁⲃⲃⲁ Ⲁⲣⲥⲉⲛⲓⲟⲥ ϧⲉⲛⲦⲣⲱⲁ̀

Ⲡⲓⲙⲟⲛⲁⲥⲧⲏⲣⲓⲟⲛ ⲛ̀ⲧⲉⲡⲓⲁ̀ⲅⲓⲟⲥ ⲁⲃⲃⲁ Ⲁⲣⲥⲉⲛⲓⲟⲥ ⲟⲩⲙⲟⲛⲁⲥⲧⲏⲣⲓⲟⲛ ⲛ̀ϣⲁϥⲉ ⲉϥϫⲁϥϫⲱϥ ⲡⲉ ϧⲉⲛⲦⲣⲱⲁ̀ ϧⲉⲛⲬⲏⲙⲓ. Ⲛⲓⲣⲁⲛ ⲛ̀ⲁⲡⲁⲥ ⲛⲁⲩⲭⲏ ⲛ̀ϧⲏⲧⲟⲩ ⲡⲓⲘⲟⲛⲁⲥⲧⲏⲣⲓⲟⲛ ⲛ̀ⲧⲉⲡⲓⲉⲱ, ⲡⲓⲘⲟⲛⲁⲥⲧⲏⲣⲓⲟⲛ ⲛ̀ⲟⲩⲉⲓⲛⲓⲛ, ⲡⲓⲙⲘⲟⲛⲁⲥⲧⲏⲣⲓⲟⲛ ⲛ̀ⲧⲉϨⲉⲣⲁⲕⲗⲓⲟⲥ. Ⲕⲁⲧⲁϯⲡⲁⲣⲁⲇⲟⲥⲓⲥ ⲡⲓⲟⲩⲣⲟ Ⲁⲣⲕⲁⲇⲓⲟⲥ ⲁϥⲕⲟⲧϥ ⲥⲁⲡϣⲱⲓ ⲙ̀ⲡⲓⲃⲏⲃ ⲉ̀ⲧⲁ ⲁⲃⲃⲁ Ⲁⲣⲥⲉⲛⲓⲟⲥ ϣⲱⲡⲓ ⲟⲩⲟϩ ⲙⲧⲟⲛ ⲙ̀ⲙⲟϥ ⲛ̀ϧⲏⲧϥ.

Ϯϩⲓⲥⲧⲟⲣⲓⲁ̀

Ϧⲉⲛⲧⲁⲣⲭⲏ ⲙ̀Ⲑ̅ ⲛ̀ⲉ̀ⲱⲛ ⲟⲩⲙⲟⲛⲁⲭⲟⲥ ⲉ̀ⲡⲉϥⲣⲁⲛ ⲡⲉ Ⲉⲩⲥⲧⲁⲑⲓⲟⲥ ⲁϥⲉⲣϩⲏⲅⲟⲩⲙⲉⲛⲟⲥ ⲙ̀ⲡⲓⲙⲁ ϧⲁϫⲱϥ ⲙ̀ⲡⲁⲧⲉϥⲉⲣⲡⲁⲧⲣⲓⲁⲣⲭⲏⲥ ⲙ̀ⲃⲁⲥⲓⲗⲓⲥⲕⲟⲥ ⲛ̀ⲧⲉⲢⲁⲕⲟϯ (813-817). Ⲁϥⲕⲱⲧ ⲛ̀ⲟⲩⲉⲕⲕⲗⲏⲥⲓⲁ̀ ⲉⲩⲧⲟⲓ ⲉ̀Ⲡⲉⲧⲣⲟⲥ ⲛⲉⲙⲠⲁⲩⲗⲟⲥ ⲛⲉⲙϩⲁⲛⲣⲓ ⲛ̀ⲛⲓⲉⲡⲓⲥⲕⲟⲡⲟⲥ ⲉⲑⲛⲁϣⲓⲛⲓ. Ϧⲉⲛⲡϫⲱⲕ ⲙ̀Ⲓ̅ ⲛ̀ⲉ̀ⲱⲛ ⲛⲓⲥϧⲁⲓ ⲙ̀ⲫⲣⲏϯ ⲛ̀Ⲉⲗϣⲁⲫⲟⲩϣϯ ⲛⲉⲙ Ⲉⲗⲙⲁⲕⲣⲓⲍⲓ ⲛⲁⲩⲥϧⲁⲓ ⲉⲑⲃⲉⲡⲓⲙⲟⲛⲁⲥⲧⲏⲣⲓⲟⲛ. Ϧⲉⲛ1010 ⲡⲓⲇⲓⲁ̀ⲇⲟⲭⲟⲥ Ⲉⲗϩⲁⲕⲓⲙ ⲁϥⲟⲩⲁϩⲥⲁϩⲛⲓ ⲉⲑⲣⲟⲩϣⲉⲣϣⲱⲣϥ ⲁⲗⲗⲁ ⲛⲓⲙⲟⲛⲁⲭⲟⲥ ⲁⲩⲟⲩⲁϩⲙⲕⲟⲧϥ ⲛ̀ⲕⲉⲥⲟⲡ ⲙⲉⲛⲉⲛⲥⲱⲥ.

Ϧⲉⲛ1208 ⲡⲓϩⲏⲅⲟⲩⲙⲉⲛⲟⲥ ⲛ̀ⲣⲉⲙⲛ̀ⲭⲏⲙⲓ Ⲙⲁⲣⲕⲟⲥ ⲡϣⲏ Ⲕⲟⲙⲫⲁⲣ ⲁϥϫⲓⲙⲓ ⲛ̀ⲟⲩⲙⲁ ⲙ̀ⲫⲱⲧ ϧⲉⲛⲡⲓⲙⲟⲛⲁⲥⲧⲏⲣⲓⲟⲛ ⲟⲩⲟϩ ⲁϥⲙⲟⲩ ⲙ̀ⲙⲁⲩ. Ϧⲉⲛ1320 ⲡⲓⲓⲱⲧ ⲛ̀ⲇⲟⲙⲓⲛⲓⲕⲁⲛⲟⲥ Ⲡⲉⲡⲓⲛ ⲁϥϫⲉⲙⲡϣⲓⲛⲓ ⲟⲩⲟϩ ⲁϥϭⲓⲙⲓ ⲛ̀ϩⲁⲛⲙⲟⲛⲁⲭⲟⲥ ⲛ̀ⲟⲩⲉⲓⲛⲓⲛ ⲛⲉⲙϩⲁⲛⲁⲛⲁⲭⲱⲣⲓⲧⲏⲥ ⲛ̀ⲓⲁⲕⲱⲃⲓⲧⲏⲥ. Ϧⲉⲛ1321 ⲟⲩϣⲑⲟⲣⲧⲉⲣ ⲁⲩϧⲱⲧⲉⲃ ⲛ̀14 ⲙ̀ⲙⲟⲛⲁⲭⲟⲥ ⲟⲩⲟϩ ⲁⲩⲉⲣⲁⲛⲁⲅⲕⲁⲍⲓⲛ ⲙ̀ⲡⲓⲙⲁ ⲉⲑⲣⲉϥϣⲱϥ. Ϧⲉⲛ1518 ⲡⲓⲣⲉϥϣⲱⲧ ⲛ̀ⲣⲱⲥ Ⲃⲁⲥⲓⲗ Ⲡⲟⲥⲛⲓⲁ̀ⲕⲱϥ ⲁϥϫⲉⲙϥ ⲉϥϣⲟⲩⲱ. Ⲛⲓⲣⲉϥϣⲓⲛⲓ ϧⲉⲛⲒ̅Ⲏ̅ ⲛ̀ⲉ̀ⲱⲛ ⲙ̀ⲫⲣⲏϯ ⲛ̀ⲇⲉ Ⲙⲁⲓⲉ ⲛⲉⲙⲤⲓⲕⲁⲣ ⲁⲩⲥϧⲁⲓ ⲉⲑⲃⲉⲛⲉϥϫⲁϥϫⲱϥ. Ϧⲉⲛ1941 ⲛⲓⲙⲁⲧⲟⲓ ⲛ̀ⲃⲣⲉⲧⲁⲛⲓⲁ̀ ⲉⲩⲧⲟⲩⲃⲟ ⲛ̀ⲟⲩⲃⲏⲃ ⲁⲩϫⲓⲙⲓ ⲛ̀ⲉϩⲟⲧⲉ 2000 ⲛ̀ⲥⲉⲗⲓⲥ ⲛ̀ⲉⲣⲃⲓⲛ, ⲡⲉϩⲟⲩⲟ̀ ⲛ̀ϧⲏⲧⲟⲩ ϩⲁⲛϩⲱⲃ ⲛ̀ⲧⲉϨⲱⲣⲓⲅⲉⲛⲏⲥ ⲛⲉⲙⲆⲓⲇⲩⲙⲟⲥ ⲡⲓⲂⲉⲗⲗⲉ ⲉ̀ⲧⲁⲩⲭⲟⲡⲟⲩ ⲓⲥϫⲉⲛⲛⲓⲃⲱⲧⲥ ⲛ̀ⲧⲉϨⲱⲣⲓⲅⲉⲛⲏⲥ.

Ⲡⲓⲙⲟⲛⲁⲥⲧⲏⲣⲓⲟⲛ ϥ̀ⲭⲏ ϯⲛⲟⲩ ϧⲉⲛⲟⲩⲙⲁ ⲛ̀ⲧⲉⲛⲓⲙⲁⲧⲟⲓ ⲟⲩⲟϩ ⲥⲉⲉⲣⲭⲣⲓⲁ̀ ⲛ̀ⲟⲩⲙⲟⲩⲙϣ ⲉ̀ϣⲉ ⲉ̀ϧⲟⲩⲛ ⲉ̀ⲣⲟϥ. Ⲡⲉϥⲥⲟⲃⲧ ⲛ̀ϧⲟⲩⲛ ⲟⲩⲧⲉⲧⲣⲁⲅⲱⲛⲟⲛ ⲡⲉ ⲟⲩⲟϩ ⲁⲩⲕⲟⲧϥ ϧⲉⲛⲥⲁ ⲥⲛⲁⲩ ⲛ̀ⲧⲉⲟⲩϫⲟⲗ ⲙ̀ⲡⲉⲧⲣⲁ ⲉϥϧⲉⲛⲧ. Ⲟⲩⲙⲱⲓⲧ ⲉⲩϣⲱⲕⲓ ⲙ̀ⲙⲟϥ ⲉ̀ⲃⲟⲗϧⲉⲛⲡⲓⲡⲉⲧⲣⲁ ϥ̀ϩⲱⲧⲡ ⲙ̀ⲡⲓⲥⲁ ⲥⲛⲁⲩ.