Wp/cop/Ⲙⲟⲛⲁⲥⲧⲏⲣⲓⲟⲛ ⲛ̀ⲧⲉⲁⲃⲃⲁ Ⲁⲛⲧⲱⲛⲓ
Ⲡⲓⲙⲟⲛⲁⲥⲧⲏⲣⲓⲟⲛ ⲛ̀ⲧⲉⲡⲓⲁ̀ⲅⲓⲟⲥ ⲁⲃⲃⲁ Ⲁⲛⲧⲱⲛⲓ ϣⲁⲛⲡⲓⲘⲟⲛⲁⲥⲧⲏⲣⲓⲟⲛ ⲛ̀ⲧⲉⲛⲓⲁ̀ⲣⲁⲃⲟⲥ ⲟⲩⲙⲟⲛⲁⲥⲧⲏⲣⲓⲟⲛ ⲛ̀ⲟⲣⲑⲟⲇⲟⲝⲟⲥ ⲛ̀ⲣⲉⲙⲛ̀ⲭⲏⲙⲓ ⲡⲉ ⲉϥⲟ̀ϩⲓ ⲉ̀ⲣⲁⲧϥ ϧⲉⲛⲟⲩⲟⲩⲁϩⲥⲟⲓ ϧⲉⲛⲡⲓϣⲁϥⲉ ⲛ̀ⲧⲉⲛⲓⲁ̀ⲣⲁⲃⲟⲥ ⲛ̀ⲧⲉⲬⲏⲙⲓ ϧⲉⲛⲡⲉⲥⲑⲱϣ Ⲫⲓⲟⲙ ⲛ̀ϣⲁⲣⲓ.
Ϯϩⲓⲥⲧⲟⲣⲓⲁ̀
[edit | edit source]Ⲙⲉⲛⲉⲛⲥⲁ ⲡⲓϫⲓⲛⲙⲧⲟⲛ ⲛ̀ⲧⲉⲁⲃⲃⲁ Ⲁⲛⲧⲱⲛⲓ ⲛⲏ ⲉⲑⲙⲟϣⲓ ⲛ̀ⲥⲱϥ ⲁⲩϣⲱⲡⲓ ⲙ̀ⲡⲕⲱϯ ⲙ̀ⲡⲉϥⲙⲁⲛϣⲱⲡⲓ ⲛ̀ⲁⲛⲁⲭⲱⲣⲓⲧⲏⲥ ⲟⲩⲟϩ ⲁⲩⲕⲱⲧ ⲙ̀ⲡⲓⲙⲟⲛⲁⲥⲧⲏⲣⲓⲟⲛ ⲟⲩⲧⲉ298 ⲛⲉⲙ300 ϧⲉⲛϯⲙⲉⲧⲟⲩⲣⲟ ⲛ̀Ⲕⲱⲛⲥⲧⲁⲛⲧⲓⲟⲥ Ⲭⲗⲱⲣⲟⲥ. Ⲛ̀ϣⲟⲣⲡ ⲛⲓⲙⲟⲛⲁⲭⲟⲥ ⲛⲁⲩϣⲟⲡ ϧⲉⲛϩⲁⲛⲣⲓ ⲉⲩⲫⲟⲣϫ ⲙ̀ⲡⲕⲱϯ ⲛ̀ⲟⲩⲙⲁ ⲛ̀ⲉⲣϣⲱⲟⲩϣⲓ ⲉϥϩⲏⲟⲩ. Ⲛⲁⲩⲉⲣϣⲱⲟⲩϣⲓ ⲉⲩⲥⲟⲡ ⲛⲁⲩⲉⲣϣⲫⲏⲣ ⲛ̀ϩⲁⲛϧⲣⲏⲟⲩⲓ ϧⲉⲛⲟⲩⲙⲁ ⲛ̀ⲟⲩⲱⲙ ⲉϥⲟⲓ ⲛ̀ϣⲫⲏⲣ ⲟⲩⲟϩ ⲛⲁⲩⲁ̀ⲣⲉϩ ⲉ̀ⲟⲩⲱⲛϧ ⲉϥⲫⲟⲣϫ ⲛ̀ⲁⲥⲕⲏⲧⲏⲥ. Ⲉⲃⲟⲗ ϩⲓⲧⲉⲛⲡⲓⲥⲏⲟⲩ ⲡⲓϫⲓⲛϭⲓϣϣⲱⲟⲩ ⲉ̀ϯⲙⲉⲧⲫⲟⲣϫ ⲉⲑⲛⲁϣⲧ ⲁϥⲉⲣⲕⲟⲩϫⲓ, ⲟⲩⲟϩ ⲛⲓⲥⲛⲏⲟⲩ ⲁⲩⲉⲣϩⲏⲧⲥ ⲛ̀ϣⲱⲡⲓ ⲉⲩϧⲉⲛⲧ ⲉ̀ⲛⲟⲩⲉⲣⲏⲟⲩ ⲉⲑⲃⲉ ⲡⲟⲩⲟⲩϫⲁⲓ ⲛⲉⲙ ϯⲙⲉⲧϣⲫⲏⲣ. Ⲉⲑⲃⲉⲫⲁⲓ, ϯⲙⲉⲧϣⲫⲏⲣ ⲁⲥⲟⲩⲱ̀ⲧⲉⲃ ⲛ̀ⲕⲟⲩϫⲓ ⲕⲟⲩϫⲓ ⲉ̀ⲃⲟⲗ ϩⲁⲡⲓϫⲓⲛϣⲱⲡⲓ ⲙ̀ⲙⲁⲩⲁⲧϥ ⲉ̀ϧⲟⲩⲛ ⲉ̀ⲟⲩⲱⲛϧ ⲙ̀ⲙⲟⲛⲁⲥⲧⲏⲣⲓⲟⲛ ⲉϥⲟⲓ ⲛ̀ϣⲫⲏⲣ.
ϦⲉⲛⲊ̅ ⲛⲉⲙZ̅ ⲛ̀ⲉ̀ⲱⲛ ⲛⲓϣⲁⲗⲙⲟϣⲓ ⲛ̀ⲧⲉⲛⲓⲥⲁⲣⲁⲕⲱϯ ⲛⲉⲙⲛⲓⲙⲁⲍⲓⲝ ⲁⲩϭⲱϫⲓ ⲛ̀ⲛⲓⲣⲉϥⲫⲱⲧ ⲉ̀ⲃⲟⲗ ϧⲉⲛⲛⲓⲧⲱⲟⲩ ⲉⲧϧⲉⲛⲧ ⲉ̀ϧⲟⲩⲛ ⲉ̀ⲡⲓⲙⲟⲛⲁⲥⲧⲏⲣⲓⲟⲛ ⲛ̀ⲧⲉⲁⲃⲃⲁ Ⲁⲛⲧⲱⲛⲓ. Ⲛⲓⲙⲟⲛⲁⲭⲟⲥ ⲛ̀ⲣⲉⲙⲛ̀ⲭⲏⲙⲓ ⲛⲉⲙⲛⲓⲃⲁⲥⲓⲗⲓⲥⲕⲟⲥ ⲁⲩⲉⲣⲉⲡⲓⲥⲕⲟⲡⲓⲛ ⲙ̀ⲡⲓⲙⲟⲛⲁⲥⲧⲏⲣⲓⲟⲛ ϣⲁⲡϫⲱⲕ ⲙ̀Ⲏ̅ ⲛ̀ⲉ̀ⲱⲛ. Ⲕⲉⲡⲉⲣ ⲡⲓⲇⲓⲁ̀ⲇⲟⲭⲟⲥ Ⲉⲗϩⲁⲕⲓⲙ ⲁϥⲟⲩⲁϩⲥⲁϩⲛⲓ ⲉⲑⲣⲟⲩϣⲟⲣϣⲉⲣ ⲙ̀ⲡⲓⲙⲟⲛⲁⲥⲧⲏⲣⲓⲟⲛ ϧⲉⲛ1010, ⲛⲓⲙⲟⲛⲁⲭⲟⲥ ⲁⲩⲕⲟⲧϥ ϧⲉⲛⲒ̅Ⲃ̅ ⲛ̀ⲉ̀ⲱⲛ ⲟⲩⲟϩ ⲁⲩⲕⲱϯ ⲉ̀ⲣⲟϥ ⲛ̀ⲟⲩⲥⲟⲃⲧ ⲛ̀ⲣⲉϥⲁⲣⲉϩ. Ϧⲉⲛⲧⲁⲣⲭⲏ ⲙ̀Ⲓ̅Ⲅ̅ ⲛ̀ⲉ̀ⲱⲛ ⲛⲓⲣⲉϥϫⲉⲙⲡϣⲓⲛⲓ ⲁⲩⲥⲁϫⲓ ⲉⲑⲃⲉⲛⲉϥϭⲱⲙ ⲉⲩⲣⲱⲧ, ⲛⲉϥⲙⲟⲩⲙⲓ ⲉⲩϧⲁϯ ⲛⲉⲙⲡⲉϥⲓⲛⲓ ⲉⲧϫⲟⲣ ⲙ̀ⲫⲣⲏϯ ⲛ̀ⲟⲩⲕⲁⲥⲧⲣⲟⲛ.
Ⲛⲓⲣⲉϥϣⲓⲛⲓ ⲛ̀ⲣⲉⲙⲛ̀ⲉⲩⲣⲱⲡⲏ ⲁⲩⲉⲣϩⲏⲧⲥ ⲛ̀ⲥϧⲁⲓ ⲉⲑⲃⲉⲛⲟⲩϫⲓⲛϫⲉⲙⲡϣⲓⲛⲓ ϧⲉⲛⲒ̅Ⲇ̅ ⲛ̀ⲉ̀ⲱⲛ. Ⲛⲓϣⲁⲗⲙⲟϣⲓ ⲛⲉⲙϯⲙⲉⲧⲁⲧϥⲓⲣⲱⲟⲩϣ ⲁⲩⲭⲱ ⲙ̀ⲡⲓⲙⲁ ⲉϥϣⲱϥ ϣⲁⲧⲟⲩⲉⲣⲃⲟⲏⲑⲓⲛ ⲉ̀ⲣⲟϥ ⲛ̀ϫⲉⲛⲓⲙⲟⲛⲁⲭⲟⲥ ⲛ̀ⲥⲩⲣⲟⲥ ⲛⲉⲙⲛⲓⲉⲑⲱϣ ϧⲉⲛⲒ̅Ⲋ̅ ⲛ̀ⲉ̀ⲱⲛ. Ϣⲁ1946 ⲛⲁⲩⲛⲏⲟⲩ ⲉ̀ⲣⲟϥ ϧⲉⲛⲟⲩⲥⲩⲛⲟⲇⲓⲁ̀ ⲛ̀ϭⲁⲙⲟⲩⲗ ⲕⲁⲧⲁⲁ̀ⲃⲟⲧ ⲉ̀ⲃⲟⲗ ϧⲉⲛⲡⲓϯⲙⲓ Ⲡⲟⲩϣⲓⲛ ⲁⲗⲗⲁ ⲙⲉⲛⲉⲛⲥⲁ ⲉ̀ⲧⲁⲩⲟⲩⲱⲛ ⲙ̀ⲡⲓⲙⲱⲓⲧ ⲛ̀ⲧⲉⲡⲓⲔⲗⲩⲥⲙⲁ-ϯⲀ̀ⲫⲉ ⲙ̀ⲡⲉⲙⲉⲛⲧ ⲡⲓⲙⲟϣⲓ ⲉ̀ⲃⲟⲗ ϧⲉⲛⲐⲃⲁⲃⲩⲗⲱⲛ ⲁϥⲉⲣⲕⲟⲩϫⲓ ⲉ̀6 ⲛ̀ⲟⲩⲛⲟⲩ.